بسم الله الرحمن الرحيم
السلام عليكم يا حوائيات ف البداية ترددت كثيــــــــــــــر قبل لا اكتب لكم قصتي
بس بعد ما تابعت المنتدى لمده ما هي بالقصيره... حسيت انكم تحبون بعض وتساعدون بعض واهم شي تدعون لبعض بظهر الغيب فاتمنى تساعدوني
انا اكبر خواتي من وانا صغيره امي كانت تعاملني غير ما ادري شنو كني مو بنتها انواع الضرب الاهانات تمنعني من الكلام اذا جيت ابي اتكلم عند ابوي تسكتني تقولي لمن يتكلمو الكبار انتي تسكتي وابوي ما كان يعلق ع كلامها ما ادري ليش؟!!
من بعدي امي جابت 5 بنات كلهم انا تحملت تربيتهم امي تولدهم وانا اقوم بواجبهم ولما اقول اني اقوم بواجبهم يعني كل شي من ما يقومون ولحد ينامون انا اصحيهم اسبحهم البسهم اعطيهم اكلهم كل شي هي تطلع وانا اهتم فيهم امور المدرسه اعلمهم ادرسهم اساعدهم بواجباتهم اهتم فيهم اسمع مشاكلهم احن عليهم احاتيهم اذا طلعو اكون مره متضايقه لا يتاخرون لا يصيبهم شي وهي ولا همها ما ادري ليش من وانا صغيره اتمنى لو حضن يدفيني لو كلمه حنيه لو بنصيحه اتمنى لو تفهم انه عندها بنت واجب عليها تربيها تخاف عليها تنصحها مره كنت بصف الاول طحت بالمدرسه بمكان فيه قذاره الله يكرمكم وتعورت وتبهذلت لما رجعوني كنت ابكي طول الطريق تمنيت ادخل البيت تشوفني امي تهتم فيني تبدل ملابسي تحتويني لاكن ما مثل ما توقعت كان العكس لاقتني بالضرب والاهانات شتمتني كسرت فيني كل شي كان قدامها طيب انا شو ذنبي ليش سوت فيني كذا؟
كرهتها لا تقولو هذي امك ولازم تبريها وتحبيها وما ادري شو انا كنت بصف الاول ما افهم هالامور كرهتها كرهتها كررررره استغفر الله ما دريت شو السبب ليش الضرب كل يوم ليش تهيني قدام بنات اعمامي وعماتي
دايم تحرجني قدامهم اقول هذي امي اللي المفروض تكون مكمن اسراري منبع الحب والحنان اللي اشكيلها همي اللي تمسح دمعتي ليش يا يمه ليش؟!!
كبرت وكبرت معاناتي صرت مراهقه محتاجه حنان محتاجه ضمة صدر محتاجه ام تسمعني محتاجه صديقه تفهمني لاكن محال كل مالها ومواقفها تزيد انا كبيره وهي تضربني اللي بعمري امهاتهم غير كل ما اشوف بنت عمي كيف امها تعاملها ابكي دموعي تنزل غصب عني دايم انفضح قدامهم والكل يدري
لا تقولولوي ليش ما تكلميها ما تفهميها تحسسسيها هذي امي ما اقدر اتفاهم معها اول ما ابغى افك حلقي اكلمها تسكتني وكان الكلام حرام اه يا يمه ليش
اقرا احاديث الرسول امك ثم امك ثم امك طيب كيف ابرها وهي بذا الشكل يا ناس انا تعبانه نفسيا هذي امي اللي تحت اقدامها جنات النعيم ابي اعرف هي ليش امها تعاملها غير اللي هي جدتي ليش تروح تشكيلها تسولفلها وانا محرومه من هالشي؟!
اهتزت ثقتي بنفسي صرت اخاف اتكلم قدام الناس عشان ما تحرجني صرت اخاف اسوي شي تهزأني تخاصمني
الحين انا بالجامعه عايشين بنفس البيت ما بننا غير السلام واوامر نضفي كنسي طبخي غسلي وبسسسسس ما عمرها كلمتني نصحتني بشي يفيدني :44:
ابغى افهم شنو فايدتها الام بس تحمل وتولد وخلاص انتهت مهمتها؟
انا خواتي انا ربيتهم علمتهم احتويتهم انا امهم حتى ينادوني ماما يخافو منها وحالهم من حالي مدري ليش كذا تعاملنا انا كل يوم قبل لا انام ابكي ابكيـــــــــــــــــــــــــــــ..
