أم الــــــــــــزوج 👵.. مواقف لاتُنسى ..؟

السلام عليكم  
صباح / مساء الخيرات 
كيفكم حبيباتي 

كلنا عندما مواقف حزينه وحلوه تخص أم الزوج وعلاقتنا فيها خلونا ندردش ونتذكر شوي .

أبدأ انا .. 

في احد المرات ام زوجي جات زياره ونامت عندي وزوجي كان مسافر 
في الفجر الكل نايم وانا طفشانه ماحولي احد ياربي وش اسوي 😣؟ بديت ب جوله تفتيشيه في انحاء البيت 😎
وخلال البحث والتدقيق هههه لقيت علبه صبغ جديده لونها يجنن اشتريتها مره ونسيتها >> اعشق تغيير اللوك 🙆 
فكرت وفكرت وووووو عيني على ام زوجي امممممم وش اسوي فيها 
رحت صحيتها هي تفاجأت المسكينه قلت لها بعد شوي صلاة الفجر يلا قومي نتكلم شوي عشان ماتفوتك ..
وانا كنت محضره العده فرشاه والصبغ وقفازات واكياس 
كلمه مني وكلمه منها واقنعتها وبدأت بالمهمه 💆👍
انا اصبغ وهي عيونها مسكره وهاتك ياشخير خخخخخ بعد ماخلصت صبغ وغسلت شعرها
اقنعتها اقص شوي من شعرها بالبدايه رفضت لا وخلاص ابغى انام وانا مستحيل مصره نيولوك يعني نيولوك 💇
شعرها كان شوي طويل يعني نص الظهر وترفعه دايما
 وانا جيت وبكامل قواي ✂️ وقصيته قصيييير مره هههه ولادي وهي مصدومه 😱😳  
لكن طلعت قصه قصيره حلوه سشوار وترتيب وتغييرت كثيييييير هي في الستين الي يشوفها يقول في الاربعين 
طبعا هي كانت فرحانه مره بعد النتيجه النهائيه وشكرتني كثير 
ثاني يوم جا زوجي من السفر 
كانت صدمه له 😯
اول ماشافها توقع حرمه غريبه طلع بسرعه وهي تضحك وتناديه 
رجع وهم متفاجئ ظل يناظر فيها دقايق عشان يستوعب هاذي امه 👵 لكن اعجبه النيولوك مره مره  

ومن يومها انا الخبيره التجميليه لخالتي تبغي تصبغ تجي عندي 🏃

هاذي من المواقف الحلوه الي تذكرتها 

يلا خلونا نشوف ايش مواقفكم مع ام ازواجكم ؟