أم فاشله ومحبطه جدا... خبراتكم وحلولكم يا أمهات..

ياختي تعوذي من الشيطان ولاتقولي انا فاشله
كلهم الاولاد زي ولدك في شقاوته خاصة عند الناس هم كذا الاطفال اللي عند الناس يحسبونه احسن وتنفتح شهيته وكل الناس عندهم اولاد ويعرفون حركاتهم لاتقولي فشلني ولا حاجه
بس الضرب لاتضربيه احسن شي تحرميه من اللي يحب من العاب اوتلفزيون عشان يتادب او حطيه في غرفه مافيها العاب وسمي عليه وقفلي الباب عليه خمس دقايق بس وبعدين خذيه وانزلي لمستواه وقولي له لازم تسمع كلامي انا احبك انا مابضربك خليه يثق في نفسه لان من كلامك يبغى يلفت النظر الاهتمام عشان كذا يصيح
الله يهديه ويحفظه لك
ودمتي بود

مافكرتي انه ممكن تعلم العصبيه منك :(
لان ضربك له ,, وبرضو وهو يشوفك معصبه ويشوف انفعلاتك وقت مانتي معصبه يصير لا اراديا يقلدك ويمكن اصلا يورثها منك :(

حاولي تطولين بالك عليه وادخلي عليه من باب التشجيع ونه رجال وامدحيه وهو يسمع انكم طلعتوا الطلعه الاخيره وكان رجال وهادي ويسمع كلامك ... الخ

ولو شفتي مره مره ماكنه يسمع ولا تاثر العقاب يكون بالحرمان بمكان يقعد فيه لمده اربع دقايق حسب عمره ولا يتحرك منه زي برنامج سوبر ناني وبعد الوق تخلينه يتاسف ويوعدك مايكرر الخطا

ونصيحتي لك طنشي شوي توه طفل والسن هذا قمة المشاغبه خاصة انه ولد الاولاد طاقتهم اكثر من البنات بالحركه والصوت وكل شي

وربي يطمن قلبك عليه وتشوفينه رجال من الصالحين وتتذكرين ايام طفولته وتبتسمين :)

شوفي انا كنت اعاني من ولدي اذا رحت للسوق او المحلات يتحرك ويحوس ويزعجني فصرت اسوي اتفاقيه انا وياه قبل نطلع انو ماتزعجني وتكون ولد مؤدب وحلو ولا ماراح اخذك معي اومانروح مطعم فيه العاب وعشان انت كبير انا وانت نتفاهم مع بعض ما اضربك ولاحظته خفت حركته شوي الحمدلله بس لاحظت اسلوب الاتفاقيه يعطيه ثقه بنفسه .

شكرا اخواتي الغاليات لمساعدتكم والله اني في حالة لايعلم بها الا الله..
راوية الاموره..
تسلمي يالغاليه ويحفظ لك اولادك ويهديهم قولي امين..
المشكله اني احس اني استنفذت معه كل الوسائل من تفاهم وحرمان وعقاب وضرب ومع هذا نرجع
لنقطة الصفر..

المتغلية..
فعلا هو طلع عصبي بسببي انا.. بس والله شقاوة العيال ماتخلي أعصاب
وفعلا طبفت بعض الافكار من سوبر ناني وتأثيرها مؤقت لفترة معينه وبعدها نرجع كما كنا
تسلمين يا قلبي على الدعوه ولك مثلها ان شاء الله..

لهلوبة..
شكرا اختي على النصيحه ومن بكره بطبقها وان شاء الله تضبط معنا.. وربي يهدي لك ولدك
وولدي معاه ان شاء الله.