أمي و غرفتي

السلام عليكم حابة أستشيركم بموضوعي و أبي حلول فعليه أقدر أطبقها ..


عمري 24 سنة موظفه ولي أخت أكبر مني عمرها 26 سنة ..

لنا تقريبا حوالي السنة ما نكلم بعض " السبب منها " لـ اني حاولت اهديها و حاولت أكلمها وما في فايدة .. و يأست من هالموضوع ووكلت أمري لله ,,

المشكلة أننا نتشارك نفس الغرفة ..

هو جناح بس مشاركه لنا كلنا , يعني غرفة للنوم و غرفة للملابس والمكياج ..

الغرفة قديمة جدا وبالية وما تصلح للاستخدام خلاص اغراضنا متكومة فوق بعض .

أحاول قد ما اقدر ارتب وانظم الغرفة بس ارتب من هنا و أهلك عمري من هنا و تجي هي تحوس كل شيء وتخرب

النظافة بالغرفة جدا سيئة لو تشوف الزبالة فايضة عادي عندها , فـ لازم انا الي اقوم واشيلها وانا جدا اهتم بـ ألنظافة و الترتيب أهم شيء .

أيضا ما لي أي خصوصية بالغرفة , يعني وقت النوم عادي تشغل أيبادها وتزعجني بالنور والصوت حقه .. مهما حاولت اقول لها تسكره تزيد و تعاند

لما أخذ شاور ما اقدر البس بالحمام لـ انه صغير يكون مليان مويه , ولما أروح غرفة الملابس ترفض تطلع بالعكس تعاند و تجلس زياده ..

فـ اشياء كثيرررررررررررة و اهمها انها وصلت فيها ترمي ملابسي النظيفة ع الارض من باب تقهرني وبس ..




الحمدالله توظفت وجمعت مبلغ يكفيني أني اجدد الغرفة , بس المشكلة بـ امي رافضة رفض تام أني أكون بغرفة لحالي

تقول هالشيء يفرق بين الخوات و يخليك بعزلة لحالك !

انا ما ادري وش تبي اكثر من كذا تفرقه بينا , وش أكثر من أني صرت اتحسب على أختي من القهر !

حاولت أكلمها رافضة تقول اذا رحتي لـ بيت زوجك سوي الي تبين هنا لا ..

وانا جدا مقهورة و منغثه و مستحيل أدفع و أتعب واسوي وانا ما راح استفيد شيء ء, مجرد اخسر فلوس ولا راح الاقي راحتي ولا خصوصيتي ولا شيء ..

أبي حل أقنع أمي فيه لـ اني جدا تعبت ,