أم جديده ومتوهقه :(

ياربى وشو ماينعطا مويه حرام والله لازم ماى ياختى تخيلى يمسكون الماى عنكى كم يوم انتى حطى رضعه الماى وخليه يشرب اللى يقدر عليه لازم كل يوم

اذكر قريت وحده ان كاتبه ماعطت بنتها ماى كم شهر من والدتها وسبب لها املاح اتوقع ناسيه والله لا وبعد يرضع صناعى يعنى العطش زياده

بالنسبه للحفاظ لازم ماى حبيبتى وصابونه جانسون او سيباميد عشان الفطريات وماتسود المنطقه الصابون بس اذاسوا الحاجه الثانيه بس بول ماى وشطفيه زين

واذا رضعتيه حطى على كتفك لين يتجشا حتى لو طول عشان ماستفرغ وهو نائم والحليب كل اربع ساعات لازم يكمل رضعته ولانغصبينه لان كل طفل له مقدره ومو مرور الاشهر بتشوفينه يطلب ويهلص رضعته وبنعرفين له ان مايشبع ولازم تزيدين كم ملى

الحمدلله على سلامتك

ربي يحفظلك طفلك ويباركلك فيه ..

نورة ماقصرت جزاها الله خير ..

بس عندي عدة نقاط سريعة ..

* النونو مايحتاج يشرب موية إذا كان يرضع طبيعي ... لكن لو صناعي .. لازم يشرب ،عدم الشرب قد يسبب الإمساك والأملاح الزائدة لاقدر الله وغيره .. لكن لاتكثري .. معلقة وحدة بعد الرضعة كافية

* قطرة الأنف للحالات الكبيرة (مزكم ،أنفه مسدود لدرجة مايقدر يتنفس أو يرضع إلا بصعوبة )


التزمي باللي مكتوب ع العلبة .. الحليب الصناعي يكون مركز وثقيل ..
و فيه إختلافات فردية من طفل لطفل ..
قد يكون طفل يكفيه أقل من 90 أو معدته ماتتسع لأكثر من كذا فيشرب إللي يكفيه وبعد شوي يجوع مرة ثانية ..

وعموماً الأفضل أن لاتقل الفترة بين الرضعتين عن 3 ساعات .. إذا قلت بتتعب بطنه وتسببله غازات ... كل مانظمتي الرضاعة يكون أفضل للطفل

* والطبيعي ان الطفل له فترة في اليوم لازم ينامها نوم طويل متصل 6 ساعات تقريبا ..
مافي داعي تصحينه

لما يحتاج يرضع بيصحى .

---

واسمحيلي يا أختي أخرج عن موضوع سؤالك ..
اعتبريها نصيحة من واحدة جربت وتبغى لك ولطفلك الأفضل ..

بالنسبة لموضوع الرضاعة ..
أدري إن كل وحدة لها ظروفها .. وأنتي طفلك عمره اسبوعين ..
نصيحتي .. لو تقدري ترضعيه طبيعي لاتتردي ..
الرضاعة الطبيعية مافي شي يعوضها ،ولو أعددلك فوائدها وتأثيرها ع الأم والطفل مابنتهي

وحتي لو كان الحليب مايكفي .. إعطيه الموجود واستعيني إذا جاع بالصناعي ,, لآن هذا رزقة ومايصير تحرمينه منه

أنا أقولك هالكلام لأني عانيت مع بنتي ..
كانت في البداية طبيعية بعدين تقريبا صابتها عين وصارت ترفض ترضع طبيعي وتبكي وتصرخ كل ماتقرب مني :(
وماتهدأ إلا لما تبعد عني
صرت أعطيها الحليب الطبيعي في رضاعة .. لأنو مانفع أبدا ترضع بشكل طبيعي ..
وبقولك إن نفسيتها إتغيرت جداً ..
الفترة إللي كانت ترضع فيها بشكل طبيعي كانت مستقرة وهادئة ، لما أعتمدت ع الحليب في الرضاعة تصير عصبية ومتنرفزة ودائما تبكي ..
ومع محاولاتي والرقية في بعض المرات النادرة ألاقيها رضعت بشكل طبيعي ,, ولما أروح لأهلي بدون مااقولهم يلاحظوا ويقولولي نفسيتها تغيرت وصارت أهدأ وأكثر إطمئنان ،وترجع للتوتر و النرفزة لما تترك الرضاعة بشكل طبيعي.

وعندي الآن طفل آخر رضع بشكل طبيعي و الحمدلله ..
بعترفلك إني للأسف مشاعري تجاه بنتي إللي مارضعت مني غير متساوية أبداً مع إللي رضع مني بشكل طبيعي

حتى لو الحليب جف بسبب عدم رضاعته منه .. مو مشكلة خليه على صدرك كأنه يرضع .. حتى لو ماكان فيه شي ..

لأن الرضاعة الطبيعية مو بس تغذية جسدية ..
هي تغذية عاطفية وروحية ،وتنمي المشاعر بين الأم وطفلها وتساهم في إستقرار نفسية الطفل وإطمئنانها

هذا غير فوائدها للأم من إنها تنظف الرحم وتساهم في فقدان الوزن الزائد .

فحاولي على قد ماتقدري ماتحرمي نفسك وطفلك من هالفوائد

دامه يرضع صناعي عطيه مويه حطي له بالرضعه وخليه يرضع