.
✿✿

✿✿
{✿.. أم حديجان في رحلة ...✿}

نوره: وناااسه سامي بنطلع اليوم مع خالتي أم علي وخالتي أم عثمان للمنتزه الجديد ..
أم علي تتكلم بالهاتف : لاتنسين القهوه يأم عثمان!
أم عثمان: ان شاءلله ياأم علي القهوه والشاي والنعناع والعلوم الزينه
أم علي :وأنا علي الحلا والفطاير وأم عبدالله عليها العصائر ووجبات الاطفال.
عثمان يكلم أمه بالسياره : على فكره يمه المنتزه اللي بنروح له توه جديد ماله إلا كم شهر والكل يمدح فيه وفي ترتيبه وتصاميم الشاليهات والعاب الاطفال والحدائق المزروعه المتعوب عليها

وصلو والحمدلله للمنتزه
أم عثمان : ماشاءالله على الزحمه والناس ..
أم حديجان : هالعوائل ..مالهم إلا هالمنتزهات يرفهون على أنفسهم وعلى صغارهم من البيوت وحكرتها
وبما انها العطله الصيفية أكيد زحمه واقبال على المنتزهات أكثر وحتى المجمعات كمان

اخذو الامهات مكانهم ورتبو قهوتهم على أحد الطاولات المختاره بوسط الحديقه جنب بركه السباحه الكبيره
أم حديجان : يوه يوه مو مصدقه شوفو مكان الحرمه الي مشت
أم علي : لا ياأم حديجان لاتكبرين الأمور أكيد انهم بينظفون المكان قبل لايمشون
أم حديجان : إن شاء الله مع إني أشوف عكس كلامك
أم عثمان: لاتنصدمين ياأم علي شوفيهم مشو ولا رجعو وتركو وساختهم وراهم والاكل المرمي تحت الكراسي
والله الود ودي امسك أمهم واعض علي يدها عشان ثاني مره تأمر بناتها يشيلون الأكل المرمي والوسخ والاكياس وينظفون مكانهم بعد مايمشون
أم علي: يا الله مو مصدقه فيه ناس كذا لحد الآن !!
أم حديجان : وليش ماتصدقين ياعيوني فيه واكبر دليل اللي قدام عيونك شوفيهم وان دل علي شي يدل على عدم نظافتها في
بيتها ولا نفسها ولا تربيتها لبناتها بالنظافه والحرص على المكان نظيف وين ماكانو .حتى بالبر!
سبحان الله ديننا دين نظافه ويحثنا على النظافه ونظافه الامكان العامه والطرق وازاله الأذى عن الطريق صدقه مو العكس
أم علي: كثر ماعلمنا أطفالنا وعلمنا بالمدارس الا ان البعض من الامهات الله يهديهم مايطبقونه على حياتهم واطفالهم الاكيد
انهم بيمشون على طريقة الام سوا بالنظافه او الاهمال وعدم المبالاه
أم عثمان : الله يصلحهم يارب ويهدي بعض الامهات..!! يلا حبيباتي خلونا نجلس ونأكل اطفالنا وبعدها نمشي نلعبهم .
عمر يشرب العصير وبعد ماانتهى وبكل أدب : ماما لو سمحتي وين كيس القمامه ؟؟
أم عثمان : تعال حبيبي حطه بالكيسه هنا ،، شاطر حبيبي ..
علي وسامي يلعبون بالكوره وعلي طريقهم حصلو كيسه مرميه كبيره فيها بعض النفايات من العلب وبقايا الاكل
سامي :تعال علي ساعدني اشيلها احطها بالقمامه الكبيره ..
علي: ايوه صح اليوم اخذنا درس اماطة الاذى عن الطريق في المطالعه.. والابو اعطا ولده هديه لانه اماط الاذى
سامي :ايوه علي تقول ماما اذا الاب او الام ماعطت الشاطر هديه الله يعطيه اجر كبير
تساعدو الاشبال الصغار علي ازاله القمامه
نوره : يمه الله لا يهينك وخري شوي ابي اخذ صوره للحلوين وهم ينظفون

