أم زوجي تبيني اسحر لها زوجي حسبي الله ع الظالم

السلام عليكم ورحمه الله وبركااته


كيف حاالكم جميعااا

هذاا اول موضوع لي هنا واعجبتني ارائكم وردودكم في عدة موااضيع عشان كذا ودي استشيركم

انا بنت عمري 23 سنه متزوجه صاار لي 10 شهوور تقريباا وحاالياا حاامل بالشهر الخاامس

المهم زوجي متزوج وعنده بنتين و4 اولاد طبعاا كبير في السن يمكن 55 سنه الى الحين مااعرف عمره بالظبط

انا ادرس بالجامعه باقي ترم واخلص والحمدلله من عائله معروفه ومحترمه وجميله ومؤدبه

اللي حدني ع الزواج ظرووف ولا من اتعس اياام حيااتي وانكدها اياام ملكتي وعاائلتي لايمكن يتزوج فيها

الرجال على زوجته وعندنا عيب البنت تااخذ كبير بس نصيبي وجااني غصب عني

قبل الزواج كنت بين الحياه والموت وكنت بس لاجئه لرب العبااد وادعيه

والله كنت اتمنى امووت او اتطلق او يموت زوجي قبل لايلمسني

تزوجت وصاار اللي صاار طبعا لما دخلت عليه جتني رااحه نفسيه وهدووء وسكينه وحسيت انه طيب ومحترم

طبعا طلع حنوووون جداا وذكي ومثقف والحمدلله مو نااقصه شي بس ماافيه ذرة جمال او ملح بس ماكان هاامني الموضوع

كاان اهم شي عندي رجوولته قبل لا اتزوج كاانت امي تقول بشرط عليه ماتشوفين حرمته ومن هالكلام

انا رفضت قلت انا داخله ابي اكسبهم مو اعااديهم الله يقلع الطيبه

بعد زوااجي بااسبوع عزمني ولده الكبير اللي متزوج في بيت امه كنت خاايفه اروح بس طلبني ووافقت

رحت وحضرت عندهم طبعا زوجته مااعطتني وجه انا قلت عاادي اكيد غيره وبكره تهدأ

مع انها مو مظطره تجاملني وتعزمني كان من باب اولى انها اذا ماهي قادره تتحملني لا تقاابلني

زوجي يقول انها تحبني وتموت فيني وهو عارف انها العكس

انا ماعمري تكلمت فيها ولا اتضاايق اذا مدحها ولا ازعل اذا راح عندهم حتى لو في يومي

مع العلم انه اذا صار عندهم لايمكن يطل علي وانا ساكنه بشقه لحالي واخاف من ظلي بس ماارحمني

تحملت اللي ماتتحمله بنت في عمري

بعد 3 اسابيع من زواجنا صارحتني اخته قاالت ترى اخوي مسحوور وتراه يدربي راسه وحنا مانحب زوجته
وقاامو ينصحوني اني مااجيها ولا ماعاد بيكلموني

طبعا مااعطيتهم وجه لان الزم ماعلي زوجي وادور رضااه والحرمه لو صدق سااحرته مااتزوج عليها

انا كنت محترمه فوق اللزوم

طبعا فيه شي كنت الاحظه فيه داايم يسب خواته ويقول لاتروحين لهم ولاتسمعين كلام امي

خليك بس مع زوجتي ترااها طيبه وتحبك مع العلم اني في كل مره اقاابلها تذلني وغلط علي

بس مااتغلط علي قداامه اغلب شي من وراه وهو ماايصدق اذا علمته ويزعل اذا رفضت اروح لها

وهي مااتدخل بيتي تقول علي حلف اني مااجيك ومع ذالك صبرت

وتعااملني زي بنااتها وتناافخ علي وعيالها مايسلمون الا اذا شافو ابوهم غير كذا ماايناظرون لي

انا مشكلتي طيبه وعلى نيااتي

طبعا كلمتني اخته مره وقالت على بلاطه انتي بنت وجميله واخوي مو عااارف قدرك ومنزل راسك لحرمته

انا وامي رحنا لحرمه ونبي نحط سحر له ولحرمته وانتي نحط لك شي يحميك

نبيك تجيبين شي من ملابسه واي شي لحرمته وقميص لك ونبي نسااعدك وراح يدلعك دلع مااصار

