يالغاليات افتوني بأمري مره محتاره
أمي الله يطول بعمرها يارب انسانه راعية فزعة واجتماعيه وسخية وكريمة ﻷبعد حد ماتجلس عندها الفلوس ابدا
اصلا ماترتاح غير تصرفها
عاد ياليتها تصرفها على البيت او نفسها
ﻷ ،،تصرفها على حبايبها ولا تفكر ببكرا ولا تشيل شي وتورط نفسها دايما
المهم انا ماعمري قصرت عنها ابدا ابدا
كل شهر اعطيها مبلغ واذا تورطت بدين اسدده لها واحيان تطلب مني سلف واعطيها
وربي يالغاليات اني حارمه نفسي من امور كثير عشانها
ابديها على نفسي واللي معي اعطيها اياه وانساه
وتعودت على كذا
اللي صار يا أخواتي انها طلبتني سلف 4000ريال عشان وحده من الجارات العزيزات عندها زواج وتبي تفزع لها
تقول الجاره وصتني لك تبي سلف
لكن انا اعرف امي اكيد دابه صدرها وقايله للجاره حق الحلاوة علي ومتورطة فطلبتني !
هذا الشهر زوجي اعطاني5000ويشهد الله يابنات اني محتاجه كل ريال من المبلغ ﻷني على ولادة وتعرفون عاد انتم تجهيزات الولاده
وطول ليلي افكر يابنات اعطي امي الفلوس ولا أرفض واقولها ما معي شي ؟؟
يمكن بعضكم يشوف الموضوع عادي لكن انا مسويلي ازمة
شورو علي تكفون
المحبه حياه @almhbh_hyah
عضوة فعالة
يلزم عليك تسجيل الدخول أولًا لكتابة تعليق.
حبيبة بنو
•
شوفي حبيبتي انتي ماعمرك قصرتي معها واكيد هي تقدر ظروفك انا اشوف انك اولى من الجاره خاصه انك محتاجتها ولاتنسين رجلك ممكن مايعطيك غيره للتجهيز اعتذري من امك وقولي مامعي وانتي عارفه ظروفي ولاده ومستشفى ومصاريف ومستحيل تاخذه بخاطره
عادي قوليلها ما معي والمفروض ماتعطينها اذا هو لناس مب لها ولو انا منك اشتري لها الي اشوفه ناقصها بدال ما اعطيها فلوس وان عطيتها لاتعدا الخمس ميه لانه اشوف انه اناس مستغلينها وهي الله يهديها ماتفكر لبعدين
سبحان الله في احد زيي وأمي نفس أمك فلوسها تروح ع الناس وبالنسبه ليه أعطيها اللي اقدر عليه وانتي أعطيها نص المبلغ وقولي لها هذا اللي قدرت ادبره لأنك مابتقدرين تتعذرين منها
انا افضل انك تعطينها 2000 قولي هـذا اللي اقدر عليه او 1000 واهي راح تقدر اكييييد..
to0oly
•
ﺍﻧﺘﻲ ﺑﺤﺎﺟﺔ ﺍﻟﻔﻠﻮﺱ ﺍﻛﺜﺮ ﻣﻦ ﺍﻣﻚ ﻭﻫﺬﺍ ﻣﺎﻳﺴﻤﻰ ﺑﺮ ﺗﻌﻂﻴﻨﻬﺎ ﻋﺸﺎﻥ ﺗﺴﺮﻑ ﻭﺗﺬﺭ ﻭﺗﻔﺰﻉ ﻟﻠﻨﺎﺱ ﺍﻧﺎ ﻟﻮ ﻣﻨﻚ ﻣﺄﻋﻂﻴﻬﺎ ﺍﻟﺎ ﻭﻗﺖ ﺍﻟﻤﻨﺎﺳﺒﺎﺕ ﻭﺍﻟﺤﺎﺟﻪ ﻣﺎﺩﺍﻡ ﻛﺬﺍ ﺍﺳﻠﻮﺑﻫﺎ ﻓﺎﺗﺤﻪ ﺟﻴﺒﻬﺎ ﻟﻠﻜﻞ ﻭﺗﺤﺒ ﺍﻟﻤﻆﺎﻫﺮ ﻗﻮﻟﻲ ﻟﻬﺎ ﻛﻞ ﺍﻟﻠﻲ ﻋﻨﺪﻱ ﺟﻬﺰﺕ ﺑﻪ ﻟﻠﻨﻔﺎﺱ ﻭﺧﻠﺎﺹ
الصفحة الأخيرة