الشكر للجميع

و يا ليت البنات يضيفون كمان افكار جديدة

انا زوجي جاب علبة هديه صغيره وملاها ورد مجفف وحط فيها كيسين قماش واحد فيه مبلغ ومكتوب على الكرت الي فيه المهر والثاني مبلغ ثاني ومكتوب على الكرت الي معاه الشبكه لانهم معطيني الشبكه كاش وانا اشتريها على ذوقي..
بس الى الان اقوله كيف وديت كل هالمبلغ للمحل ؟؟ ما خفت؟؟ يقول لا كانت عيني عليهم طول الوقت..

ويوم الملكه رحت لمحل الورد وقلت لهم يجهزون لي مثل الصينيه ويكون عليها مثل العشب ومزينه بورود وفيها مكان بارز للعقد وتعليقات للحلق والخاتم وكذا علشان التصوير...

مهرر !!

صندوق وورد وحركاات !!

أضمــن وأفضــل حل يرسلهـ على حساب البنت أو ولي أمرهـا ,,

يوصلها كامل من غير خوف ضاع انسـرق نقص زاد صار شي لاسمح الله :09:

الحذر واجب ,,

اما الأفكار و الحركاات هذي لاحقين ان شاءاللهـ
يخليها لأوقات ثانيهـ الشبكهـ والدبلهـ والهداياا . . . الخ

بالتوفيـــق ياررب:26:

انا بقولك على طريقتنا انا ما من السعودية بس ممكن تعجبك
احنا المهر عادة يودونها الحريم و تكن في حفلة مهر يحضروها اهل العريس المقربون يعني اذا هو مرة مع اهل امه يكونوا خالاته و اذا هو مرة مع عماته يكونوا عماته
المهم المهر ينحط اما في مندوس و هو صندوق خشبي من الاعمال القديمة الي كانوا يستخدموها جداتنا او يتحط في صينية فضية تكون مغطى بقطعة قماش و فوقها ورد مجفف و المهر و بعدين يتغطى المهر بنفس القطعة من القماش
و معاه بوكيه ورد راقي للعروس بالاضافة الى اننا نقدم مع المهر شنطة هدايا للعروس من اهل العريس و العريس للعروس
يكون فيه كل ما توجود به الاهل من ذهب و اقمشة و حتى نعال اذا تعرفوا مقاس البنت و حتى بوكليهات الشعر يحطوها و شيل و اكسسوارات يعني الهدايا الي بيجيبها اهله بس تكون خاصة بالعروس يعني هدايا شخصية والله لا اخفيك امي كانت تجيب حتى مقاس ستياناتهم و تجيب لهم اطقم و عباية لو وصلت لمقاسها طبعا بتقولي يمكن مش على ذوقها عادة لما يشوفوا البنت يشوفوها ايش لابسة و عليه يتقرر ذوقها قريب من ذوق من في العيلة و تكلف هي بمجموعة اشياء تجيبها

انا مهري كان معاه شنطة سفر صغيرة داخلها طقم ذهب و كذا قطعة قماش و ثوب صلاة بصراحة واجد فرحت بيهم لانهم هدية مع المهر

صح نسيت اقولك امي عادتا تاخذ شنطة سفر موديلها جديد و قيمة يعني غاليه علشان تساعدهم في شهر العسل يعني وفرت على العروس الشنطة و تحط بعد اطقم فوط و شراشف بخور و عطور و كريمات جسم معطرة و ساعات و اي شيء يخطر على بالك
اذا تخاف من ذوق البنت خليها تاخذ عطورات شرقية على ذوق ولدها حتى اذا ما عجبها البنت العطور يستخدمها زوجها :)

انا جابوه في ظرف مشقوق وماش الى الان ماعجبتني السالفه
اختي جابوا صندوق كبير فيه هدايا اخواته وساعه وفيه صندوق اصغر فيه الفلوس وكان مره ذوق يعني خلو الرجال يسوي الصنوق وهم رتبوا فيها الاغراض بس بعدين ماقدموا لها شئ خلاص هذي هديتها بس جابوا الشبكه يوم الملكه ولا عطوها صباحه بالتوفيق للجميع