صبغ وردي :

يمكن ردي بيكون مختلف تماما عن رد معظم البنات و اتوقع الكل راح يقوم علي.. بس للامانة انا اتكلم من واقع تجارب حية عايشتها انا شخصيا... و ياريت اكل يقرا ردي للاخر عشان تفهمون وجهة نظري... التجربة الاولى من واقع اني اخت زوج من لما كنت طفلة بعمر ست سنوات و الى الان و عمري تجاوز الثلاثين.. بس بصراحة عمري ما شفت امي او اي وحدة من خواتي الكبار او حتى انا لما كبرت نطلب من اخواتي المتزوجين فلوس لاي شيء.. الا اذا هما صار عندهم فائض و حبوا يعطونا او يهدونا من خاطرهم او في حال السلف قصير المدى و بس... و عمري في حياتي ما شفت امي الله يرحمها تزعل او تتضايق او حتى تسأل اي وحدة من زوجات اخواني "من اين لك هذا؟؟" بل بالعكس لما كنا نعرف انه اي حد من اخواني اهدى زوجته هدية معتبرة مثل طقم الماس او سيارة او اي شيء من هالقبيل نجن من الفرح و نستانس لها من كل قلوبنا... و تعرفون شلون كنا ندري؟؟؟ لان اخواني تعودوا انهم اول ما يهدون زوجاتهم يجون عندنا و يجيبون زوجاتهم و هما كاشخات بالهدية الجديدة... و بصراحة نفرح نفرح من كل قلوبنا و نقعد نحضنهم و نبوسهم و في احيان كبيرة نحتقل معاهم بعشا او غدا... و ما انسى امي الله يرحمها و هي تقول لاخواني لما تشوفهم مونسين زوجاتهم .. ايه ونسووهم و عطوهم و اكرموهم هذيل امهات عيالكم... و بالعكس امي هي اللي كانت تجيب الهدايا حق اخواني و زوجاتهم... اسلوب امي الله يرحمها... قرب بينا و بين زوجات اخواني ووااايد... و حتى بينها و بينهم لدرجة انهم يموتون علينا موووت... وثنتين منهم مسمين بناتهم على اسم امي الله يرحمها.. و هالكلام من قبل لا تتوفى امي... و و الله لما امي توفت... زوجات اخواني جنوا و تعبت نفسياتهم اكثر مننا احنا بناتها... و الله تعلمنا هالطبع من امي... كلنا بناتها و زوجات اخواني... و اخواتي الكبار الحين صاروا امهات ازواج... تعالوا شوفوا كيف علاقاتهم مع زوجات عيالهم... و الله وحدة من زوجات عيال خواتي من كثر ما تموت على اختي... سمت بنتها على اسم اختي.. رغم انه ولد اختي كان معارض لانه اسم اختي قديم...!!!!! بس ما شاء الله اختي حاطة زوجة ولدها في عيونها خاصة انه ولدها صار عاطل عن العمل فترة.. فتحت بيتها لها و صارت اختي تصرف عليها و على زوجها رغم انه زوجة ولد اختي كانت تشتغل بس اختي رفضت تاخذ منها اي شيء... و علاقة زوجة ولدها مو بس معاها و مع بناتها حلوة ... الا حتى معانا احنا خالات زوجها.. ما شاء الله لاقوة الا بالله... و احنا نحبها كثيرررر... و حتى زوجات اخواني الحين صاروا امهات ازواج.. و دايما يقولون مثل ما الله رزقنا بام زوج روعة و نموت عليها... احنا نقدر نصير مثلها ...و و الله حاطين زوجات عيالهم في عيونهم... و بالنسبة للي تقول انا اربي و اتعب و اسهر عشان تجي بنت الناس و تاخذه... بصراحة استغرب من هالتفكير... انا في عمري و حياتي ما افكر اني قاعدة اربي ولدي عشان باجر يقصر على زوجته و عياله عشان يصرف علي!!! صح الله امر ولدي ببري بس في حدود قدرته و سعته و هم الله امرني اني اعطف على خلقه و ارحمهم و اولهم ولدي و زوجته... و الله لو تزوج ولدي لاحط زوجته في عيوني من داااخل.. و اداريها و ما ارضى عليها حتى من ولدي.. لان اللي ما ارضاه لنفسي و بناتي ما ارضاه لبنات الناس.. و الله حلوة هذي اربي و اتعب عشان يكبر ولدي و يصرف على غيري... يعني انا يا الام عشت عمري و حياتي بطولهم و عرضهم... و لما يجي