أم تقتل ابنتها ذي العشر شهور، بسبب هوسها بزيادة وزنها :(

http://www.guardian.co.uk/uk/2011/nov/11/nurse-jailed-baby-force-feeding


خبر مؤلم وعجيب

كان في الاخبار اليوم

حكموا بالسجن على الأم، وهي ممرضة، تشتغل هنا في بريطانيا ومن اصل غاني

والتهمة إنها تسببت في مقتل بنتها

البنت صار فيها التهاب رئوي حااااااااد

والسبب انه الأم كانت تجبرها على الاكل وتأكلها بالغصب كميات اكل ونوعية اكل غير مناسبة

فكانت النتيجة انه بعض من الاكل دخل في الرئة وكان سبب الوفاة

الأم كانت مهووسة انها تزيد وزن بنتها

وكان في اللي نصحها بهالطريقة في التغذية

ومن بينهم امها، على الرغم من كونها متعلمة :eek:

:(

بصراحة ومن غير زعل

انا شفت مواضيع كثيرة حسيت فيها الامهات مهووسات بزيادة وزن الطفل

وبصراحة كمان

شفت وصفات استغربت منها :eek:

وهالخبر خلاني بالفعل اخاف على هالامهات

انتبهوا وما تجربوا كل شيء على عيالكم

حتى لو كان نفع غيرهم

كل طفل مختلف

واهم الشيء الصحة والعافية مب الوزن!!!

الله يحفظنا ويحفظ عيالنا

وييسر لنا افضل الطرق للعناية بهم