السلام عليكم ياحوائيات
بداية انا من أشد المتابعين لهالقسم
أحب أشارك المشاكل وياليت اليوم تفيدوني
أولاً نحن 5 بنات
أنا الثانيه بينهم بعدي وحده دوبها تخرجت من الثانوي
وهي أساس المشكله
المهم :
أختي لديهاا غرور جداً مأثر عليها وعلى الكل
مشاكل امي مع الوالد دايم بسببها
قبل فترة اعطانا الوالد مبلغ وقالوا قضوا له عشان الصيف وكان مبلغ محترم يكفي ويزيد
قضينا أمي أكثرنا أخذت والله كنت أقولها خذي هذا وهذا وهذا
امي تتعب طول السنه بعدم وجود الخادمه وهذا أقل شي نجازيها فيه
المهم أخذت أمي تقريبا 7 أطقم و3 فساتين للصيفيه ومابعدها
وانا اخذت 3 أطقم واختي الكبيره مثلي والصغيره اللي تتعلق بها المشكله أخذت 5
المهم جاء أمس والا الآنسه تصيح انتوا ظالميني ومااعطيتوني حقي
زميلاتي احسن مني
ويشهد الله مو ناقصها شي من أغلى لبس تشتري وكل شي موفر المفروض تحمد الله
امس تخيلوا تقول لأبويه شوف زوجتك أشترت أكثر مني !!
طيب هذي أمك لو تدعس على رقبتك مالك حق
أنا مسكت نفسي لأضربها وأكسر راسها
كل شي عندي بالدنيا الا امي
أمس صارت مشكله بين أمي وابوي بسببها وبكت أمي بسبب هالمشكله
مره محروقه أعصابي
ودي أكسر راسها أبوي الغلطان مره معطيها وجه
أرشدوني وش أسوي ؟؟
لأني مرره متضايقه على أمي
ودعواتكم لي بالوظيفه ودي أعوضها عن كل شي ..
قمردنياي @kmrdnyay
محررة
يلزم عليك تسجيل الدخول أولًا لكتابة تعليق.
الصفحة الأخيرة
وبالنسبة لامك المفروض تحتويها وتشوف وش ناقصها الله يهديها ويحننكم على بعض