دور ولدي يعيش حياته.. اروح احاسبه على الوحدة و اضيق عليه و على زوجته؟؟!!!!! انا لما تزوجت لاحظت انه تفكير اهل زوجي و خاصة امه و خواته ... نفس تفكير الاغلبية هنيه... و الحمدلله عمري ما دخلت بيني و بين اهله... بس ما انكر انه هالنظام جدا غريب بالنسبة لي لاني من و انا طفلة اشوف امي تداري زوجات عيالها و تتحرى سعادتهم في كل شيء... بس اغلبية امهات الازواج لا (منهم ام زوجي)... لا و اللي يقهر انه ام الزوج ما تأذي الا الولد اللي تموت عليه اكثر شيء و اللي هو يحبها اكثر من كل اخوانه و خواته..و يخدمها بعيونه!!!!! ... و الله اشوف زوجي شايل امه شيل من على الارض بس كله تشتكي من تقصيره... لدرجة صار عنده احساس عميق بالذنب والتقصير و احسه في حزن شديد لهالسبب... والله لما اشوف حاله... ادعي ربي لو في يوم صار تفكيري مثل تفكير ام زوجي (و اللي هو تفكير اغلب امهات الازواج) ... انه الله ياخذ امانته قبل لا اشوف ولدي معرس... لاني ما اتخيل اني اكون سبب في تعاسة ولدي حبيبي.. ضناي و فرحة عمري او تعاسة زوجته اللي حبها و اختارها ... و حتى لو كنت ام... فهالشيء ما يعطيني الحق اني استعبد ولدي و لا اذل زوجته ... يا ربي متى بس تتغير و تكبر عقولنا .. متى بس؟!!!! بالنسبة للاخت صاحبة الموضوع... و مشكلتها... انا متأكدة انج لما تكلمتي مع ريلج.. كان من باب القلق على وضعكم المادي اكثر من باب التحريض (وهذا اللي للاسف فهموه معظم البنات هنا) ... و عموما الوحدة لما تتكلم مع زوجها من حقها انها تناقش اي شيء معاه و خاصة لو كان في صميم حياتها.. و انتي واضح انج كنتي قلقة على وضعكم المادي و هذا الشيء من حقج تماما و مو من حق اي انسان انه يعاتبج فيه.. بغض النظر عن منو اللي طالب الفلوس ... ( صدقيني لو كان اللي طالب الفلوس اخوه او اخته او ولد عمه او صديقه كانت ردود البنات اختلفت تماما)... المشكلة لو انج سبيتي و تطاولتي على امه... هنا لازم تعتذرين عن السب و التطاول.. و تشرحين لها سبب كلامج مع ريلج كان من باب قلقج على وضعكم المادي و بس لا غير.. و خلاص انتهى انتي مو مطالبه انج تعطين تبريرات اكثر... بالنسبة لام ريلج.. فمن الواضح انها انسانة مو متسامحة و انتقامية... و اذا كان فيه عندج مشكلة معاها... فهي مو في انها سمعت او ما سمعت... المشكلة في طبعها كأم زوج و توجهاتها اللي قاعدة تمشي عليها على هالاساس... و ما اقدر اقول غير الله يعينج... الحل الوحيد.. الاعتذار بس بدون ما تكثرين تبريرات.. انا للحين مو شايفة انج غلطتي لانج كنتي قلقة على وضعكم المادي... و لو انا مكان ام ريلج.. و اعرف انكم راجعين من سفر.. كنت زرتكم في بيتكم و عطيتكم هديه شيك مفتوح عشان تضبطون وضعكم المادي بعد السفر... مو العكس...!!! هذا رأيي من اللي طول عمري شفته و عشته و تربيت عليه.. انه الاهل و النسايب يراعون بعض و يحاولون يسعدون بعضهم البعض و يشيلون الهموم عن ظهور بعض... الله ييسر لج ويهدي سرج

يمكن ردي بيكون مختلف تماما عن رد معظم البنات و اتوقع الكل راح يقوم علي.. بس للامانة انا اتكلم من...

&نظرة دلع& :

كلامك درر بس ماقصدي لايعطيها هي امه قبل كل شي والله مامنعه لايعطيها بس وقتها غلط وع ظروفنا صحيح كلامها قوي وجرحني بس هي ماعطتني فرصه أعتذر لها وافهمها المفروض كلمتني وتاسفت لها واعتذرت بس تسب وتهدد

كلامك درر بس ماقصدي لايعطيها هي امه قبل كل شي والله مامنعه لايعطيها بس وقتها غلط وع ظروفنا صحيح...