- المشكله لـ جارتي :: تقول :/
انا متزوجة ولد خالتي لنا ٨ سنوات لدي ٤ أطفال ( ابو زوجي اخو ابويا وأم زوجي أخت امي ) >> عشان تعرفون ان القرابه مره قويه ،،
علاقتي مع أهل زوجي ممتازة احترام و محبه مع حمياتي الله لايغير علينا ، جمعه كل فتره و فتره ومزح و ضحوك ،،،
المشكله بـ أمي << ادري بتقولون جنتك و تحملي واصبري ،،، ولله الحمد صابره بس اني بالفتره الاخيرة ماأتحمل عندي ضغوط نفسيه ،،،
انا ماأعرف بالضبط ايش هي مشكلة امي مع عماتي و خالاتي تكرهم كره شديد ، ولا تزورهم ، وإذا سمعت وحده منهم مريضه قالت : تستاهل وأحسن هذا جزاها
وإذا وحده من بنات خالاتي او عماتي والده قالت : يكذبون علينا فلانه لها شهر والده بس ساكتين خايفين ناخذ بزرهم ،،،
ماتحضر اجتماعاتهم ولا مناسباتهم و لا تزورهم
وإذا انا زرت وحده منهم هاوشتني و دعت علي و سبتني ،،،
وإذا حملت طول ٩ شهور ماتخليني اطلع من البيت
ولا أزور احد ،، تقول : يحطون لك شئ مع القهوة عشان يطيح الجنين ،،،
وإذا ولدت : قالت : وين طفلك ؟؟ ليش مايكون عندك ؟؟ الحين يجون ويأخذونه من الحضانه و يسوون شئ بطفلك ،،، الحمدلله على السلامه ماسمعتها منها
قسم بالله اني ماافرح بحملي و لا طفلي بسبب وساويس امي و كلامها و شكها ،،، انا الحين حامل لي شهرين وماقلت لأمي شئ ،، ادري بيتعكر مزاجي و بتخليني أندم على الحمل ،،،،
تدرون ان ثاني طفل لي قالت لي : هذه مو بنتك تأكدي منها مو بنتك ،،، و سوت مشكله مع زوجي
وبعدها قالت : فلانه بناتك مو بنات ... قلت لها : كيف يعني ؟؟ قالت : بناتك متعرضين لهم وهما في الحضانه ...
بالفتره الاخيرة تقولي : اقطعي علاقتك مع أهل زوجك مو لازم تجينهم ،،، و جمعة خالاتي تقولي : لا تمشين معهم ...
سوالف كثيره صارت ماأقدر على ذكرها
يابنات الله سبحانه و تعالى مايرضى بالشئ
لا طاعة لمخلوق في معصية الخالق ،،، وهذا الشئ حرام اقطع أرحامي ،،،
واللي اعرفه ان الام تكون مع بنتها وتساعدها و تهون عليها و تدعي لها و تعطيها أمل وحياة جديده و تحن على بنتها ،،،،،