أمي وأخوي

السلام عليكم حوائيات،هذا الموضوع مشاركة مني لكم مع إني ماأشارك أحد بخصوصياتي،بس لازم أشوف آرائكم يمكن رد منكم يزيح هم عن صدري من خلقت وهو معي الله يفرجلكم،
أنا بنت وسطى يسبقني أخ عصبي نااار وأمي كذلك عصبية جدااا،مستحيل يمر يوم ماتصرخ لين يوصل صوتها الجيران وتدعي كل يوم علينا وإذا بغت شيء وعارضها أحد تبلت عليه عشان يبعد عنها،
بدايتي كانت بعد انفصال أمي وأبوي قررت أمي تتزوج هندي بربع عمرها،وأنا عارضت لأني عارفة إنه يبي الجنسية لأن عائلته يتلصقون بالسعوديين حتى أخته تطلقت بعد عشرة عمر من زوجها ونزعت حجابها الله يعافيها ولايبلانا واشتغلت مضيفة،عارضت وبكيت لأن عائلتنا يقولون البنت على أمها ويحكمون علي حكمهم على أمي والهندي مايناسبنا أبددد من جميع النواحي،بعد معارضتي بكم يوم مسكت جوالي تبع الجامعة اللي كان يزعجني عليه رقم ماأرد عليه أبد..أخذته وردت عليه طلع يماني قال أنا غلطان،سكرت الخط وقالت أنت تطلعين معه وتكلمينه وألحين بكلم أبوك وأخوك يجون يذبحونك،أنا هنا بكيت من قلب وتحسبت عليها قدامها ودعيت عليها،قالت أنا أدري إنك بريئة بس أحسن عشان عارضتي زواجي من الهندي بتبلى عليك،وللمعلومية هي ماتركت العندي عشان معارضتي لها،هو اللي تركها وماقالتلنا عن السبب،بس كانت تبكي وتهاوشه،بعد هذه المرة صارت بين كل فترة وفترة تتبلى علي وبين كل فترة وفترة تتزوج مسيار،كله كوم وإنها تدق على أخوي الكبير تخبره بكذباتها كوم ثاني ويجي هو بدون تفاهم يضربني لين أدوخ ويسمعني كلام سم،أول مرة هاوشني فيها تشنجت أنا وصرت كل ماانفعلت تشنجت وارتجفت وأحيانا أصاب بخوف شديد يخليني أتأتأ إذا شفته حتى لو هو يضحك معي،بعدها صرت أخاف من الصوت العالي لدرجة الإغماء وماعاد قدرت أرجع أطمأن من ناحية أخوي،أحس جزء منه وحش مايرحم وبدون عقل مجرد مايسمع كلام ينهال علي وينقلب علي،أمي تقول حرفيا(قطع عندك طاقة مو طاقتي بالكشخة والتزين،قطع حظك واصل السماء،قطع كلن واقف معك)
قطع عندنا كلمة تعني الحسد مثل(اهب)
المهم كل شيء سووه فيني شفته فيهم وزيادة،
مع إني يوم دعيت عليهم استغفرت بس حتى وأنا سامحتهم شفت اللي سووه فيني صار فيهم وضعف،والعلم عند ربي هل هذا جزاهم ولاشيء ثاني،
أمي تقول أدري إننا ظلمناك وبيجي اللي يعوضك والله ينجينا من ذنبك،
حتى أختي الصغيرة قلبتها علي من سنين،وفي مرة كنا جالسين بالصالة قالت أختي لو ندفع لكل شخص غلطنا عليه ريال عشان نتعود مانغلط على أحد كان اختي الكبيرة(اللي هي أنا)تصير مليونيرة مننا،
هم بنفسهم كم مرة يعترفون ومازالوا يوميا يغلطون علي يتبلوني يتدخلون بحياتي وقراراتي ورغم هذا أنا ساكته،أمس حصل موقف متكرر لكن مليت من تبلي أمي وتتمادى من سكوتي،دعيت عليها وعلى أخوي اللي صرخ علي لين تشنجت أمس،تقول أكرهك لأنك تشبهين عماتك اللي هم خوات أبوي،صحيح أشبههم ببعض الجوانب بس شخصيتي مختلفة وتكره صمتي وهدوئي،تقول أكيد ورى هذا الصمت سم وحقد وأنا أسمت بالمشكلة عشان تعدي أو مابي أرفع صوتي عليها،
أنا إنسانة واعية ومثقفة وأدري وش اللي لي ووش اللي علي ويعلم الله إن فيه خبايا ماكتبتها لو تدرون عنها ماتصدقون،لكن بخليها بيني وبين الله لعله يرفعني وينصرني بها،