أم زوجي ووضعي -_-" الجزء الثاني تعالوا شوفوا ايش صار ،،

السلام عليكم ورحمة الله وبركاته ..

أشكر كل من ردت على الموضوع الأول ودعت لي من كل قلبهاوأعطتني نصايح ..

المهم قبل يومين زوجي كان مسافر وانا كنت ممدده على سريري ومعي بنتي تلعب جنبي .. 
طبعا بحكم ان وراي عملية ربط عنق الرحم بعد يومين .. فلازم راحة تامة .. 

المهم العصر شغلت الماطور حق الماي عشان احنا برابع دور .. تمام ؟ 
وقبل ما تخرج ام زوجي من البيت طفته ..
لاحظوا هذا كان العصر .. وقبل صلاة العشاء شغلت الماطور لان الماي خلص من الخزان .. روحت ام زوجي وشافت الماطور انشغل بغت تنجن .. !!  قالت لي خليتيه مفتوح من العصر ؟؟
وانا : !!!!!؟؟؟؟؟ قلت لا توني شغلته وقامت سبني وقالت انتي كاذبة وفاجرة !!  ما ابيك في بيتي وروحي بيت اهلك ..

انا خلاص طار عقلي من الكلمة الثانية قلت الله يسامحك لا تقولي لي هالألفاظ ثاني مرة لانها حرام .. 

قامت تصيح وتصارخ وانا قفلت غرفتي ..
ثاني يوم في الصباح اتصل بي زوجي وقال افتحي غرفتك وخلي بنتك تروح لعند جدتها .. قلت طيب لما تقوم بنتك بطلعها .. قال لي يالله بلا كلام زايد ..

العصر روح من السفر وكنت متكشخة ومبخرة غرفتي .. حتى ما سلم علي ..خليته ..

دخل الغرفة وراح يصارخ قال ايش اللي حصل ؟؟ 
قلت له كذا وكذا .. قال ما لك حق تقولي كذا لامي ..ولا تقفلي غرفتك .. انا عصبت قلت ما لي حق حتى في غرفتي .. ؟؟ وامك تقفل غرفتك عالطالع وعالنازل كأني بسرقها .. قال تقارني نفسك بامي ..
المهم قال لي البسي عباتك ووضبي شنطتك وروحي بيت اهلك .. انا لبست ولا همني .. وقلت له يلا وديني للبيت مثل ما اخذتني من اهلي معززة مكرمة .. 
واهلي مسافرين مو لاقيه احد يوديني .. قام قال ان امي تعامل زوجي اخس من معاملة امه لي وابوي  ما اقدر اقول لاني مرررة بكيت والكلام مو صحيح ..
قلت انت اصلا مو متربي ..
 وعلى فكرة ابوي دفع الفيزا حق زوجي ب12,000 ريال .. وزوجي نسى المعروف .. وامي تخدمه وكانه ابنها لما كنت نفاس المهم علمت ابوي بالموضوع وقال خلاص بنشوف لك حل  .. هنا زوجي خاف واتصل بابوي وقال انه كله بس كلام .. لانها سوت مشكلة مع عمتها .. اتصل بي ابوي قال خلاص
شيلي العباية ونامي ..واستحملي امه .. امرها لله.. وانا كنت ابكي بحرقة ليش قال كذا على اهلي ..

نمت من غير عشاء وهو يقول لي يلا تعشي قلت ما ابي وسفهته .. قمت الصباح قال يلا فطور انا ما رديت عليه .. قامت يعتذر لي ويحايل بي .. وانا بكيت .. قالي معليش اصبري .. عقليت امي كذا مو لازم تردي عليها ..

ومو معقول اخليك ووراك عملية وانتي حامل ..  وبس ..انا قلت الدكتورة تقول لازم تكون نفسيتي كويسة عشان البيبي اللي في بطني لو ما همتك صحتي اهتم للي في داخل بطني ..