أم علي : بنات ماتدرون وين دورات المياه هند تحتاج تغير بامبرز ياحبي لها تتضايق وجلدها يحسس .
ام عثمان : ههه الله يصلحها ويخليها لك شوفي المكان جنب مطعم الوجبات السريعه..
أم علي : نوره يابنيتي تعالي معي ما ادله
نوره : حاضر ياخاله
دخلت أم علي لدوره المياه واستقبلتها الروائح الكريهه والمناديل المرميه على الارض
أم علي بصوت مليء بالدهشه والتعجب والأستنكار:
بسم الله وهذا هو توه ماصار له كم شهر فاتح امداهم يوسخونه ؟!
ماقول الا الله يعين النوعيه هذي على بيوتهم اكيد انها تشتكي تبي الفرج تبي النظافه ؟؟
أم علي أنا بدخل امسكي الشنطه الله لا يهينك
نوره : اصبري ياخاله الله يخليك باخذ صوره تشك

أم علي : يابنيتي خل عنك بس من اليوم وأنت تشك تشك
نوره : ايه ياخاله ابيهن الصور احطهن بالمنتدى
أم علي طيب طيب خذي الشنطه الله يعافيك
دخلت أم علي أول باب مفتوح ....
ووووه وووه شنو هذا لاحول ولا قوة الا بالله
نوره : و هذا وهو موجود سلات خاصه للقمامه
وبعد شوفي شلون مسوين ههههه
خلني اخذلها صوره

دخلت أم علي الحمامات كلها حصلتها تبكي وتشتكي من المناديل والبامبرز المرميه والمويه المفتوحه ؟؟!!!!
أم علي تكلم نفسها :
لو عارفه ان المكان كذا جبت عدتي معي آخذ أجر الي بيدخل ودعا صادق ورضا من ربي .
أم حديجان وأم عثمان يتمشون على جسر النهر
أم حديجان : شوفي شوفي يا أم علي جنب النهر مرميه علب مشروبات وبطاطس وبعض من الوجبات؟!!
جو أم علي وبنتها ونوره
نوره : يمه يوووه يمه ويا خالتي أم عثمان تو شفنا شي مهول من الوساخه
أم حديجان : أبد يابنيتي حتى حنا شايفنها شوفي هناك بجنب البرك العلب وبقايا الأكل مرمي و جنب القمامه الأكياس مرميه ومبعثره والذباب حولها في كل مكان ذباب وناس مهمله وشيطان يحرص على الاهمال ..!
نوره : لاحول ولا قوة الا بالله
خليني اصورها علشان الناس تشوف وتحس قد ايش المنظر مقرف ومشوه

