الله كريم اختي .. مع اني عزوبيه بس اقيس وضعك على قريباتي و واهلي .. صج مشكله

وانا اقرى الردود .. فكرت انك تودين ولدك لحضانه مثل ما قالوا البنات بس ضنتي اسم الله عليه صغيرون على الحضانه .. ولو انه بيستانس .. وبمضى وقت

او ممكن تودينه عند اختك مثل ما قالتلك .. صحيح ان اذا تجمعوا الخدم مشكله بس احسن عشان اذا وحده سبحان الله سوت شي غلط .. الثانيه تفتن عليها واذا ما حبوا بعض كان احسن لوول

او ممكن تشترين لطفلك شرايط فيديو .. بارني وتوم وجيري .... الخ وعلمي الخادمه تشغل له الفيديو .. وحطي له حضانه ( السرير اللي العميق المحوط شبك . فهمتيني ) وقفلي غرفة نومك .. والغرف اللي ما تبينها تدخلها ( مثل ما قالت احد الاخوات ) وهلكيها نظاافه .. يوووم خليها تغسل الشراشف .. ويوم خليها تفضى الثلاجه وتنظفهااا .. ويوم خليها تفضى كبتات = دواليب المطبخ وترد صفهم ... الخ
وممكن اذا تبين تتطمنين اكثر انك تحطين كاميرات .. وفي لعب مثل دب وعيونه كاميرا .. او سياره وليتاتها كاميرات << الزمن تطور خخخ
واذا كانت خادمتك مسلمه .. جيبي لها كتب اسلاميه بلغتها .. عشان يزيد خوفها من ربها .. وتحرص على ولدك .. واذا شفتيها خوووش بنت وتستاهل دليلها وترى لو عاملتيها زين بتعاملج زين ان شاء الله

والله هذي الحلول اللي ببالي .. والله يأجرك على طاعتك لامك .. والاخذ على نفسك عشان رضاها
والله يرزقك بر عيالك مثل ما اانتي تبرين امك يا رب


والا فضل تصلين الاستخاره شوفي الله شنو يخيرك عليه .. والخيره بما اختاره الله

شوفي حبيبتي بما ان امك ما عندها مشكله من ناحية ولدك فا اشوف انك تودين ولدك من غير الشغاله وخلي الشغاله بالبيت ترتب وتنظف الين ما ترجعين انت وولدك

والله يحبيبتي أنا اقترح لأ تستغنين عن الشغالة اكيد انتي كمان بحاجتها بحكم وظيفتك .بما انة الأولى سافرت والثانية توها جديده والوالدة كلأمها نفسه .فوالله أعلم شغالأت الوالدة يزنون عليها ويخربون على شغالتك بس ايش السبب هل ما يحبونك ولأ فيه شي هم يسونه وستر وغطى على بعض وما يبغون أحد يكشفهم .استخيري وتروي بحكمه وقولي لزوجك اذا هو متفهم خليه يساعدك.و الله أعلم وانشالله ما أكون ظالمتهم يارب تسامحني بس الله خلق للأنسان عقل وهذا تحليلي

احسك مكبرة الموضوع حبتين...

حرام تشيلين على امك...عشان شغالة.

الله يخليهم لنا ولايخلينا منهم....

خلاص ودي ولدك لامك بدون الشغالة....ولاتخافين عليه...هذي امه ترا...

والشغالة...خليها عند احد يحتاجها...اوقفلي عليها البيت وحطي المفتاح بعلبه ماتنفتح...وخليها اذا اضطرت تكسرها...عشان اتدخل احد في غيابك..ومايصير ذنبها في رقبتك لو احتاجت تطلع...او صار شي في البيت لا قدر الله.

واهم ماعليك اميمتك....لاتضيقين صدرها...

امك ما ترفض الشغاله الا من سبب
ضروري تسأليها
قولي لها ليش يمكن شافت شي ما عجبها

ما في حل غير انك تسالين امك ليييييييييش