أم زوجها ...

السلام عليكم .. أختي عندها ام زوج نشبه بمعنى الكلمه ... تكون جالسه نتقهوى تامر اختي تتقهوى اكثر حتى لو قالت بس مابي وكررت عليها تقوم تأفف وتقول انتي ماتاكلين وعيالك بكرا مايطلعون جيدين .. قالت ان شاءالله يطلعون ليه وش ناقصهم قالت يطلعون ع امهم العيال لامهم .. قالت وابوهم وش وضعه بالحياه ..


اذا جلسة ع عشاء تحرجها قدام الكل وتقولها انتي ماتاكلين زين شوفي جسمك .. اختي وزنها ٥٦ وطولها ١٥٤ .. وهي مرتاحه بجسمها وعجزت وهي تقول مابي اسمن جسمي وانا الي ارتاح فيه الي يبي السمنه يدورها ...


ملابس عيالها .. تقول مره قامت تافف من لبس ولدها رضيع عمره شهرين .. وتقول ماهو زين .. قالت طفل رضيع بمكانه ماحد منتبه اذا كاشخ ولا لبسه عادي رغم لبسه جدآ عادي وحق رضع بشهر وشهرين .. وتقولها انا ماقدرت اجيك وانتي نفاس عشان اعلمك الزين من الشين قالت اختي مايحتاج انا اعرف الزين والي احبه علي وعلى عيالي ماني مشاوره فيه احد ..
ملابسها هي تقول البسي مثل فلانه زوجة ولدها الكبير .. لبسها كله قمصان روز وجلال .. وهي حره بلبسها بس العجوز تقولها قلديها باللبس اساليها من وين تاخذ قمصانها واشري نفسهن .. قالت الحمدلله لبسي عاجبني وهو ساتر .. قالت لا بالله ماهو زين وولدي مايحب ذَا اللبس .. يحب القمصان الوسيعه ع كيفها .. قالت اختي انا عاجبني واعرف الزين وجيت من عند اهلي مستوره وفيني الزين ..
وتروح لزوجها وتساله عن اللبس قال والله عادي اهم شي عند اهلي لبس ساتر ولبسك زين ..
اما اخر نقطه بأجازة الحج .. امسكت اختي ع كتفها وتقولها شوفي فلانه وعلانه كيف يربون عيالهم وربي عيالك مثلهن عن صغار واحسن منك بالتربيه .. عيال اختي تحت بعض واحد سنتين ونص والثاني ٦ شهور .. وكلهم مايتحركون من عند امهم الا مع ابوهم فقط .. وهادييين جدآ ولعبهم خفيف ..
هنا قالت لها ستوب انا ادرى بأطفالي وتوهم صغار الحمدلله ..
بدت تطنشها العجوز تناديها كنها ماتسمع وتسولف عليها ولا ترد .. وثاني يوم من سالفة عيالها تمشي بيتها ..
والعجوز بس تتصل عليها تقول انا بعلمك الزين .. هههههه ياربي طنشتها بالواقع ولحقتها بالجوال وقررت ماترد عليها واذا سالها زوجها تقول ماسمعت جوالي ..
بالله وش التعامل معها .. عمرها بالستين ..