أم بلا قلب ... معقولة ؟؟؟

بدون مقدمات

في البداية أنا حااابة أقول إني أدري إنه فيه ناس يدفعوا اللي قدامهم واللي وراهم على طفل

وناس بتموت وتحصل طفل وربي لا يحرمهم ولايحرم أحد من هالنعمة

وحاااابة أقول إني بحثت كثيييير في النت عن حكم الإجهاض قبل مرور 40 يوم على الحمل :

وهذه فتوى للشيخ سلمان العودة على هالرابط :
http://www.werathah.com/islam/owda.htm

وأيضا قرأت تحريم بعض المشايخ للإجهاض في جميع مراحله

ووالله مدري تعبت ونفسي أتخذ قرار يريحني ويريح قلبي


السالفة ومافيها إنه يجيني احساااااس دايم إنه ماعندي قلب مثلي مثل باقي الأمهات

في أول حمل لي يوم كنت حامل ماكنت أبي أحمل وصار غصب عني وكانت حالتي النفسية صعبة طووووول فترة الحمل

وخصوصا يوم وصلت المراحل الأخيرة من الحمل وشفت الثقل والتعب وكبر البطن كرهت نفسي بس في المقابل حمدت ربي كثييييير على هالنعمة

بعد ماولدت ماحسيت تجاه البيبي بمشاعر الأمومة اللي كنت اسمع عنها ماأنكر إني أحبه وأهتم فيه وأشتري له أغلى الأشياء وأحضنه وأسهر معه وأخاف عليه بس مدري ليش ماأحس بمشاااعر قوية تهزني هز مثل مايقولوا
تصدقون كنت أصرخ على ولدي يوم كان يتعبني ومايرضى ينام مثلا أحس ودي أضربه وفي الأخير أقعد أبكي
يوم كبر دايما أصرخ عليه وأضربه كثير على شي أحيان مايسوى وحتى لو يسوى المفروض ماأضربه لأنه قطعة مني والله والله والله يكسر خاطري

حملي الثاني كان أهووووون بكثير من حملي الأول من ناحية تقبلي له ومن كل النواحي لأني أنا اللي قررت أحمل
والحمدلله بس ماأنكر ساعات أعصب وأصرخ على البيبي وبعدين أرجع أحضنه

هالحين اكتشفت إني حامل وأنا توني مالي 7 شهور من ولدت الحمدلله بس والله ضااااااق صدري وانقلب كيااااني ركبني هم الله وحده هو العالم فيه وزوجي مايبي
صرت ماأنام الليل حالتي النفسية في الحضييض وأنا ماصرت طايقة أحد في حياتي وبس أدعي ربي
رحت للمستشفى وسألوني إذا أبي أنزله ووافقت وعطوني موعد بكرة الصباح أروح أنزله وزوجي يقنعني بكل السبل إنه هذا هو الصح

تعبت من التفكير خاااايفة إن ربي يعاقبني
وفي نفس الوقت أتمنى من كل قلبي إن هالحمل مايتم

بنات الحمدلله في كل لحظة والحمدلله في كل ثانية على نعم ربي علي التي لاتعد ولاتحصى
الحمدلله الحمدلله الحمدلله

ليش أنا أم بلا قلب ؟
ليش ماني مثل بقية الأمهات أحس بالبيبي وأقول حرام والله ماأتخلص من ضناي ؟
ليش ماعندي احساس بالذنب تجاه اللي ناوية أسويه بكرة ؟
ليش اللي فيني خوف من عقوبة رب العالمين مو خوف على فلذة كبدي وقطعة مني ؟

ليش ؟؟؟ ليش؟؟؟ ليش؟؟؟

قولوا لي ليش أنا أم بدون قلب ؟