أم زوجي ضربت سلفتي !!خايفة يتكرر معي

السلام عليكم يابنات حواء الغاليات
بصراحة انا في حيرة من امري ومدري كيف اتصرف مع ام زوجي ..الموضوع ومافيه انه ام زوجي قالت انه بتجي تجلس عندي لمدة اسبوعين انا حاليا في مدينة ثانية. أنا عني في الاصل ماعندي معاه مشكلة احترمها واقدرها رغم انه بعض الاوقات تغلط وتدق بالكلام وانا طريقة معاه اذا بدات تدق اسكت ماأرد وعلاقتي فيها حلوة طبعا من فترة انتقلت مع زوجي لمدينة ثانية بعد ماكنت ساكنة بنفس المدينة اللي هي فيها وخلال هالفترة سمعت انه فيه بينها وبين سلفتي اللي اكبر مني مشاكل طبعا سلفتي كمان بشقة منفردة بس بنفس العمارة .انا ماصدقت اللي سمعته لانه سلفتي هذه شايلها شيل احسن مني فيها وتطبخ وترسل لها بس اذا غلطت ام زوجي ماتسكت تجلس تحاجج مو انها تغلط عليها بس تجلس تغلطها وتقول لا لا مايصير كذا يعني ببساطة سلفتي هذه كاسرة كل الحواجز بينها وبين اهل زوجي تبي تحسسهم انها بنتهم وواحدة من البيت انا لا مو لها الدرجة احترمهم اهديهم اعزمهم بس فيه شوي رسمية .المشكلة ومافيها انه كبرت المشاكل لحد ما فقدت ام زوجي اعصابها منها وطلعت لها بشقتها بعد ماوصلها كلام من بناتها وبصراحة ع اشياء تافهة دقت الجرس عليها ولما فتحت لها اذا بام زوجي تمسك بزمارة رقبتها وتضربها ع وجهها وقامت تصارخ وام زوجي ماشاء الله جسم وجاء ولدها وقام يسحب يد امه ويصارخ عليها وتدفه وتقول مانت ولدي بدل ماتربيها ووو ..تقول اصلا بس تدخل نفسها في بناتي وتنقل اخبارهم للي يسوا واللي مايسوا وكلام كثير. طبعا اهلها تدخلوا بعدين واللحين صارت علاقتهم جدا متوترة. انا لماقابلت سلفتي جلست تبكي وتقول انا مظلومة وهذا جزاي معاهم والله حزنتني وقالت راح تجربينهم وتتاكدين من كلامي يابنات سؤالي هو كيف اتعامل مع ام زوجي خلال فترة استضافتها عندي اكيد راح اكرمها بس اقصد كيف اتجنب يصير معي اللي صار مع سلفتي حتى موشرط خلال هالشهر بل ع المدى الطويل.