أمي والفشل الكلوي الفزعة ......... أرجوكم

طيب ياختي سولها غسيل والله سهل ومريح صح في البدايه يكون متعب بس والله الغسيل احسلها الله يشفيها ويعطيها العافيه

اسأل الله رب العرش العظيم ان يشفيها
اسأل الله رب العرش العظيم ان يشفيها
اسأل الله رب العرش العظيم ان يشفيها
اللهم آمين

المهم ياطويلات العمر الآن عملنا لها تحاليل وقالو الدكاتره إن باقي من الكلى 15% فقط إلي شغال يعني بقية الكلى منتهيه الله المستعان وطبعا زي ماقلت لكم هي تقول ودوني قبري ولا تودوني أغسل المهم في ناس دلونا على دكتوره في جده طلعتا لها قبل ثلاثة أسابيع اسمها نصرت ودهي دكتوره في الطب الصيني المهم (بالله لو في أحد سمع عنها يقولي)أعطتنا أعشاب بعد الفطور وأعشاب بعد الغدا وأعشاب بعد العشاء وأعشاب زي الشاي وقالت لنا ماحتبان النتيجة على الأقل 6شهور ،،طبعا أمي اتحمست كثير (وكله ولا الغسيل )المشكله قالت لها كله ولا الخربطه في الأكل يعني ( حميه ) ماشي ،، لكن تخيلو ممنوع تاكل بيض ، فول ،عدس ،جبن ،قشطه ، لبن ،لحم ، سمك ، الفلفل ، الليمون ،معلبات ، عصيرات ، فواكه ماعدا الخوخ والكمثرى والمشمش تقريبا ،المويه البارده السلطه ،،،،،،،،،،،، المهم أغلب الأكل ممنوعه منه والله أشوف أمي تدخل تقلي يابنتي جيعانه طيب إش أكل ؟؟؟؟؟؟؟؟ حميه ماختلفنا أما تموت من الجوع هذا والله إلي ماحنا قادرين عليه يعني بالله إش رأيكم نكمل معاها ولا نسيبها ؟؟؟؟ وبالله لو تعرفو أحد كانت حالته زي أمي واتحسن وما احتاج للغسيل طمنوني ؟؟؟ وقولولي إش كان يعمل ؟؟؟ بالله لاتبخلو علي ،،، تراني محتاجتكم والله أمي هي عيوني إلي أشوف بيها وأتمنى أن ربي يشفيها ويرفع عنها هي وكل مريض يارب ،،ولو تعرفو طبيب كويس تدلوني عليه أنا من المدينه واللهخ يجزاكم الجنه لاتنسوني وأمي من دعواتكم مع العلم إن الوالد مقعد تماما بسبب حادث سير من 6 سنوات وهي الله يرفع عنها إلي شايلته في كل شي الله يرحم حالها يارب

وبالله لو تعرفو وصفات أكل ممكن نعملها دلوني عملت بحث في جوجل وأغلب إلي لقيته أشياء والله مانعرفها وإلي نعرفه الوالده مايناسبها كثير زي إيدام كرنب مثلا ،،حمص أحمر ،، كرفس وأشياء مدري عنها بس أكلنا إلي نعرفه كله ممنوع
الله لايخليني منكم ولا يوريكم مكروه في عزيز يارب

ونقلاً عن جريدة البيان الأربعاء 13 شوال 1420هـ الموافق 19 يناير 2000
شفيت مواطنة سعودية بالمنطقة الشرقية من المملكة من الفشل الكلوى تماما واستغنت عن الغسيل الكلوى الذى كانت تجريه مرتين كل اسبوع وذلك بعد تناول جرعات منتظمة من الصمغ العربى بعد طحنه بمعدل ملعقتين فى كوب ماء صباحا ومساء .

وذكرت صحيفة عكاظ ان المواطنة شعرت بتحسن ملحوظ فى حالتها واصبحت تمارس حياتها الطبيعية دون معاناة منذ شهرين ونصحها طبيبها المعالج بعد مراجعته بمواصلة تناول مسحوق الصمغ. وأوضح الطبيب للصحيفة ان الصمغ ساعد المريضة على زيادة افراز الفضلات من الجسم ومن ثم استغنت عن الغسيل الكلوى..مشيرا الى أن حالة هذه المواطنة وهى ممرضة باحدى المستشفيات كافية للجزم بفائدة الصمغ العربى في معالجة الفشل الكلوي حيث ان حالتها تحسنت في حين ان غيرها ممن طبق عليه نفس العلاج لم تتحسن حالتهم لانهم لم يستسيغوا طعم الصمغ ومن ثم لم يواصلوا العلاج.
موقع الحواج