أم زوجي

السلام عليكم حوائيات من العنوان يُبان المكتوب ام زوجي كلامها دايم عن الفلوس والمشاريع ولما تزوجت زوجي كانت دايم تطلب ان يرسل لها مبلغ وفعلا هذا الشي يصير لانها امه من حقها وبعد ماعرفت ان زوجي ترقى وزاد دخله طلبت انه يرفع لها المبلغ وفعلا وكانت الزياده حق الترفيه لها
طبعا انا ماااقدر اتكلم لأني أقـِْ♡̷̴̬̩̃̊ـِْۈۋۈل انو مو منقص علي شي والي اطلبه يجي بس الى متى لازم نجمع ونشتري ارض او بيت المهم الحمدلله الله أكرمني بوظيفة وصرت اساعد زوجي ومااطلب اي شي على أساس انه يجمع مبلغ
لكن امه بناتها صلحوا تضامن وأخذوا عماره على البنك وجابوا سواق يوصل مشاوير عشان يعوضون حق البنك -الله يرزقهم-
ام زوجي قابلتنا وكل شهر تتصل ارسل المبلغ الفلاني وحتى اذا خربت سيارة ولدها العاطل يحول مبلغ للتصليح
وشوي زوجي صار يعطيني مبلغ بسيط للبيت وطبعا مايكفي أزيد انا عشان يمشينا
لآخر الشهر كنت أظن انو يجمع وبطريقة ما عرفت ان امه تطلب فلوس لبنتها فماصار يحول لها بس صار يحول لأخته المتزوجة لان زوجها سحب عليها وتزوج وما يعطيها
مصرف يعني مو بس يصرف على امه على و اخوه العاطل وأخته والله حتى لدرجة ان اذا يبغوا خضار او بطاقة شحن يرسلون ويطلبون يمكن لأنهم يعرفون انه ما يقول لا وان التحويل صار أسرع شي من النت يعني وهو جالس يحول ماادري احس انهم يقولون خلاص زوجتك توظفت انت مسؤول عنن
يوم ناقشته سكت وقال محد طلب مني انا الي احول مع اني عارفه ان امه هي الي قالت قبل الراتب تكثف اتصالاتها مَرّه
المهم انا قررت الشهر الجاي اخذ الصرافه عندي ولو مهما بصير مااعطيه عشان ابغا المشكله تكبر وأمه تدري ان حتى لو موظفه هو ملزوم يصرف عليه
هل تصرفي كذا بيكون صح شوروا علي ربي يسعدكم.