رغـ(^_^)ـد @rgh_d_2

عضوة جديدة

أمي وخالاتي ؟؟!!..

السلام عليكمـ ورحمة الله وبركاته
أهلين وسهلين ومرحبتين بنور العين ..
كيفكمـ أخباركمـ أن شا الله كويسين ..

أخواتي بما انكم في منزلة الأخوات وتحبون الخير .. أنا جاية أستشيركم في موضوع ((أمي وخالاتي))

طبعا أمي هي أكبر خالاتي بس يعني توها عمرها 37 وأنا أكبر الأحفاد وخالاتي اللي تحتها 6 الله يحفظهم ويخليهم كلهك متزوجين وبما أني ما عندي احد كبري فصايرة علاقتي مع خالاتي شبه أخوية .. يعني أعتبرهم أخواتي .. بتقولون المشكلة وين ؟؟!!

أمي طيبه مرررررة وحنووونة ولا تحب تضيق صدر أحد أبد ولا تحب تفرض على أحد شي أبد .. وكانت قبل زواجي دايم تقول ماعليك من أحد مدري وشو الين صارت شخصيتي ضعيفه صح اني طيبه الحمد الله وقلبي طاهر ما أشيل على أحد ولاشي .. ولا أخذ حقي أبد وتزوجت الحمدالله قبل سنة وكنت ادرس ثالث ثانوي .. وطبعا رجلي ما كان جايزله اللي أنا فيه لأنه كان يلاحظ وعودني على أني أخذ حقي بأدب بدون ما أغلط والحمد الله شخصيتي تغيرت مرة بس مازال قلبي طاهر ولا أحب أضايق احد ابد بس صرت بطريقة غير مباشرة أخذ حق أمي من خالاتي وأحيانا تقول الحمدالله أن فيه أحد أخذ حقي وأحيانا يضيق صدرها ..

المهم ..
من بعض الاحداث أن خالاتي أذا بغوا يطلعون استراحه حملوا المسؤوليه على امي أنها تروح وتحجز وطبعا أبوي منصبه شوي قوي ودايما مشغول ونادر ما يفضى وأخوي توه في الثانوي بس يسوق الله يحفظة وتجلس أمي تخلي يا أبوي يا أخوي اللي يدورون ويحجزون طبعا أبوي يتضايق أنه هو اللي دايم يحجز ويدور بس أمي تقنعه تقول حرام عليك مدري ايش المهم وواحد من عماني عنده استراحه وقريبه ونقدر نحجزها بجوال يعني ما يحتاج أحد يفرفر .. فقال أبوي المعذرة يعني عندكم هالاستراحه تبون كلموا واطلعوا انا ما اقدر ..وأخوي يحمق اذا قالتله أمي يدور ..وصارت أمي ما لها الا هالاستراحه تدق وتحجز المهم من كم اسبوع قالتلي أمي دقي على خالاتك قوليلهم تبون الاستراحه والا لا
ردت وحده منهم قالت أيه نبي بس كانها استراحه فلان (تقصد عمي) ما نبيها أنا من حرة فيني رديت قلت أجل تحركوا وخلوا رجالكم يدورون ويحجزون سكتت بعدين قالت أصلا انا احب بيت أهلي وما أحب الاستراحات .. قلت يعني تبين تعبين أمك (أقصد جدتي الله يطول بعمرها ) لأن ما شا الله اذا اجتمعوا خالاتي كلهم معهم ذر لا اله الا الله وكلهم صغار يعني منأ ولى متوسط الين في المهاد مافيه أحد يمسكهم ويلهيهم ويصير بيت أهلي (جدي وجدتي) كأنه مدرسه حووووسه من فوق الين تحت والبيت كبير وجدتي ترحم الشغاله وتجلس تضف معها اذا رحنا والعشاء مايسويه الا ياجدتي يا امي يا خالتي اللي تحت امي بس الباقين من يجون الين يروحون وهم شفتي فلانه شفتي علانة رحتي لهذا رحتي لذاك وكل ماسووا العشاء اللي بالأدوار يفركشونه ويرجعون ومدري وشلون صايرين .. المهم سوري طلعت عن الحدث .. قالت اذا ماتعبت امي لنا من تتعب له واصلا أمي ما تبي استراحات ومدري ايش ويعني انتي ما تعبين امك قلت أنا وحدة (أنا وحيدة أمي والباقي اولاد وبعدين أختي عمرها سنتين يعني توها)يعني ما اضر المهم صار كله انتي وانتي الين قلت سوري انا الغلطانه ومدري ايش الين رضخت .. عاد مر أسبوع على هذا الحدث ولا رحت للهم صارلي ظرف ولا قدرت اجتمع معهم .. وقالت هذي خالتي اللي تناقرنا انا واياها ان بخلي رجلي يدور على استراحه للخميس ..
وكلمتها امي امس قالت وش صار عليك قالت ما قلتله بس ولدك عنده أخوياه كثار وعندهم استراحات خليه يحجزها منهم ..يعني بمعنى انها ما تبي تحجز ..وكلمت جدتي على امي قالت ياليتك تحجزين لنا استراحه فلان (عمي) اني احبها ومدري ايش قالتلها أمي عن سالفة خالتي طبعا خالتي يوم تكلمني كان عندها ثنتين من خالاتي ويرادوني كلهم يعني كلهم يقولون نفس الكلام ..قالت ماعليك منهم اللي مايبيها لايجي ..
عاد كلمت أمي بتحجزها وصار عمي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

