أمي والجمرة الخبيثة ؟؟؟؟؟!!!!!

السلام عليكم ورحمة الله
كيفكم ياحوائيات مرررررررررررررررررررررة وحشتوني ...
تذكرت سالفة صارت لأمي الله يحفظها قبل 4 أو 5 سنوات وقلت ورى ما أقولها لكم
""""""":39::39:
بدت السالفه في الصباح طبعا اخواني واخواتي متسدحين ونايمين .... وامي مدرسة ماتترك طبعها في قومت الصبح
كان يدق الجرس الا وهو السواق : مدام هذا رسالة موجود في بريد ؟
وترسل امي الخدامة وتجيبها الا ومكتوب عليها بالإنجليزي قالت امي أكيد انه من أهل الخدامتنا اللي سافرت ... كان تفكر امي شوي وتقول : ورى ما افتحها يمكن فيها شي لنا ؟ وتروح امي تفتحها الا وينثر في وجهها بودرة ... صاحت امي في الخادمة قالت تعالي ارمي هذي في الزباله ؟
تمشي امي بخطى واثقه وتصحي اخواني : يلا قومو افطروا ..........
ويمر اليوم بسلام الى وقت المغرب
أمي : يابنت جيبي الجوال خليني اكلم صديقتي ؟
اتصلت امي على خويتها وبعد السواليف تقول امي لخويتها : مادريتي اليوم جانا ظرف ما ندري من مين ويوم فتحته الا فيه بودره ريحتها تجيب المرض ؟
صديقة امي : يسم الله لا تكون الجمرة الخبيثه ؟ بسرعة اتصلوا على الدفاع المدني ؟
هي قالتها بس تعالوا يبنات شوفوا وجه أمي كيف صار ... وتقفل السماعة وتروح لأخواني والوالد :icon33: وهي تبكي وتقول لهم السالفه كان يتصلون على الدفاع .
ويجي الدفاع بسيارات في حياتنا ماشفنا مثلها وناس تقولون نازلين من الفضاء هم وهذاك اللبس المهم ادخلوا البيت وخذوا تعقيم وسألوا امي وين الظرف وتروح امي للخدامة وتقول : مدام خلاص انا يرمي في درام كبير في شارع ؟ كان يصير وجه امي كذا :44:
وتروح تعلم الدفاع قالوا قولوا للخادمة تجيبها من الدرام اللي بالشارع ... كان يقوم عليهم الوالد ويسب فيهم وانتم وش وظيفتكم ...
المهم قالوا طيب لازم نحتجز الوالده لأنها هي اللي فتحت الظرف ... وتقوم مشكله جديده ويحلف الوالد ما ياخذون امي هو بنفسه راح يوديها المستشفى ويكشف عليها .
المهم اخذوا صندوق الدرام اللي في الشارع كله ودورو للظرف والحمد لله لقوه قالو عقب اسبوع راح تظهر نتائج التحليل .
امي الحمد لله سوينا لها تحليل وطلعت سليمه ويمر اسبوع .. وكان اصعب اسبوع في حياة امي صارت كل يوم تبكي وتضم اخواني وخلاص يقال انها مودعه .
لمهم مر اسبوع وتقد زميلة امي عليها وتقول :
مبرووووووووووووووووووووك طلعت النتايج ؟
امي : وش عرفك ؟
صديقة امي : الجرايد اليوم تكلمت عنكم وقالت ان الظرف وصل بالخطأ لبريدكم وهو جاي من الهند وفيه رماد لميت طلب يوصل لقريبه في جده .
يالله كيف تغير وجه امي ورجعت صحتها ..... وطلبت عشا وتعشت وطردت اخواني لغرفتهم
والحمد لله مرت سليمه
وسلامتكم