طبعا انا انهبلت كيف اسحر ؟؟ وين اروح من رب العالمين ويبوني اشربه شي واحط حجاب تحت مخدتي

قلت لو تمووتين مااسمعت كلامك وجلست انصحها قاامت تهدد فيني وانتي اصلا متزوجك متعه

وانتي بنت شووارع جرحت فيني واهاانتني انا تحملت وجلست اسبووع ماجيتهم

بعدين خفت يشك فيني قلت خلاص بزورهم وبحاول انصحهم

لما جيت لقيتهم خلاص ناوين عليه وراح يسحرونه لا محااله انا خفت انهم يحطون له شي

ويتغير على زوجته وعياله وبعدين يتهموني وخفت انهم يدبرون لي مكيده ويحطون شي في بيتي اذا طلعت

قلت خلاص بعلمه

لما علمته انصدمت من ردة فعله قاال اهلي يكرهون زوجتي كره العمى ويغاارون منها وطمعاانين بفلوسي

ومن زمان انا حاس انهم يبون يسوون كذا وانتي ماعليك منهم زوريهم عشاان امي بس لاتشربين شي بلحاالك

انا قلت له اني خاايفه منهم طبعا هااوشني وقال ياويلك لو احد يدري من اهلك تروحين لهم وتستقبيلنهم ومابي زيادة كلام

اقري معوذاتك وماجاايك شي

قلت خلاص بتوكل على الله صرت ازورهم بس ماايعطوني وجه واذا رحت لزوجته نفس الشي

احاول اقنعه انه يتركني براحتي مااعبرني

بعد فتره جيت عند اهله وطردتني اخته وطلعت ابكي ودقيت عليه

قلت اختك طردتني قال الشكوى لله وجلس يسبها قال بروح اهاوشها واثااريه كذااب ماقالها ولا كلمه

بعد اسبوعين نادوه خواته قالو ماعلمتك هالبزر ليش طردناها؟
قال لا

قالو تراه تدخل غرفنا وقليله ادب والبنت طمعاانه فيك وداايم تعاايرك تقول شاايب يحمد ربه اني قبلت فيه

وترى يدها خفيفه وتسرق (حسبي الله عليهم)

المهم هو يقولي ماصدقتهم بس انا احس في عيونه شك

انا من تزوجته وانا مااطلبه فلوس الا اذا فيه مناسبه ولا اطلبه مبلغ كبير اذا نقص شي علي اخذت من امي

كل هذا عشان اثبت له اني مو طمعاانه فيه واني احبه وانا صاادقه تحملت كل شي لاني فعلا تعلقت فيه حد الجنون

اعاامله كاانه عشيقي مو زوجي وادلعه ولا اساله لا عن زجته ولا عن اهله واتحمل كل شي معاه

والاحظ عليه اذا خرب شي في بيتي مايهتم فيه واثااثي يفشل طبعا كله ذوق حرمته ويقول لو تموتين ماغيرته

عشاان ماتزعل وتقول ماعجبنا ذووقه طبعا يسمع كلامها حتى انها تدعي على امه قدامه ويقوول معليش

امي كانت منكده فيها وهي حاقده عليها لان امي هي اللي طالبتني اتزوج

هو معااي طيب وعسل بس اذا قالت له حرمته شي لايمكن ماينفذه او اذا طلبت منه اخته شي ينط ويجيبه

انا يعااملني بدلع وطيبه بس كااني بزر اذا طلبت حااجه يناافخ ويطلع ولارجع قاام يدلعني

احسه يمووت فيني بس احس غصب عنه يغلط علي او يمكن لاني احبه مااشوف عيوبه

المشكله كل مره احلف اني اتغير واصير قااسيه القى نفسي غصب عني ارجع له

واذا زعلني اجلس ابكي داايم ضعيفه ومهزوزه والله تدمرت نفسيتي

كل صديقاتي تركتهم وبنات خالاتي وتركت العزايم كل الناس تعاايرني انه مااساافر فيني عشان خاطر زوجته

وانه يقعد عندها اكثر مني وانه مايشتري لي ولا يدلعني ابدااا

يعني كل مشاويري مع السواق ودايم اتعرض للمغازل لاني اطلع وارجع بلحاالي

انا يوم حملت جاني نزيف وتعبت طلبته يجيب لي خداامه قال ابشري بس اجلسي عند اهلك لحد مااجيبها

