أم الزوج أخذت هدايا العروس

السلام عليكم ورحمة الله وبركاته
موقف صار لصديقتي وحابة آخذ رأيكم فيه وأتمنى كل وحدة تقول إيش ردة فعلها لو كانت مكان صديقتي
صديقتي من منطقة وزوجها من منطقة ثانية.. بعد الزواج أم الزوج ساوت جمعة لقرايبها وجاراتها ومعارفها عشان يشوفوا العروس والناس جات وجابت هدايا مكياج وعطور وذهب وفلوس,,البنت فرحت حسبت الهدايا لها والفلوس لأم الزوج
ولما راحوا الناس أم زوجها قالت لها إذا في شي عاجبك خذيه طبعا البنت استحت وأم الزوج خذت كل شي على أساس إذا جات مناسبات ترد لمعارفها من الهدايا.. والذهب قالت لها أنا بأعطيك بداله وعطتها من ذهبها.. بصراحة ذهب أصفر قديم وبصراحة مو حلو والبنت ماهي قادرة تلبسه حتى في البيت فإيش رأيكم في موقف أم الزوج وهل اللي ساوته صح ولو كنتوا مكان صحبتي حتحز في نفسكم؟؟