أم نو11ف<<<لله الحمد والمنه عوضني بعد صبري باحلى بنوته سليمه ومتعافيه

الحمدلله كماينبغي لجلال وجهك وعظيم سلطانك
اللهم لك الحمد والشكر عدد خلقك وزنة عرشك ومداد كلماتك


البعض منكم عارف قصتي وفقدان مواليدي وكل حمل كان اثقل من الثاني بالهم والحزن اما هذا الحمل كان اروع حمل على اني عانيت من آلام عضويه لكن اللي خفف علي كثير هو مشاركتي لتجمع حوامل اكتووبر لاني لقيت فيه كل مااتمناه من حب واخوه وادعية خالصه من القلب

الحين وانا اكتب لكم ماني مصدقه اني ولدت وجبت بنوته مثل ماكنت اتمنى والله اني احمد ربي من ولدتها الى هذي الساعه لاني مو مصدقه هالنعمه اللهم لك الحمد والشكر يااارب

طبعا في تجمعنا اللي اكثر من الرائع كان في صامدات 4الا وهم انا والبريئه وام راكان وانامل ناعمه
ودعينا ربنا انا نولد بيوم مميز الا وهو 10/10/2010
بس للاسف فاتنا:44:

فدعينا للمره الثانيه انا نولد ب11/10/2010:35:وهني الله استجاب دعوتي وولدت يوم الاثنين الساعه 5العصر باحلى بنوته

ووالله يابنات وانا اتعذب من الطلووق اني ادعي لكل محرومات من الذريه ولكل حوامل ان الله يقر عيونهم بشوفة مواليدهم والشي اللي مافارق بالي وانا اتولد افكر بام راكان والبريئه ولدووو ولا لأ:44:

طبعا اليوم اول يوم ادش فيه للمنتدى بعد ماولدت والى الان مادري عن حبيباتي ولدووو ولا للحين
واتمنى من كل وحده تدخل موضوعي هذا تدعي لي ان الله يحفظلي ذريتي من كل شر وينولني برهم