توه بايعها .... يعني مافيه أستراحه :42: المهم كلمت امي خالتي اللي تناقرنا انا واياها وقالت ابشرك تراه باعها ..
قالت الله يبشرك بالخير أن جتني التكة والغلقه يوم درت انكم بتطلعون فيها واني ناوية اسويلكم مدري ايش يوم دريت انكم بتطلعون فيها هونت زين اجل خذوا لنا استراحه زينة ونفهه وفيه استراحه اسمها كذا روحي شوفيها وخذيها لنا .. أنا قمت أغلي وامي تقول طيب ان شا الله مدري ايش .... المشكلة خالتي هذي اصغر من امي بكثيييييييير .. معليش وشرايكم واذا قلت ميد امي خلي ادوار كل اسبوع على وحدة تحجز قالت لا عيب اقولهم أخاف يحسبوني ماله منهم قلت طيب انا بأقوله قالت بزعل لا تقوليلهم مع أن امي والله ضايق صدرها انهم يعاملونها ومستغلينها كذا يميزون خالتي اللي تحتها عنها ..

قولولي و الله انهم يسوون حركات ويقولون كلام يقهر وامي يضيق صدرها بس ما تحب تبين .. أبي أسوي شي منها أفرح أمي ومنها أخذ حقها بأدب وافهمهم انها اختهم الكبيرة المفروض لها احترام وتقدير و الله ان كل اربعاء وخميس اللي يجهز القهوة والشاهي امي وخالتي اللي تحتها وهم ولا عندهم ياكلون وبس ..ومشكلتهم قلوبهم مب على بعض مرررررة ..يعني تلقون ثنتين هنا يتسرسرون وثنتين يتلامزون ومدري ايش واللي تغمز للثانيه يعني اطلعي من المجلس ابحاكيك لحالك ..

من اول اقول ياليت عندي اخوات والحين لا عندي اميمتي والحمد الله..

المقصد من هذا كله أبي حل ..؟؟!!

جزيتم خيرا .. أحبكم في الله :26:..

فيه اشياء كثيرة بس ما اقدر اكتبها الحين .. بس اي سؤال استفسار مستعدة والله أنا اللي حاسه بأمي أحس حقها مهضوم .. مرة:44:..

يلزم عليك تسجيل الدخول أولًا لكتابة تعليق.

تسجيل دخول

جرحي قهر • 15 سنة

والله جد حقها مهضوم قهر الحجز كله عليها لو يمونووووووون مرة ع بعض احس عادي لكن مثل ماقلتي قلوبهم ماهي على بعض كثير
المهم الحل انك تكلمين امك وتوضحين لها انة مو عيب وحرام تحمل نفسها وولدها وزوجها فوق طاقتهم بيطفشون وبيزعلونها :(
حاولي تخلين اسبوع لما تتفق امك انها هي بتحجز ولقرب الموعد تاخذي امك عمرة انتي وزوجك يعني بمعنى تكشت فيهم عادي ترى مو عيب العيب اللي هم يسوونة ولو ماتجمعوا هالاسبوع مو بميتين المغزى انهم يعتمدون على انفسهم وكلن يشيل هم نفسة

. ادعي لي ياعسل

وهج(ام عزوز) • 15 سنة

الله يعين امك وربي امي جعلها بالجنه كذا هي كل شي على راسها والحين يوم راحت محد كلف على خاطره وجمعنا نا واخواتي دنيا
خليك مع امك ولاتسكتين خذي حفقها الله يخليها للك يارب

فرحه عُمر • 15 سنة

طيب خلوووها دورررريه

كل اسبوع عند وحده ببيتــــــــــــــــــــــــــــــــــها ...

هذا افضل حل ...

lulucat97 • 15 سنة

الله يعين .........الطيب بهالزمان ماله حظ انا وجهة نظري كل اسبوع على وحدة تحجز استراحة والباقين يجيبون القهوة والحلا ....الخ يعني بعد ست اسابيع دوركم سووا الي عليكم وان شاء الله تجلسون ست اسابيع ماترحون استرحات وامك لازم تصير شوي قوية نفس طبعي مع انه انا مو بس طيبة بس اكبر عقلي احسها سخافة...بس مافي فايدة خايفة نتقاطع بس ماعد اقدر تعبت ......هذا الي عندي بالنسبة للموضوع الاستراحة.......... اما بالنسبة للتعامل فانا زيكم محتاجته.........