أم زوجي

السلام عليكم
شخباركم خواتي
بدخل في الموضوع على طوول
انا ساكنه مع اهل زوجي في جناح خاص فيني لكن مثل ماتعرفون اذا جاو ضيوف سواء لي او لاهل زوجي نجتمع كلنا عند ام زوجي لان المجالس الكبيره في بيتهم وكل جلساتي مع المسايير تكون في حضور عمتي ام زوجي
المشكله اللي مضايقتني هي اني ما اقدر اسولف مع خواتي او جاراتي وجداتي وسلفاتي يعني الكل في وجود ام زوجي
عينها علي وكل سالفه افتحها تقاطعني وتكذب كلامي او تعارضني ماتحب تشوفني اسولف سالفه جانبيه مع احد تموووووت من الغبنه وودها لو تدفع فلوس وتعرف وش اقووول وانا اساسا ما كلمتها تحب تبين قدام الحريم انها قويه وشديده ومتسلطه واذا راحوا رجعت انسانه طبيعيه
يعني مثلا امس اسولف مع جدتي بصوت واطي عن موضوع يخص امي وعينها علينا وتقول وش تقولون وبغت تنجلط عشاننا ماعلمناها
مع العلم ان عندها زوجات عيال غيري ما تسوي معهم كذا ابدا
شخصيتي قويه وتعاملي كويس وماني ضعيفه بس احيان اذا سوت كذا ما اعرف كيف اتعامل معاها في وجود حريم كبار في العمر بيقولون اني ما استحي او ما اقدرها
وانتم عاد تعرفون الحريم ونقل الكلام والشماته حاولت اكبر عقلي واتجاهل واتغاضى بس مو معقوله ما اتهنى بالقعده مع سلفاتي ولا جاراتي
خواتي ما اسولف معهم اذا جو لانها تجلس قريب مني وتركز علي تبي تشوف وش بقوول وتنسى من باقي الضيوف ماتسولف معهم من قوه تركيزها علي
الكل لاحظ وصاروا يسألوني وش فيه وانا اغير الموضوع وما اجاوب
برأيكم وش الحل