ام عزباء ..
تسلطت الاضواء عليها وعلى عائلتها فجأه ..
والسبب ..
"ثمان توائم"
بالاضافة الى 6 اطفال دون سن المدرسة ..
طبيب ناديا من اشهر اطباء الخصوبة والانجاب في لوس انجلس..
مدري وش سوى لها ، وصار في بطنها 8 اجنّه..
الاب ، او المتبرع .. صديق ناديا السابق ..
وناديا في السابق جابت 6 توائم ، بطريقة التلقيح الصناعي ايضاً ..
ناديا تقول انها ما درت ا نالي في بطنها 8 ، الافي وقت ما تقدر تجهض فيه ..
كثير يلومون الطبيب ، وكثير يلومون ناديا ،
وانها نصابة ، وعارفة انها بتجيب 8، بس تبي الشهرة..
ناديا ساكنه مع اهلها ..
واطفالها السته السابقين ..
ام نادية متولية تربيتهم والعناية بهم ..
بس بعد ما جابت ناديا الـ 8 .. امها انهارت ..
وصاروا يطلعون في مقابلات يتهاوشون وينغزون بعض بالحكي < --صح يا المتابعة
البيت صغير عليهم يوم هم بس 6اطفال،
وشلون بيتحمل 8 زيادة .. يعني 14 ..
الاطفال جالسين في المستشفى..
بس مدة جلوسهم مب مطوله ، لان صحتهم جيده وما يشكون من أي بأس ..
ناديا تقول اتمنى القى بيت يضفنا ،
وان شاء الله بالقى قبل يطلعون من المستشفى ..
ابو ناديا يقول لـ اوبرا انه بيساعد بنته في تربية عيالها .. وانهم احفاده ويحبهم ..
ام ناديا تقول هم احفادي واحبهم بس بنتي مب قادره عليهم ..
وانه شي يجلب العار .. اجل 14 بزر يالظالمة <--الكلام لام ناديا
تقول ان عددهم يفشل ، واني اشعر بالحرج كل ما تخيلت بنتي داخله بذا الـ 14طفل في باص ,
والا مطلعتهم لمكان ..
ناديا تقول مستحيل اتخلى عن احد من اطفالي ،
او اخلي احد يتبناهم ..
وتقول ان كثير عرضوا عليها المساعدة ..
سألوها عن وشلون بتهتم بالمواليد الـ 8 اذا جوا للبيت ..
قالت ان الكبار بيروحون للروضه خلاص ..
واذا ودتهم بتتفضى للصوغيرين..
بس ما ظنيتها بتقدر ..
حالة البيت الي سكانين فيه الاطفال مزرية ، وغير آمان بالنسبة للاطفال
وهذا الشيء ترك بعض التساؤلات عن ان جمعيات المحافظه على حقوق الاطفال ورعايتهم يمكن تتدخل في الموضوع !
المحزن في الموضوع ان اطفال ناديا السابقين السته معاقين ..(او بعضهم) اعاقات فكرية ..
و 3 من التوائم الصغار ايضاً معاقين ..
سألوا ناديا وش بتسوي بجسمها والترهلات الي صارت فيه ..
قالت بعد سنه بيرجع جسمي لطبيعته ..< --ماظنيت..
صديقتها طلعت اشاعة انها بتسوي عملية شد ..
قالت ما لقيت دراهم اصرف على ذا البزران ، فاسوي عمليات تجميل .. < --
ووحدة من صديقات ناديا السابقين نشرت صوره لها وهي في اواخر حملها ..
بطنها يروع (دوروها في قوقل) ..
عاد ناديا ما رضت ، وتقول مابي اتكلم عن الموضوع ، والي نشرت الصور معاد تستاهل اسميها صديقة
**
كل مره اشوف برنامج يتكلم عن ناديا ، او اقرأ خبر عنها اسأل نفسي ،
وش الفايدة من كل هالضجة الي حاصلة ..
بس بعدين ، يوم تأملت الموضوع ، طرت على بالي اشياء كثيرة ..
* هل مجرد الرغبة في انجاب الاطفال كافية لاتخاذ مثل هذا القرار ؟
* هل التهيئة النفسية ضرورية في مثل هذه الحالة .. (او في حالات انجاب التوائم الطبيعية )
* هل العناية بـ 8 مواليد ، وتربيتهم مستقبلاً ، وتعليمهم –دفعة واحدة– امر مستحيل ؟
الحب وحدة لا يكفي ..
المال مطلوب ،
والطاقة النفسية مطلوبة قبل الطاقة الجسدية ..
الموضوع لكم ،
منقول
حشا ارنب الله يخليهم لها يارب
ويعينها على تربيتهم
بس مدري هي مسلمه ؟؟؟؟