أم زوجي بكره بتجي تقعد عندي و زوجي طلعني من غرفتي عشانها>>استوفي الردود

يا بنات انا بهم ما يعلم فيه الا الله سبحانه
انا ام زوجي كبيره بسنها و لا تقدر تمشي
و كان عندها شغاله و قاعده ببيتها
الين ما سافرت شغالتها
وبعد ما سافرت صارو بناتها يجونها
كل يوم
بس محد ينام عندها و تبقى هي لوحدها
و انا فكرت فيها لو هي امي بارضى عليها
تقعد كذا و لوحدها لو تموت تطيح تدوخ
محد درى
عاد انا كلمت زوجي وقلت له يجيبها عندنا
لين تجيها شغاله
وهو راح قالها ما رضيت عشان مافي حمام خاص فيها
وبعدها قال بننزل حنا لها
انا ما رضيت اني اخرج من بيتي
المهم هي بعد ما حبت اننا نروح لها
قعدنا فترة اسبوع انها مره ماهي راضيه تخرج من بيتها
وانا بصراحه حسيت بالندم اني فتحت فمي وقلت لزوجي يجيبها عندي
هي من النوع اللي ما يعجبه شي
و نقاده و تحب كل شي في مكانه و دايما نظيف
وانا عندي بنتين صغار
وعارفين الحوسه
وهي يبغالها غسيل وطبخ خاص و تنظيف
لغرفتي اللي هي بتجلس فيها
لان ولدها قالها تجي في حمامي و غرفتي
و طلعت كل اغراضي و نظفت غرفتي لها
و نظفت الحمام و الجاي اعظم والله يستر
و يقولي زوجي من الصبح تفتحين الباب حق المجلس لاخواني وتحطين الشاهي والقهوه
و تروحيين ...
و من غير اخواته يقول بيجون كل يوم يشوفون امي
طيب واهلي مقدر اروح ولي عنهم الحيين اسبوع
وبكره جايه
ولا ادري قد ايش بتقعد
اقسم بالله اني مهمومه
وشايله هم مره كبير
واخاف يصير بيني وبين زوجي مشاكل بسببها او بسبب اي شي قصرت فيه او ما عجبها او عجبه
تكفوون قولولي وش اسوي
بغا يجيني انهيار لما قالي اطلعي من غرفتك
اتنثرت اغراضي في كل مكان ما غير باكياس
قولولي انا صح غلط و وش اتصرف اللي لهم خبره





لكل اللي يقولون جيبي شغاله ... ما نقدر ضروفنا ما تسمح نجيب شغاله
وزوجي ماكانت هامته امه ولما قلت له يجيبها عندنا حرام تقعد لوحدها ما قدر ينام يقوول عرفت اني كنت عاق فيها
وطول الليل يفكر
و اللي تقوول عادي قوولي له بروح مره في الاسبووع بعد ما اقدر اروح وهي في البيت هي لوحدها او عندها احد من بناتها صعبه اروح و اتركهم عييب
واللي تقوول لا تستعجلين يمكن ما تقعد يختي غصبن عني احس اني جبت لنفسي شي ماني قده بالمره واخاف من لسانها
واهلي هم اللي ذابحيني انا صار لي عنهم الحيين اسبوع وبتقعد عندي اقل شي عشره ايام اذا مو اكثر
والله العالم متى بتجي شغالتها
و المشاكل راح احاول قد مقدر اني اتفادها مع زوجي
لاني معاها ابد ما راح ارد عليها وبتحملها
والله لا يضيع لي اجر بسبب خوفي منها ومن جيتها

بالنسبه لشغالتها راحت خلص عقدها واللي كان يدفع راتبها ولدها الكبير راتبه ما شاء الله زين
وهي مداها جايها شغاله لكن ما تبغا حبشيه
ما تبغا الا اندونيسيه تتقرف من الحبشيات و غيرهم من الافريقيات تقووول
و عشان كذا ولدها قاعد يدور لها شغاله لو نقل كفاله
واللي تقول سوت مثلي وندمت
ياربيييه قسم بالله بس ابكي
و زوجي قاعد بصاله ع باله اني انظف الغرفه و اشيل كل شي وبس مو داري اني قاعده اعض اصابيعي ندم
حسبي الله ونعم الوكييل
للعلم عنده اربعه اخوان وانا ساكنه بالدور الثأني
وفيه من حريم اخوانه ساكنين بالدور الاول يعني اسهل واهون عليها
لكن ولا احد فتح فمه وقالها تعالي