اجتمعو مع بعض والشكوى والتذمر كانت سالفتهم ؟!؟!؟
اتفقو الامهات على ان يكسبون الاجر والثواب بتوعية الناس
نوره : خلاص وأنا بكتب مواضيع بالمنتديات و أجهز نشرات وخلي اخواني يوزعونها بالاماكن العامه
وش رايكم وش اكتب فيها
أم حديجان : اكتبي يابنيتي تذكير بأن الأسلام يحث على النظافه ..
وتوعيه الامهات على تنشئة أطفالهم على الاهتمام في الأمكان العامه ورمي البقايا في امكانها المخصصه ..
أم علي : ايه يابنيتي واكتبي بعد نصيحتي ذي عسى الحريم تستفيد ان شاء الله
الأماكن العامه والحرص على نظافتها واجب عليك مثل بيتك بالحرص على نظافتها
دورات المياه العامه ..سواء مجمعات او منتزهات او بالطرق العامه:
_بعد الأستخدام نظفي بعدك المكان وأرمي المناديل في مكانها المخصص ..
_الماء سكريه كويس..بعد كل أستخدام ونبهي الي معاك سواء صديقات..اخوات ..أطفال بتسكير الماء.. حرام عليك ياختي ناس تتمنى المويه تشرب منها او
تتروش وانتي تفتحين وتتركينها ..
_الأحسن لنا والأنظف لو مسافرين عن طريق السياره والتوقيف بالمحطات تكونو ماخذين أحتياطكم بأدوات النظافه .
((من ديتول او كلوركس مخفف +مناديل+اكياس زائده +مكنسه +وبخاخ معطر للحمام بعد الأستخدام)
ولو ماتبين تأخذينها معاك بالسياره أشتريها من المحطه حبيبتي وأستخدميها وأتركيها بعدك ..
وكل من جى وراك راح يسوي نفس الحركه وتكوني انتي كسبتي اجر باذن الله ..وكسبتي رضى ربك عليك..
نوره : وأنت يا خاله أم عثمان وش تقولين
أم عثمان : أنا أقول يابنيتي هذا مكانا وهذا وطنا وهذي ديرتنا الحبيبه..
منو الي راح يستخدم دورات مياه الاماكن العامه..!!الا أحنا!!!
منو الي راح يتمشى بالمجمعات والمطاعم الا أحنا!!
منو الي راح يكشت بالبر والجو الزين الا أحنا ..!
منو الي راح يتمشى بالمنتزهات ويغير جو الا أحنا !!
طيب ليش مانغير أنفسنا ونبدأ نوقف وقفه صارمه مع انفسنا !!
وكل وحده تغير نفسها وتحث أطفالها على النظافه والأهتمام بالأمكان العامه ..
بالأسلوب الحلو ..والكلام الطيب ..نحثهم ..
تتوقعوووون !! ليش حاطين نفايات في كل مكان !! وموزعه في كل مكان !!
عشان نرمي على الطرق والشارع وجنب المحلات ومواقف السيارات..!!
حبيباتي ..الله يحث عباده على الطهاره ..والنظافه .
مو في أنفسهم وملابسهم وبيتوتهم بس..!! في كل مكان !!
حبيباتي ..الله يشوفنا ..شلون مانستحي منه وأحنا شغالين رمي واهمال في كل مكان !!
اذا هانت عليك نفسك بلحظه وتبين ترمين العلبه الي بيدك .!؟.
تذكري حبيبتي ربك الي فوقك وبهاللحظه هو يناظر فيك
والملائكه الي بتحسب عليك حسنه او أثم من الي راح تسوينه !!
ولدي عثمان يقول : بالدول الأوربيه دورات المياه في اغلب الطرق العامه نظيفه وريحتها فواحه عطور ..ومتوفر فيها وسائل راحه وكراسي وثلاجات وماء..
هذا وهم في أنفسهم غير نظيفين ..لكن عندهم أحترام للأخرين في نظافة الأمكان العامه ..واحترام للقوانين وأحترام للمكان الي فيه!!
أغلب:
مطاراتهم نظيفه!
منتزهاتهم نظيفه!
شوراعهم نظيفه!
مجمعاتهم نظيفه!
دورات المياه في كل مكان نظيفه !
الأمكان العامه عموما ..نظيفه !!
شنو الي يخلينا أحنا غير عنهم!!
نفرق عنهم بشنو!! بالأسلام ! الحمدلله أحنا مسلمين ..
لكن مانقتدي بقدوتنا برسولنا الكريم صلى الله عليه وسلم الي يحثنا على النظافه..
المشرفه الغاليه زهرة البيت
...عفوا !!! أقصد.. زهرة المنتدى
أشكرك حبيبتي على جهودك العظيمه في أنجاح الموضوع.. والمواضيع القادمه والمتميزه بوقفتكم الجباره
..أنتي وجميع من شارك من مشرفه او عضوه ..لأنجاح واخراج المفيد لــرقي مجتمعنا..
نحتاج أن نرتقى ..نرتقى بمجتمعاتنا ..
ماعندي لكم غير الدعاء على وقتكم..
وفقكم الله في الدنيا ورزقكم من نعيمها..وجعل الجنه داركم ومستقركم
وكل مسلم ..
لا اله الا الله ..
أستغفرك واتوب اليك..