أم زوجي رمت البهارات في وجهي

السلام عليكم ورحمة الله وبركاته



كيفكم جميعا ؟؟
أولا أنا متزوجه لي خمس سنين وعندي بنت الله يحفظها لي ولأبوها ..

أنا ساكنه مع أم زوجي بحكم ان مالها احد غير زوجي ..
أم زوجي هاذي الله يهديها دايما تدور لي المشاكل ..
أصبر وأصبر عشان زوجي بصراحة يستاهل كل خير ..
وبعض الأحيان لما تظلمني ينصفني بأدب وعدم تطاول ع أمه .. وهذا أهم شي ..
وطبعا أنا دايما لما افرزن شي مثلا عجينة سمبوسه ولا شي زايد أحطه .. وهي ترميه صباح اليوم الثاني .. استغفر الله تكبه في الزباله ولا همها أن ابنها مديون والراتب ع قدنا الحمد لله .. لاحظوا قلت دايما ترمي .. مو مرة او مرتين ..!

حتى لما اجيب بهارات من عند امي ترميه .. فصرت ما احط البهارات في المطبخ ..
حطيت البهارات في غرفتي وخبيتها عدل .. وزوجي يحب بهارات أمي .. ا

المهم مرة كنت أطبخ الغدا وحامل بالشهر الثالث .. وراح اسوي ربط للحمل لأنه ضعيف و لأني أسقطت مرتين ..

وخلصت من الغدا وكنت أمسح دواليب المطبخ .. ورحت للحوض حق المواعين عشان انظفه .. جت ومعها علبة البهارات اللي في غرفتي وكبتها علي وعلى الحوض ويداتي ..

أنا انصدمت وقعدت ساكته عشان استوعب ليس صار .. وبعدين سألتها ليش ؟؟
المهم راحت تصيح بكلام ما استوعبته من صدمتي .. وقمت وصرخت وقلت يعني وصلت لك انك فتشتي في دواليبي وأماكني الخاصة ؟؟!

على بنات مو أول مرة تفتش غرفتي وتضيع أشياء بسببها و يصل ويلومني زوجي ..

المهم رجعت صحت وقلتلها انا ايش سويت لك بالله عليك .. وقلت حسبي الله ونعم الوكيل بس ..
رحت غرفتي واخذت بنتي وسكرتها ..

أنا تعبت يا بنات .. خمس سنين وهي تهينني .. خمس سنين و هي تحش ع أمي وأهلي ..
ادعولي اطلع لبيت لحالي .. وهي ربي يشغلها في نفسها ..