" أم حديجان والبلاك بيري "
هنا اعتادت أم حديجان الجلوس كل عصريه تحتسي قهوتها وتطالع التلفاز فليس لديها أنيس غيره إلا إذا تكرم عليها أحد أبنائها أو بناتها بالجلوس معها
جرس الباب يرن يانوره افتحي الباب اكيد انه اخوك وليد
حاضر يمه
نوره : انا كم مره أقولك دق مره وحده بس لا تعلق الجرس ليه قالولك صاروخ مثلا
ام حديجان : هلا ياوليدي هلا تعال اجلس وياي واشربلك فنجان قهوه مزينته بدياتي
وليد بتململ حاضر يمه وهذي جلسه
ام حديجان : وهذاني طفيت التلفزيون لأجل اتونس مع وليدي
نوره وين رايحه لاحقه على غرفتك اجلسي معنا شوي
نوره : حاضر يمه .
ام حديجان تلتفت لوليد ... وليد مرخي راسه
ماشاء الله عليك ياوليدي تقرا قران
نوره : ههههههههه أجل قران ياوليد ههههههاي ....
يمه وليد حاط الببي بين يديه مو بقران
وليد : نوره لا يكثر بس ... ايه يمه حتى بالجوال فيه ذكر الله
خوياي دايم يرسلون لي اشياء فيها ذكر الله
نوره : هه هه هه علينا وليدوه
اسمعي يمه هذي وحده من الرسايل اللي مرسلينها لي
يقولك : قرأتها فأدمعت عيني واستحييت من ربي حديث قدسي
( يا بن آدم جعلتك في بطن أمك وغششت وجهك بغشاء لئلا
تنفر من الرحم
نوره : بس بس لا تكمل هذا يا عزيزي ماهو بحديث كلام
مكذوب على الرسول
صلى الله عليه وسلم واكيد حاطلك بنهاية الرساله كالعاده أرسلها لو مرة واحده
قال عليه الصلاة والسلام بلغوا عني ولو آية
وليد : أي صحيح مكتوب كذا ... بس انت وش دراك انه مكذوب
؟ يمكنه صحيح
نوره : لا يا أخوي ماهو بصحيح انا سبق وجاني وبحثت عنه
ولما لقيت انه مو بصحيح
نشرت ان الحديث مكذوب وبكذا أكون نورت عقلي ونورت غيري
وعلشان ما أكتم العلم
لأن الرسول صلى الله عليه وسلم يقول
( من كتم علما يَعلَمه جاء يوم القيامة ملجماً بلجام من نار )
ليه ما تكلف على نفسك شوي وتبحث عن صحة الحديث
اذا كنت صدق تبي الاجر
و علشان لا تأثم بنشر الأحاديث المكذوبه بعد
وليد : طيب أنا وش دراني يا أختي ماني شيخ حتى أقول هذا
صحيح ولا مكذوب
نوره : أدري يا أخوي أنا قلتلك أبحث مو تفتي من راسك والحمدلله
صار الأمر سهل الحين
برسلك برودكاست فيه المواقع اللي ابحث فيها
http://www.dorar.net/
http://www.khayma.com/da3wah/latanshr.htm
الموقع الأول تقدر تحط فيه جزء من الحديث وهو يعطيك درجه الحديث
يعني صحيح ولا ضعيف ولا موضوع
والموقع الثاني فيه قائمه بالأحاديث الموضوعه اللي انتشرت بين الناس
فيه أسهل من كذا ؟
وليد : الله يجزاك خير يا أختي والله شي طيب خلاص على كذا
مافي حديث يجيني الا بحثت عنه ولك الأجر بإذن الله وراح انشر
هالمواقع اللي ارسلتيها لي ان شاء الله
وليد : على فكره نوره ماعندك موقع بعد للفتاوى
لانه كثير تجيني رسايل واخرها انشر تؤجر
نوره : لو جاتك رساله بدون مصدر ثقه لا تنشرها واذا تبي الأجر
أسأل عنها أول عالم ثقه علشان لا يصير الأجر وزر وأنت ماتدري
أم حديجان : ايه يابنيتي حتى الحريم بالمجالس صارن عالمات ماشاء الله
البارحه وحده لابسه جلالها تبي تصلي قامت تقول :
( جلالي كأنه قصير عادي تطلع رجولي ؟ )
والا وحده من الحضور تقول
ايه احس عادي أنا دايم كذا
أو وحده مسويه منكر ونقول لها ليش تسوين كذا ماتعرفين انه مايجوز ؟ ..
تقول : مدري قالوا لي عادي ويجوز
أو وحده تأخر صلاة المغرب وتجمعها مع العشاء وتصليهن بنص الليل ...
وفوق هذا لم تنصحينها تقولك :
عادي انتم متشددين والدين يسر
نوره : أعوذ بالله كيف استطاع من يطرح الفتوى بصوره سريعة
أن يعطي ظهره للآية الكريمة
( ولا تقولوا لما تصف ألسنتكم الكذب هذا حلال وهذا حرام
لتفتروا على الله الكذب إن الذين يفترون على الله الكذب لا يفلحون)
أين هم عن الشعبي : حينما سئل مسألة فقال لا احسنها فقال أصحابه :
قد استحيينا لك
فقال : لكن لم تستح الملائكة حين قالت : ( لا علم لنا الا ماعلمتنا )
ام حديجان بعد ماشربت فنجان القهوه برواق :
ياحبيلكم ياعيالي والله اني مبسوطه منكم وفخوره فيكم
وماخاف عليكم من جوالات هالوقت
وياعلكم ذخر دووم لهاالأمه الاسلاميه
وليد : على طاري جوالات هالوقت يمه بوريك شي يضحك أرسله صديقي لي
نوره تعالي انت بعد شوفي هالمقطع فيه شي عنكم يالبنات ككككك
WIDTH=400 HEIGHT=350
نوره : هههههههاي حتى البلاك بيري لاعت كبده منكم ياالمراهقين < نوره تأشر على وليد تستفزه >
أم حديجان بحزن : لاحول ولا قوة إلا بالله راح الحياء والا فيه بنات يصورون يدينهن ورجلينهن ويشوفونها الرجال الله المستعان الله يهديهن ويصلحهن
ويبعدكم يا عيالي عن هالأفعال اللي ماهي بزينه ويحفظ عيال المسلمين يارب
فعلا التهاون في النشر بدون تثبت امر خطييييييير جدا
انقل لكم جزء من كلام الشيخ المنجد في موقعه الاسلام سؤال وجواب
ليعلمْ كل من نشر حديثا من غير تثبت من صحته – سواء برسالة في الجوالات ، أو في منتديات ( الإنترنت ) ، أو نقله من موقع إلى آخر ، أو أرفقه في رسالة – أنه يستحق بذلك العذاب والنكال في الآخرة ، هو والذي كذب الحديث وصنعه أول مرة ، فإن جرم الناقل للكذب من غير تثبت كجرم الكاذب الذي تجرأ على مقام الرسول الكريم صلى الله عليه وسلم.
يقول النبي صلى الله عليه وسلم :
( مَنْ حَدَّثَ عَنِّي بِحَدِيثٍ يُرَى – أي : يظن - أَنَّهُ كَذِبٌ فَهُوَ أَحَدُ الْكَاذِبَِيْنَ )
رواه مسلم في مقدمة صحيحه (ص/7) .
وقال النووي في شرح هذا الحديث "شرح%2