أم زوجي تصارحني بمصيبه! كيف أتصرف؟

السلام عليكم ورحمة الله وبركاته

عزيزاتي أحب أقول لكم على شي بس ما اعرف كيف ابدأ
راح ادخل بالموضوع:
قبل يومين شفت ام زوجي تكشخ بالليل ( زوجها مهاجرها ) وبناتها يكشخن كأن وراهم عرس او عزيمة.. سألتها وين بتروحين قالت لي بنطلع ( يعني ما تبيني اعرف ) بس فضولي كان ياكلني لحد ما سألتني وحدة من بناتها عن طريق لمركز تسوق فقلت لها ما ادله يعني كل هالكشخة عشان مركز تسوق هذا اللي كنت اتوقعه ولا.. و شاله معاها عديلتها ( الزوجة الثانية لها ) مع بناتها
ملاحظة: زوجي لو كان يدري باللي يصير كان بيذبحهم حتى لو كانت امه، كل شي ولا شرفه
المهم: اشوف اليوم الصبح تقول لي بخبرج عن شي قلت لها خير إن شاء الله
قالت لي تذكرين قبل يومين يوم طلعنا بالليل و..... قلت لها هيه قالت لي: كنا رايحين عشان نشوف واحد ( شاب ) وهو اصلا يكلم بنت عديلتي ويلسنا معاه وتعرفنا عليه ويمكن يخطبها.. والله ثم والله انصعقت وقلت في خاطري والله لو ولدج يعرف باللي سويته راح يذبحكم.. بصراحة انا جاملتها وقلت لها ان شاء الله يكون ولد زين
بس والله انا مستغربه منها.. وعلى فكرة عديلتها ما كنت راضيه تروح وكانت تبي ترجع.. وهي قايلة لزوجها انها بتروح السوق.. كيف الوحدة ترضى وهي جدة مو بس أ م بس عمرها في الأربعينات
الله المستعان

انتظر الرد او التعليق او كيف اتصرف

هل انسى الموضوع

او انا مكبره الموضوع