أمي واخوي يحرضون زوجي يتزوج

الأسرة والمجتمع

السلام عليكم
خواتي انا متزوجه من ١١ سنه وساكنه بمنطقه غير منطقة اهلي بحكم عمل زوجي يعني ازور اهلي كل شهر مره تقريبا وأحيانا يمر شهر مااجي ع حسب ظروف العمل وانا ربي ماكتب لي أطفال وانا وزوجي نحب بعض ومقتنعين بحياتنا وراضيين ومانحب اي احد يفتح هذا الموضوع معانا لكن أمي واخوي متسلطين علي وصلت ب اخوي انه يقول ل زوجي تزوج وخلف لك أطفال طبعا مااحد يعرف منهم ان المشكله من زوجي مو مني وكل ماجيت هذا موال اخوي وانا ماابغى أصير قاطعه لاهلي واخوي هذا ساكن مع أمي بنفس البيت وامي نفس الوضع كل ماجاء زوجي فتحت موضوع الأطفال وكل ماولدت وحده قالت شوفي فلانه ولدت شوفي علانه مع أني مقتنعه بحياتي ومرتاحه تمممممماما ويكفيني حب زوجي لي ومعاملته الحسنه لكن الان فعلا بديت اكره اهلي وجلستهم بديت اكره زيارة أمي بسبب كلامها وخايفه من نفسي أني أصير قاطعه لهم اخوي كل كلامها لزوجي انت عندك بيت وعندك فلوس وماشي ورا كلام اختي ضيعت حياتك بدون أطفال انتم متخيلين يقول لزوجي كذا كرهته حسبي الله عليه انا انفجرت عليه وقلت له انت اول شي روح المسجد وصل واعبد ربك عشان يمكن يصلحون عيالك الفاشلين يعني رديت عليه ماسكت لكن كل مره يستفزوني وانا مستحيل أبوح سر زوجي لو انذبح بالله أعطوني حل تعبت منهم جدا والله العظيم أني سعيده جدا مع زوجي سعادتي لاتوصف لكن هم مصممين يخربون حياتي وينكدون علي 😭😭
34
8K

يلزم عليك تسجيل الدخول أولًا لكتابة تعليق.

تسجيل دخول

لاتنسو دار الحساب
قوليلهم ان كلامهم هذا يضايقك وخلي زيارتك لهم محدوده
ويمكن قصدهم يمزحو معاكي
استمري على الدعاء والاستغفار والصلاة عالنبي عليه الصلاة والسلام
والله يوفق بينكم ويرزقك بالذريه الصالحه.
مناريتا
مناريتا
غريبه يطلع من اهلك هالكلام اللي معروف يطلع من اهل الزوج مو من اهلك على العموم كلمي امك واخوكي بموقف صارم لاعاد تدخلون ولاعاد تقلون له اي شي شكرا هو لو يبي يتزوج انا اول وحده بخطبله انتم مالكم دخل ولا والله ماراح يصير طيب وبحرجكم قدام زوجي لو انفتحت هالسيره كذا قوليلهم خليهم يسكتون ويتراجعون لو عادوها برضو لاتسكتين
🍕 بيتزا 🍕
🍕 بيتزا 🍕
الله يرزقكم الذريه الصالحه عاجلا وليس اجلا ،، ويرزق كل محروم ،،
الليدي1985
الليدي1985
الله يرزقج بالذريات الصالحه الباره الميسره,, وياليت محد يدخل بحياة احد
Hydrangea🌿.
Hydrangea🌿.
الله يرزقك الذرية الصالحة يارب 💗 ، اقولك شيء؟ طنشي واذا احد قالك قولي له انا وزوجي مرتاحين ومتى مابغينا نجيب اولاد جبنا محد له دخل بحياتنا الخاصة يمكن ينحرج اذا قلتي حياتنا الخاصة.