الجيده @algydh
محررة
أم العيال ..وأم البنات
السلام عليكم ورحمة الله وبركاته
***
كيفكم ..
وعساكم بخير
إسمعوا قصدي إقروا القصة هذا
لان فيها عبره كبيره
وترى دوام الحال من المحال
هذي عجوز تسولف عن حياته أول
تقول :
تزوجت وعمري 17
وكان زوجي متزوج قبلي وعنده مرته وحسب كلام الناس هي حاشمته ولا تخلي عليه قاصر
بس إنها تجيب بنات وهو يبي عيال
المهم حملت وجبت الولد ..
وطار من الفرحه بي وصار كل همه انا والجلسه عندي
وبدا يخف عن زوجته وبناته إلا بعض الليالي يمر عليهم
المهم يبات عندي كم ليلة ورى بعض وعنده ليلة وحدة يمكن بالشهر
حملت زوجته وجابت بنت
وانا حملت وجبت ولد
ومرت السنين وصار عندي 6 أولاد
وهي عشر بنات
وكل ما جبت ولد تعالوا شوفوا راسي يوصل للسماء من البطر والدلع
ومالي سالفة لو إجتمعنا بمناسبة ألا أسولف بعيالي وأبوهم كيف يحبهم علشان أقهر أم البنات
وبعد فترة
توفى الأب
وشفت الويل من تربية عيالي
سهر وطلعات وكشتات ولا يردون لي راس
وبعضهم خلى دراسته
--
بعكسها هي.. صاكة الباب عليه وعلى بنياته وهمن الدراسه
--
وعدت السنين ..وكبرن البنات وتزوجن
وكبروا العيال تزوجوا وطلعوا في بيوت مستقله
وكنا ساكنين جنب بعضنا
الحين شوفوا وش صار ..
إذا صار الصبح بيت جارتي مليان من عيال بناته اللي موظفه وتمر فيهم على أمها
واللي مسافرة مع رجلها وتحطهم عند أمها
وإذا صار العصر إجتمعن عند امهن
ولا أسمع غير صوت الفناجيل والبيالات
وريحة الطبخ
والسوالف والضحك وأصوات عيالهن والكوره
وأنا لحالي أجلس تحت السور أتونس بأصواتهم
وأحتري متى يرسلون لي من عشاهم
ولو تفضلوا ونادون للقهوة معهم أشوفه من طيبهم
وأجلس مرات أتذكر يومني أفرح بالعيال وش نفعون فيه
كلن لاهي بشغله وعياله ويازينهم لو مروا نصف ساعة من نهار يشوفون انا حية أو ميته
ترى الولد فرحته عند طرحته ..والبنت هي فرج أهله يوم تضيق
إدعوا بصلاح إعيالكم وبناتكم
والبنت أكثر عطف وحب وحنان وقرب لأهله
-----
قصة حقيقة من واقع الحياة
37
4K
يلزم عليك تسجيل الدخول أولًا لكتابة تعليق.
اتمنى طفل احضنه
•
الله يرزقني بالذرية الصالحة وكل متاخره ومحرومة عاجل غير اجل
لاتزال نظرة المجتمع مابتتغير تري عند الحريم عادي لكن الوحده مياله لراي زوجها دام الرجال يفرحون نفرح معهم ولا بنظري الحين الولد والبنت بمستوى وااااااحد خصوصا بهالزمن
انا برضه اعرف قصة اخرى مرادفه لقصتك
هن اخوات ثنتين شقيقات وحدة جابت البنات والثاتية جابت الاولاد
تقول صاحبتنا : انا ام الاولاد وكنت دايم اعاير اختي بانها ما انجبت الا البنات وانا مبسووطة باولادي
مرت السنوون وكبروا الاولاد والبنات وتزوجووا وتقول ما بقى الا انا بالبيت لوحدي وهي مثلي وخبركم اوول جوع وفقر وبرد
تقول ياما نمت بالليل جوعانة ما القى لقمة اسد بها جووعي ويوم امر على اختي ام البنات الاقي عشاها عندها وبعضه باقي ما المسته
تقول : كل شوي امر على اختي او هي تمرني وانا ميته جووع \.. قالت لي : يا فلانة تعشي وانا خيتك هذا من بنياتي اللي كنتي
تعايريني فيهم والعيال وينهم اللي كنتي تتباهين فيهم !!
تقول : واتذكر ان عيالي ماقد واحد فيهم مر علي والا سألني : ياميمه تعشيتي والا نمتي مقووية
وبنات اختي ما تنام البنت منهم الا وهي جايبة العشى لامها وكل ليلة السته يعشوون امهم مافيه وحدة تدري عن الثانية
سبحان الله دايم البنات قلوبهن احن من العياال بس البشر جبلووا على حب البنين
وخصوصا الامهات يحبون الاولاد اكثر رغم ان عارفين محد بيحن عليهم كثر البنيات
يالله ياحي ياقيوم انك ترزق اخواتي من عالم حواء والا من خارجه الذرية الصالحة اللي تقر عينهن بهم وتجعلهم بارين بهن ياحي ياقيوم
واللي رزقتها بالذرية ترزقها برهم وصلاحهم وتجعلهم صوامين قوامين حافظين لكتاب الله
اللهم امين يارب
هن اخوات ثنتين شقيقات وحدة جابت البنات والثاتية جابت الاولاد
تقول صاحبتنا : انا ام الاولاد وكنت دايم اعاير اختي بانها ما انجبت الا البنات وانا مبسووطة باولادي
مرت السنوون وكبروا الاولاد والبنات وتزوجووا وتقول ما بقى الا انا بالبيت لوحدي وهي مثلي وخبركم اوول جوع وفقر وبرد
تقول ياما نمت بالليل جوعانة ما القى لقمة اسد بها جووعي ويوم امر على اختي ام البنات الاقي عشاها عندها وبعضه باقي ما المسته
تقول : كل شوي امر على اختي او هي تمرني وانا ميته جووع \.. قالت لي : يا فلانة تعشي وانا خيتك هذا من بنياتي اللي كنتي
تعايريني فيهم والعيال وينهم اللي كنتي تتباهين فيهم !!
تقول : واتذكر ان عيالي ماقد واحد فيهم مر علي والا سألني : ياميمه تعشيتي والا نمتي مقووية
وبنات اختي ما تنام البنت منهم الا وهي جايبة العشى لامها وكل ليلة السته يعشوون امهم مافيه وحدة تدري عن الثانية
سبحان الله دايم البنات قلوبهن احن من العياال بس البشر جبلووا على حب البنين
وخصوصا الامهات يحبون الاولاد اكثر رغم ان عارفين محد بيحن عليهم كثر البنيات
يالله ياحي ياقيوم انك ترزق اخواتي من عالم حواء والا من خارجه الذرية الصالحة اللي تقر عينهن بهم وتجعلهم بارين بهن ياحي ياقيوم
واللي رزقتها بالذرية ترزقها برهم وصلاحهم وتجعلهم صوامين قوامين حافظين لكتاب الله
اللهم امين يارب
الصفحة الأخيرة