السلام عليكم
بنات انا طبعا طالبة سحبت عن المدرسة-_- اليوم ورحت مع ماما النادي نسوي رياضة
تجديد للدورة الدموية واول مرة اروح الصباح طبعا شفت شي صدمني كثير صراحة دائما
اللبس ضيق وشفاف سواء كان من المدربات او من الاعضاء في النادي
والله وانا بنت أستحي اطالع فيهم
طيب ماقلنا شي ألبسي بنطلون بس على الاقل بلوزة طويلة عليها
والله انو كأنها عارية امامك
ولما يتدربو مشغلين ميوزك واغنية غربية يرقصو على رقصة غربية
جات ماما كلمة المدربة وكانت ****
وقالت لها مايجوز اللي تسونه وذنوب كل اللي تدربيهم في رقبتك ليوم الدين وشوفي عاد كم وحدة تدربي
قالت لازم شي يحمسهم عشان يخففو وزنهم
وهاذي الطرق الحديثة اللي يستخدموها دحين وعاااااااااااادي ماسوينا شي ؟؟؟؟؟؟؟؟؟؟؟؟؟؟؟؟
أنتي بس وسعي صدرك وتعالي معانا
قالت لها ماما الا هل بلغت اللهم فأشهد
(والدتي الله يجزاها خير ليست داعية ولكن تعمل على مشاريع دعوية )
وتغسل موتى
وراحت قفلت المسجل وعلت صوتها قالت يابنات
مين تقولي كم راح تعيش ؟
محد رد أستغربو
قالت ماما
طيب مين تقول متى راح تموت ؟الساعة كم ؟اي يوم ؟
محد رد
طيب لو قلت انو انا وانا راح اتكلم معاكم الان راح اموت مين راح تصدق ؟
قالو كثير
هههههههههههه تموتي
قالت لهم ماما
(وَمَا تَدْرِي نَفْسٌ مَّاذَا تَكْسِبُ
غَدًا وَمَا تَدْرِي نَفْسٌ بِأَيِّ أَرْضٍ تَمُوتُ )
كلهم يطالعو ببعض
قالت لهم ماما أختي عمرها 19سنة شابة مثلكم توفت وهيا تشرب كاسة موية في المطبخ كانت تدري انها راح تموت
ماتدري
كانت تدري انو اخر شي راح يدخل لجوفها كاسة الموية هاذي
ماتدري
كانت تدري وهيا تصب الموية في الكاسة انو اخر فعل راح تفعله هاذا في الدنيا
قال رسول الله صلي الله عليه وسلم
(ليشربن ناس من امتي الخمر يسمونها بغير اسمها وتضرب علي رؤوسهم المعازف والمغنيات يخسف الله بهم الارض ويجعل منهم القردة والخنازير)
قالت لهم بناتي
عارفين شنو عقوبتكم في الاخرة ؟
طبعا كثير يتـأففو من كلامها والقلة كانو يسمعو بأنصات
يصب في أذنيه الرصاص يوم القيامة
وتلعنك الملائكة يوم كامل
قالت وحدة منهم بضجر طيب طيب أزواجنا راح يجون بعد نص ساعة خليها تكمل التدريب وبعد تفلسفي
قالت لها ماما أذا كنتي بتحرمي نفسك من مجلس تحفك فيه الملائكة لاتحرمي صحباتك يابنتي
من الخير
ترى شيطانك يصور لك انو كلامي مو مهم وانو وقتك ضاع
قالت الثانية كلامها حلو يامريم خلينا نسمع
وقالت لهم بعد ذوقو حلاوة الايمان يابنات
من ترك شيئا لله عوضه الله خيرا منه
ديننا يسر مو عسر
ماحرمنا من شي الا لانو يضرنا
نصيحة يابنات لاتتبعو هواكم
أنتهى
اللي حابه أقولو
انو موقفي من كلام ماما كنت محرجة كثير منها لسبب
اولا :لعب الشيطان بعقلي وصور لي انو مو من الذوق انها تطفي المسجل مع العلم أني لا اسمع الأغاني
ثانيا :كنت ماحب ماما تسوي محاظرة في غير مكانها لان البنات جيينا لهذف معين
وكان تفكيري انهم راح يتكلمو على والدتي وهذا الشي يضايقني
بعد كلام ماما في النادي تعلمت شي مهم جداااااااا
انو النصيحة مالها مكان معين او زمن معين
حتى لو دخلتي مرقص
وانناا امة لابد أن تأمر بمعروف وتنهى عن منكر
قال الله تعالى (كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ وَلَوْ آمَنَ أَهْلُ الْكِتَابِ لَكَانَ خَيْرًا لَهُمْ مِنْهُمُ الْمُؤْمِنُونَ وَأَكْثَرُهُمُ الْفَاسِقُونَ)
صدق الله العظيم
أن اصبت فمن الله وأن أخطئت فمن نفسي والشيطان
اختكم شهد
ادعولي بصلاح ديني وان الله يدلني على طريق الحق