اتمنى اقوم الصبح الاقيها متغيره اسلم عليها ابوسها ابوس يدينها راسها رجولها حتى
بنات حواء انا جيت افضفض لكم ابيكم تساعدوني كيف اغير امي كيف اخليها تحب اولادها احنا منا مقطوطين من الشارع احنا عيالها ليش تعاملنا كذا؟!
احيانا اقول فيها مس ولا مسحوره ولا ما في ام بالدنيا تكره بنتها هالكره
انا احب امي لو شو ما سوت فيني بتظل امي اللي حملت فيني
بالله عليكم بنت بهالعمر لو فقدت حنان من وين تدور عليه ؟! تبيني اروح ادور عليه من برا؟! اقدر لو ابغى بس اخاف ربي فوقي رب بيجي يوم يحاسبني وعندي خوات اخاف على سمعتهم انا قدوتهم انا اختهم انا امهم
انا كتبت لكم افضفض وابي منكم تساعدوني ابي حلول كيف ابدا معها من الصفر كيف اخليها تحتويني انا وخواتي ودعوه ربي يهديها و يخليها لنا
بس معلومات عن امي:
عمرها 40
ددرست لحد صف اول ثانوي وبعدها قطعت دراسه بسببي حملت فيني وتعبتها كثير ويمكن هالسبب اللي خلاها تكرهني لانه كانت تحب دراستها حيل وتتمنى تكمل دراستها العليا هاللي سمعته من ابوي!!
علاقتها هي وابوي سطحيه بسبب الزوجه الثانيه
الله يهديها ويفكنا منها :09:
أم خواتي @am_khoaty
عضوة جديدة
يلزم عليك تسجيل الدخول أولًا لكتابة تعليق.
ام عزام الامور
•
الله يعينك ولله يا اختى كثيراهم والله هن مثل امك هداهم الله ولكن عليك بدعاء وهذا من وجهت نظري
يا حبيبتي قطعتي قلبي وربي
شوفي انا كانت امي نوعا ما تشبهة امك كانت كأنها غريبة عليا بيننا حواجز كبيرة كنت اتمنى انها تضمني او تقرب مني عكس ابويا اللي كان منبع للحنان هذا اللي كان مصبرني
وفعلا ما صدقت اتزوج عشان يصير عندي شخصية وارفع راسي
لكن صراحة دحين اتغيرت مرة وصرت اسمع منها كلمة حبيبتي اخيرا ..
لكن صدقيني الاسلوب اللي مشي عليكي مراراح يمشي على اخواتك ... يعني راح يطلعو عينها وراح تتغير صدقيني
وانتي حاولي تبني شخصيتك ولا تستسلمي للكبت
وادعي اني ربي يحنن قلبها عليكم
وربي يألف بينكم ....
اعرف وحدة كانت تمر بظرف اظن اقسى من ظرفك قررت تهرب وهي متزوجة .... طبعا مو هرب اللي تعرفوه طبعا خططت انها تهرب وساعدها خالها وخباها عندو وطبعا الفجعه أثرت على الام والى هذا اليوم اتغيرت الام معاها وصارت تحبها وتخاف عليها مووووت
شوفي انا كانت امي نوعا ما تشبهة امك كانت كأنها غريبة عليا بيننا حواجز كبيرة كنت اتمنى انها تضمني او تقرب مني عكس ابويا اللي كان منبع للحنان هذا اللي كان مصبرني
وفعلا ما صدقت اتزوج عشان يصير عندي شخصية وارفع راسي
لكن صراحة دحين اتغيرت مرة وصرت اسمع منها كلمة حبيبتي اخيرا ..
لكن صدقيني الاسلوب اللي مشي عليكي مراراح يمشي على اخواتك ... يعني راح يطلعو عينها وراح تتغير صدقيني
وانتي حاولي تبني شخصيتك ولا تستسلمي للكبت
وادعي اني ربي يحنن قلبها عليكم
وربي يألف بينكم ....
اعرف وحدة كانت تمر بظرف اظن اقسى من ظرفك قررت تهرب وهي متزوجة .... طبعا مو هرب اللي تعرفوه طبعا خططت انها تهرب وساعدها خالها وخباها عندو وطبعا الفجعه أثرت على الام والى هذا اليوم اتغيرت الام معاها وصارت تحبها وتخاف عليها مووووت
الصفحة الأخيرة