أُم عاملة.. استفسار

السلام عليكم
صباح الخير


حبيت اخذ رايكم بما اني محتاره وقلت ابغى اسأل احد مجرب
انا أم متزوجة وساكنه بعيد عن اهلي
لي سنوات كثير متخرجة وماتوظفت واحس العمر بدا يروح وانا ماانتبهت
حصلت وظيفة براتب متوسط اخذتها للخبرة وفي شركة سمعتها حلوة ودوام من ٩ ل٤
لي كم يوم بادية معاهم واحس ابغى اترك العمل اشتقت لجلسة البيت وشوي اقول وش لي في جلسة البيت طول عمري جالسة وشوي ابليس يقول لي راتبها مايستاهل اتركيها والحمدلله عايشة
وشوي اقول اجلس اسوي ايش ! حتى اهلي مو عندي
وشوي اقول الدوام ممل الشغل قليل وجلستي كثيرة ومافي شي يكسر الوقت ويطيرة


ابغى رايكم
هل هذا شي طبيعي ! او لأني طولت جالسة وتكسلت او ايش سالفتي بالضبط مخي بس يودي ويجيب
الله يسعدكم المجربة تعلمني اذا مرت بكذا او وضعها قريب او اي شي يساعدني
طولت بالحكي
شكرًا لكم