أم زوجي تتكلم على زوجي بصفات ماهي فيه قدام الناس

زوجي عنده أربع أخوان وهو ترتيبه الثاني طبعا كلهم يوم انهم صغار مرو بظروف قاسيه جدا من جوع وفقد لحنان الاب واعتمدو على انفسهم من هم صغار
طبعا امهم لها دور كبير في تربيتهم وبعد ماكبرو وتوظفو واتزوجو الكبير أعتمد على نفسه ولايعطي امه ريال وبناء بيت واستقر بعيد عن امه ويمر امه مره بالشهر واهم شي زوجته وعياله الله لايبلانا ويفضل أهل زوجته على أهله وله مواقف كثييييييرة وخبل مايعرف يرد على امه ولا يحترم
وزوجته ازود منه وتكرههم كرهه الموت وساكنين بحي غير حينا
الثاني اللي هو زوجي بار بأمه ولله الحمد ساكن فوق بشقه يتقهوى يوميا العصر عندها يشوف احتياجاتها ويلبي طلباتها يعني هو ابوهم اب للبنات ولأخوة المراهق وكلهم يهابونه وله كلمه عندهم ماينساها بالعيد وبرمضان وذبيحة رمضان و و و و أشياء لاتعد ولاتحصى وانا ولله الحمد علاقتي معهم كويسه وأكثر برة لاهله بضغط مني وتذكير مني وهذي نعمه ابي الاجر من ربي
الثالث لايحل ولايربط متزوج وعندها بغرفه طبعا مو بر بها لكن كسووووووول ولا يقدر يتحمل بيت ولا يودي ولا يجيب ابدا حتى زوجته اغلب الاحيان تروح معنا او مع اخوانها وبس مسافر الله لايبلانا يسافر بالسنه اربع خمس مرات خارج المملكه وزوجته ام زوجي تكرهها ودائما مشاكل لانها جاهله وتعرفون الحمله تبي شغل وتوجيب وهي ماتعرف هالامور ولا تبي تتعلم ولسانها طويل عليها وصار لها ثلاث سنوات وما عندها اطفال
الرابع ساكن فوق ايضا بشقه وعندهم ولد ورفله ووسخه ولسانها طوييييل عليهم بس ذالتهم بفلوس زوجها تكب عليهم فلوس كب وزوجها طيب بس مع زوجته رضت رضى زعلت زعل ولعن شكلهم بعد بس مايوديهم ولايجيبهم الا وهي رازه حالها قبلهم يعني لايمكن يروحون او يخبون شي عنها اذا راحو مع زوجها
حنا ساكنين بحي غير حي اهالينا وجماعتنا واذا ودو زوجاتهم لايمكن ياخذون امهم تعرفون احيانا الوحده تاخذ شي لاهالها ما يبونها تشوف وماتروووح غير معنا علما واحد ماعنده اطفال وواحد ولد وحنا ماشاء الله مانوصل الا وحنا منكتمين وطاقين وارجع من اهلي على مزاجها اذا تبي ترجع للبيت بدري مظطر يرجعني معها والباقين ما يرجعونها الا الفجر الحاصل مربوطه هي وبناتها معنا واي مشكله اول مايدقون عليه علشان يحلها هو
كل هذا كتبت علشان اوضح لكم الصورة
وتخيلو كل ماصار عندنا عشاء او جمعة حريم تسبه انه بخيل واناني وانه مايعطي اخوانه مثلا مرة اخوه يبي يسافر سياحه وهو رجال لاوظيفه ولا شي ورفض زوجي يعطيه قاله اذا صار عندك فلوس سافر وانبسط من عرق جبينك وزعلت والثاني يبي سيارة اخر موديل وهو بلا وظيفه وتبي زوجي يدفع ورفض زوجي قال اشتري له اكسنت جديده لما يتوظف ويشتري الي يبي وزعلت وكل يوم تقارنه باخوه الكبير والله يابنات مافيه وجه مقارنه هذاك عااااق وهذا حيل يتودد لها بس سبحان الله المشكلة تتكلم قدامي وقدام الحريم وش رايكم كيف ارد عليها والله اني مقهووووورة