اه ي قلبي جا الموضوع بوقته
بنتي اليوم بلغت مررره حزنت عليها
ع الساعه ٦ العصر نادتني قالتلي ي ماما جاتني
قلتلها كدابه قالتلي والله ورتني ملابسها ضميتها وبستها وريتها طريقة لبسها.مررره حزنت عليها مو عشان شي الوقت مررره مو مناسب قريب المغرب ورمضان وغير كدا هيا مرررره قصيره ..كان نفسي تبلغ لما تروح تاني متوسط..وحزنتني لما قالتلي اغطي .قلتلها لا بدري لما تبدا الدراسه تغطي دحين لا حسيتها ارتاحت..بيني وبينكم شايله هم اني اغطيها مرررره قصيره كانها ٣ ابتدائي الكل بيتفاجا لما تقولهم رايحه اول متوسط.يقولولها مرره قصيره عبالنا رايحه رابع وبعضهم يقولها ثالث...
اما بخصوص متى يعرفو موضوع الدوره من هما صغار بيعرفو لما مااصلي و يشوفوني فاطره برمضان.اقولهم معايا الدوره وكل شويه بفهمهم عن الدوره،،
بنتي الكبيره لما بلغت سوتلها حفله وجبنالها هدايا حتى اخوانها الكبار سلمو عليها وقالولها والله وكبرتي دحييين لازم نحترمك وندلعك اكثر..
اما هدي ماقدرت اقول لاحد الا لابوها وانا ابكي سالني بعد المغرب شافني متضايقه وابكي قلي في شي وقلتله قالي طيب فين المشكله قلتله ماادري امكن عشنها قصيره محبيتها تكبر دحييين.اساسا العبايه نادرا كانت تلبسها دحيييين ماادري ايش وضعها.حتى قلتله لاتجبلها سيره لاحدت انا مااقرر...
ودوبها بتسالني قالتلي ي ماما بتسوولي حفله زي اختي الكبيره قلتلها مو دحين خليها ع قدام دحيين رمضان وشايفه مافي وقت وسكتت تحسينها مره زعلت انه مافي اهتمام زي اختها..
سامحيني طولت في موضوعك فضفضت شويه فيا غصه وحزن عليها..
اه ي قلبي جا الموضوع بوقته
بنتي اليوم بلغت مررره حزنت عليها
ع الساعه ٦ العصر نادتني قالتلي ي...
بنتي عمرها ٩ سنوات وتعرف كل حاجة عن الدورة ونزول بطانة الرحم ونزول البويضات شهرياً وكيف تلبس الألويز
وأهمية الدورة للبنت
بس لازم تركزي عليها نزول الدورة مش معناها إنها خلاص مش طفلة لا بس سن تكليف لكن تُمارس طفولتها عادي
الموضوع سهل لا تكبرينه بالعكس لازم تتحمسون إنتي وبنتك
كمان النظافة الشخصية مهمة مثلاً بنتي اشتريتلها طقم استحمام من بودي شوب عشان تتحمس للاهتمام بنظافتها وكمان عطرها
وأختها اللي عمرها ٧ أيضاً تعرف الدورة الشهرية وإنه ينزل دم ( الله يعزكم) وتلبس البنت ألويز بس بدون تفاصيل أخرى
الله يفرحكن ويفرحنا بأميراتنا الحلوات