أم الـــــــــزوج.

اخواتي المتزوجات ..
بصراحه ام زوجي انسانه رهيبة في تعاملها معاية وانسانه عصرية ومتفتحه تعرف عللى الكمبيوتر والنت ولها مواقع كمان وهي انسانه ملتزمة بتعاليم ربنا حتى ما تلبس كم قصير ولا بنطلون ولا حتى بوزة مفتوحه من عند الصدر ولو فتحه بسيطة وحتى بناتها مثلها بس علمتهم انهم لمن يتزوجوا يقدروا يلبسوا قدام ازواجهم الي يبوه وحجابها كامل ..وانا قبل ما اتزوج كنت البس الكم القصير وبدون اكمام والبنطلون وحتى قصير بس تحت الركبه عمري مالبست اقصر من كده يعني في حدود الشرع..
ولمن اتزوجت وصرت اجي عندهم واكون لابسه بدون اكمام بنطلون وحتى قصير بس تحت الركبه ما تقلي شي ..بس اذا كنا طالعين عند قرايب تقلي لاتلبسي كده اخاف عليكي من العين
ومرة لبست بحلق مفتوح بس مو مرة قالتلي مايصير تلبسي كده هذا ما ينلبس الا قدام الزوج..
ومرة كنت لابسه بدون اكمام في شبكة بنتها قامت فصلتلي شال مناسب معاه وقالتلي انا دايما انصح الناس لا يلبسون كذا اش يقولوا لمن يشوفوكي وانا ساكته..
صرت لما اروح عنده البس كم طويل وتنورة عشان ما تزعل او انحرج من كلامها ولمن اطلع عند احد ثاني البس على كيفي وللعم زوجي راضي باللي انا البسه وصراحه استحي اقلها ولدك راضي لأنه بتقلي عيب..
بس يا بنات احس كده اني منافقه صح يعني ما سويت الشي عشان ربنا والأجر سويته عشانها ومن وراها اسوي شي ثاني ومرات اقول لا مو هذا لي بيرضيها خلاص البس قدامها ووقدام معارفها كذا والبس عند معارفي الي ابي..
وش رايكم؟افيدوني بآرائكم