أم زوجي طبت علي وشافت بيتي الوصخ

السلام عليكم
خواتي اولاً بوضح لكم وضعي عشان تتفهمون 00 انا ام لأربعة اطفال صغار ورا بعض وساكنه فوق اهل زوجي في شقه بس لي باب مستقل عالشارع وحوش مستقل وعندي مشاكل صحيه ونفسيه وما عندي شغاله يعني مو قادره اسيطر على بيتي واطفالي 00
ام زوجي الله يهديها تحاول انها تسترق الفرص عشان تدخل شقتي على غفله مني وتشوف وضع بيتي00
زي مثلا تجي تطق الباب تبي ولدها ويفتح لها ولدي الباب يقول موب فيه ، ثم تدخل الشقه تتفرج تشوف نظيفه او لا ثم تطلع
المهم قبل اسبوع كنت فاتحه باب الشقه عشان اولادي تحت يلعبون في الحوش وبصراحه الشقه محيوووسه حايسينها عيالي واصلا وش ما انظف في الشقه مايمر كم ساعه الا وهي متوسخه على طول بسبة البزران يعني تجيني فترات امل واطفش من تنظيفها ،، الزبده ماخذيت الا وهي طابه علي تبي غرض ،، وليتها دقت علي وانا اوصله لها مع عيالي تحت لعندها ،، المهم دقتني بالهرج وقالت المره تنظف بيتها وتهتم بنفسهاوبعيالها وووووو كلام كثير
تدرون وش اللي قاهرني ،، ان قبل سنه كان عندي شغاله وهم ماعندهم ،، وكنت انزل شغالتي يوميا عشان تساعدهم في تنظيف بيتهم ،، وكانت شغالتي تقول لي تكفين يامدام لا عاد تنزليني عندهم بيتهم مززززبله وصخ وصخ ما اقدر على تنظيفه ،، هذا وهم ماعندهم بزارين توصخ ،،وكتمت سرهم وسترت عليهم ولا علمت حتى اهلي بسالفة وصاختهم
وألحين بعد ما انقلبت الموازين وصار عندهم شغاله وانا ماعندي صارو يدورون علي الزله والكلام
حسبي الله ونعم الوكيل