أمي موقفة نصيبي

السلام عليكم ورحمة الله
أحس بغبنة بقلبي مرة بسبب أمي
اول شي انا عمري ٢٤ سنة ع مشارف ال٢٥
درست وتخرجت وكونت نفسي وكل شي
خطابي قليل من زمان
المهم اللي يغبن ان امي فعليا مالها أي يد في موضوعي
احسها واقفة بطريقي اكثر من انها مساعدتني
وانا انسانة ابغى استقر واتزوج
خلاص مليت وربي
بآخر جمعة صديقاتي كلهم تزوجوا الا انا عددنا ٨
وسوالفهم حمل وولادة
احس حياتي وقفت والعمر يمشي تعبت بمعنى الكلمة
المهم اثنين خطبوني أمي رفضتهم من غير ماتستشيرني حتى
اكتشفت بعد رفضها بكم شهر
والسبب ان السكن بيكون بمدينة ثانية!
طيب استشيريني يمكن انا أقبل!!!!؟؟؟
يمكن انا بسكن بمدينة ثانية مقارنة بالمواصفات اللي فيه
يمكن شخص كويس وطيب وراتبه عالي
ترفضينه عشان بيسكّني بمكان ثاني؟؟؟
المهم بعدين جاني واحد مواصفاته عادي
امه كلمت امي وكانت امي تماطل بالرد
وانا اسألها اسئلة عشان تسألها الأم عن ولدها وماتقول اسئلتي
تماطل بالأسابيع اخر شي انسدت نفسي عن الولد ورفضته
تقريبا ٣ خطاب كانت كذا طريقتها معهم
ودايم تقول اتصل ايش اقولها؟
كأني قايلتلها اتصلي سولفي معها
المشكلة انها مزوجة اختي قبل
وهي اصلا شخص فعليا مايطلع من البيت وماعنده علاقات وحياة اجتماعية
يعني مستحيل انخطب عن طريقها
ذول الناس اللي يجوني مدري من وين يجون
المهم باردة جدا في موضوعي مو مستوعبة اني انا كبرت
مو مستوعبة ان العمر يمشي وخطابي قليل
الزبدة الحين اخر واحد
امه كلمتنا قبل شهر ونص مواصفاته المبدئية كويسة
بس قالت اشياء مبدئية عنه
وقالت لأمي استشيري بنتك واذا اوكي كلمينا
واعطيك كل التفاصيل عنه وتسألون عنه وكل شي
استشارتني وعجبتني مواصفاته مرة
بالذات عمره قريب من عمري واحس بنتوافق
بس الي اعرف عنه تفاصيل اكثر
عشان أوافق وضميري مرتاح
تخيلوا من ذيك المكالمة لليوم ماردت للأم
وكل ماأجيها أسألها رديتي؟ تقول بكرا الاسبوع الجاي
مو فاضية شايفتني فضيت عشان اكلمها
المشكلة ماعندها شي ماعندها شغل ماعندها دوام
واغلب الوقت قاعدة
والله العظيم تكلمني كأني طفلة كل ماأجيها تقول خلاص بعد اسبوع اكلمها
لها شهر ونص كذا تماطل حسيت ان حتى لو كلمتهم
بيكون الولد خطب وحدة ثانية
انا مغبونة قسم بالله امي ماتساعدني ولا بواحد بالمية
احيانا احس انها أنانية
وانها تسوي كذا لسبب واحد انها تبي تنقل من البيت
وتبني بيت جديد وبهذي الفترة تبي تكلم ابوي عشان ننقل
وماتبي موضوع يخرب عليها
يعني لو انخطبت طبيعي بنلهى بخطوبتي وزواجي ومصاريف وو
وهي ماتبي يصير شي الا اذا نقلنا البيت
والبناء لوحده بياخذ سنتين
يعني تفكر انها تتفرغ لموضوع بعد مانستقر ويصير عمري ٢٩ 😂😂
بس ماتبي تصارحني لأن كل ماشفتها تقول البيت ابي انقل منه
طيب انا ايش دخلني؟ ايش دخل موضوعي بالبيت؟
والله العظيم بكل مرة انخطب فيها رغم ان خطابي قليل
لكن ماعمري شفت سعي منها ولو بنسبة واحد بالمية
لا تقولون كلمي ابوك
ابوي علاقتي معه رسمية مرة وعصبي ومااقدر اكلمه بموضوع كذا واستحي اصلا
لأن الاتفاق مبدئيا بين الحريم بعدين امي تفاتحه
واوقات افكر اقول تخيلي انتي كل يوم كذا تروحين لها تسألينها كلمتيهم او لا كأنك مشفوحة
بالنهاية تصير الشوفة وأنرفض لا قدر الله
بيكون موقفي صعب قدامها مو حابة ذا الشي
بنفس الوقت ابغاها تمشي بموضوعي..
والله صارلي كم يوم منغبنة من تصرفاتها ومدري ايش اسوي
اخيرا لحد يقول انتي صغيرة والعمر قدامك
وادرسي وتوظفي وو
انا اسأل عن اسلوب امي لأن اذا ماتغير مراح اتزوج طول عمري