وصار كل يومين يجي ياخذني ونتعشى برى ويسال علي بس لاجاء طاري الخدامه صرفني

انا حسيته كذااب بس تحملت وصبرت وجلست عند اهلي شهر ونص وكل الناس تكلمت علي

حتى اهلي حسيتهم حاقدين عليه بس جلست اهديهم

بالاخير جااء وقال ابي اتعشى معااك برى اثااريه يلعب علي

قال ودي نتعشى بالبيت اريح لنا اخذنا عشى وتعشينا في بيتنا بعدين قلت رجعني لاهلي

قال لا بكره ترجعين اثااريه بس مرجعني عشان ينام معي

جلست اسبوع في بيتي كل يوم يقول الشغاله بكره بتجي وانا تعباانه ومتحمله اخر شي كلمت امي قالت

لاتطلعين من بيتك تحملي التعب احسن من كلام الناس

جلست وتحملت جااء قال اسمعي وش رايك تروحين لاهلك عشان ترتاحين واول ماتجي الشغاله ارجعي

قلت لا انا مشتاقه لك وبتحمل زعل علي قال انتي تحسبيني اطردك وانا من خوفي عليك ابيك تروحين

وقال وعد بس اسبوع وبتجي الخدامه كملت اسبوعين وكل يوم يكلمني ويسولف ويضحك واذا سالته

صرفني وقفل انا تعبت من اسلووبه وتعبت من كلام الناس

وحرمته تدق علي تتريق واعلمه ويقول طنشيها انتي العاقله وانا مازلت مؤدبه معاه ومع اهله

اخر شي قبل يومين اخذني للمطعم تعشينا وانبسطنا قال اسمعي اذا جت الشغاله تراها مو لك

بوديها لحرمتي واذا اعجبتها تاخذها وتعطيك شغالتها القديمه طبعا شغالتها باارده ونفسها شينه

قلت ليش وزعلت قال انا الشغالات بااسمي وكلامي انا هو اللي يمشي عليك وعليها

وقال اصلا هي ماتفهم والخدامه زينه بس هي تتدلع وخلينا نرتاح من مشاكلها انتي اهم ش عندك راحتك

واساسا ماعندك شغل وانا جايبها لك عشان ترتااحين انا تناازلت عن حقي قلت خلاص جيبها لي مو مشكله

بعدها بيوم دقيت وطلبت منه ثلاث الاف ريال قال ابشري بكره اجيبها لك

انا علمته عن كل ريال وين بصرفه واقتنع وقال ولايهمك طنشني يومين

بعدها ارسل لي الف وخمس ميه انا هنا طقت جنوني لاني فعلا محتااجه ومرميه عند اهلي

قمت رجعت الفلوس له مع السواق وارسلت له

انا مو حاجة فلوسك انا في حاجة رجال يحس ويهتم عموما اهلي مو معجزتهم مصااريفي

طبعا لا دق ولاسال وصار له يومين سااحب علي وانا حالفه ماادق عليه

ابي اعرف من اللي غلطاان وهل انا قليلة ادب بحركتي هذي ؟؟

تكفوون مابي اتطلق ولا ابيه يزعل بس داايم يغلط واتحمله وتحملت ظرووف اكبر مني بس هو الله يساامحه

انا الحين احترقت الناس تسالني متى ترجعين والكل جالس يستفزني

انا مااهمني شي غير اني احبه صدق وحاامل منه بس ابي اغير اسلوبي معاه طيبتي معاه خربته

وابيه يتغير ويعااملني زوجه لها حقووقهاا

يشهد الله علي مادخلت بيته ابي اهدم حيااته ولا عمري تمنيت الشر له او لحرمته وعياله

مع العلم انهم يتمنون لي الشر ويبوني اتطلق

تكفووون وش الحل؟

انا لايمكن ادق عليه واخااف يسفهني ويسووي نفسه هو الزعلان وانا منحرجه من اهلي

والله ماعاد اطلع ماعندي لبس للحمل ولامعاي فلووس

بالله عليكم افهموني وابي راايكم لو كنتم في مكااني ؟

انا تناازلت كثير بس هو مااقدر ولا حسسني اني غير عنهم بالعكس يعاملني اقل منهم

مع العلم ان كلامه معااي يجنن بس افعااااال مااشوف شي منه؟

انتظركم الله يحرم وجهكم عن الناار