السلام عليكم ورحمة الله وبركاته
كل عام وانتو بخير وصحة وسلامة <<أدري العيد خلص بس ما لقيت مقدمة :icon10:
وشخبار الكل؟ إن شاء الله طيبين وبخير؟
أدخل في الموضوع
هذا الله يسلمكم بينما أنا جالسه أفكر وافكر خطر ببالي موضوع <<والله من الفضاوه:pinklove:
وقلت ورى ما أسدحه هنا للأخوات نتبادل وجهات النظر حوله
الموضوع هو عن أم الزوج
وتحديدا >> سن أم الزوج وتعليمها
وقبل لا أبدي الموضوع مجرد توضيح ونقاط لابد من الإشارة لها
أولا:
إن الزواج نجاحه وفشله أساسه هو
توفيق الله عز وجل أولا وأخير واللي ربي كاتبه
ثم الزوجين نفسهم بالدرجة الأولى مهما كانت الظروف الأخرى
وبعدين تجي هالمؤثرت الخارجية من أم الزوج أو أم الزوجة، أو أهله أو أهلها وغيره وغيره من أمور أخرى
ولكن بنفس الوقت ما ننكر دور العلاقة بين الزوجة وأم زوجها، واللي كل ما كانت طيبة وخالية من الشوائب<<نفط معاد هيب علاقة خخخ :22:
كل ما كانت أحسن
ثانيا:
الموضوع طبعا يعتمد على شخصية أم الزوج بالدرجة الأولى بصرف النظر عن عمرها أو درجة تعليمها، يعني الطيبة طيبة حتى لو هي أمية، أو حتى لو كان عندها الدكتوراه.
ثالثا:
طبعا الموضوع مهوب حاسم لهالشي، وتبقى الآراء المتبادلة وجهات نظر قد لا تكون بالضرورة قواعد ثابته لهالشي، ولكن نحب نعرف الآراء بهالشأن
رابعا (تمت إضافتها بعد التنبه لهذا الأمر) :
وهذي أهم نقطه، تكفون خواتي، أنا عارفه ومقدره إن فيه حريم الله يجزاهن خير صابرات على أم زوجها اللي ممكن إنها تسيء معاملتها أو قاسيه عليها، وممكن تتكلم عليها من باب الفضفضة ومن حر ما بنفسها، خصوصا لما لقت موضوع يتعلق بأمهات الأزواج، بس تكفووون أنا أحبكن في الله ومابيكن تحملن إثم الغيبة، فعشان كذا توضيح إن هالموضوع لتبادل الآراء عن هذا الشي بالدرجة الأولى (يعني ممكن تذكرين حالك كمثال إن أدرتي لتدعيم وجهة نظرك) ولكن بدون غيبة وذكر أحد بسوء، عشان ما تخسرن أجر الصبر والاحتساب، وعشان ما أحمل إثم أي وحده :(
والله يجزاكن خير يارب
نجي الآن لموضوع النقاش
وهو
سن أم الزوج وتعليمها
يعني مثلا لو كانت كبيرة بالسن وعجوز ومهيب متعلمة
## يمكن فيه ناس يقولون لا، كل ما كانت كبيرة بالسن كانت مشاكلها أكبر، وتدخلها أكبر، وصعب انك تفهمينها وجهة نظرك أو توصلين لها اللي تبينه، خصوصا فيما يتعلق بتربية الأولاد، أو يمكن حتى الغير يأثر عليها بسهولة ويشحنها ضدك وغيره من أسباب..
## أو فيه ناس تقول بالعكس، الكبيرة بالسن والعجوز طيبة وعلى نياتها، وكافيه خيرها وشرها، وما تبي غير السعادة لولدها وتحرص على سعادته مع زوجته وتتودد لهم، والحياة معلمتها كثير، وراح تكون زاهده في دنياها وما عندها الغيرة وغيره من هالأمور.
أما لو كانت صغيرة بالسن ومتعلمة أو مكملة تعليمها:
## يمكن فيه ناس يقولون لا، المتعلمة تبي تكون متسلطة، ومسوية نفسها فاهمة بكل شي، وتتدخل بكل شي بحياة ولدها وزوجته، وحتى تعبيرها عن غيرتها راح يكون بأسلوب خبيث، ويمكن غيرتها تكون أكبر..
## أو فيه ناس تقول بالعكس، الصغيرة والمتعلمة راح تكون أقرب لزوجة الابن، وفاهمتها وفاهمة تفكيرها، وراح تساعدها بأشياء كثيرة، وراح تقل المشاكل بينهم لأن الفجوة بينهم قليلة سواء من ناحية التعليم أو السن..
وانتم وشرااااااايكم؟؟
يعني هل تفضلين إن أم زوجك تكون صغيرة بالسن ومتعلمة ومكملة تعليمها، أو تفضلينها كبيرة بالسن وعجوز ومهيب متعلمة، وهل تعتقدين هذا الشي يأثر على تعاملها مع زوجة ولدها؟ أو حتى لو ماكان بذاك التأثير وش رايك؟
وليــه؟؟
وحياااااكم الله بموضوعكم :27:
آه من ام الزوج ومية آه < قلبتها مناحة
المهم يالحبيبة انا ام زوجي كبيرة في السن ومو متعلمة
ماحبتني من اول يوم وما اظن بعد هالسنين ممكن تغير رايها
والله ما تقدر تعتب علي في شي او تقول اني مأذيتها
ما في سبب حتى ابنها معترف
ولكنها ما تخلي فرصة ممكن تقهرني او تجرحني الا وتستغلها احسن استغلال
مو متعلمة ولكنها واسعة حيلة وقوية
ايش اقول بس الله يجملني معاها