,
بسم الله الرحمن الرحيم
السلام عليكم ورحمة الله وبركاته
كيفكم يا صويحباتي وحشتوني هلبا هلبا
قبل كم يوم رحت مجمع الظهران بالخبر...
بالنسبة لي اول مادخل المجمع احسني دخلت محيط غريب عن محيطي
كأني طلعت برى السعودية
من المناظر اللي اشوفها ...والتسيب والفلتان اللي يخجل منه القلب
لكن صدق اللي قال الخير في أمة محمد إلى قيام الساعة..الخير موجود مهما كثر الفساد,,حتى وإن قل
الحاصل: أذن للصلاة المغرب
صليت انا وبنتي وطلعنا برى المصلى..وجلسنا نتظر تفتح المحلات
في هذا الوقت كان مازال صوت الإمام يصلي
لكن تلاقين رجال عفوآ اقصد ذكور,,شحط طول وعرض جالس على الكرسي
ينتظر جنب حرمته متى تخلص الصلاة ويرجع يتسوق
طيب حرمتك يمكن عندها عذرها الشرعي ..لكن أنت وش عذرك؟؟
التفت كذا لقيت شباب بنطلونهم نازله وشعورهم منكوشه وعلى اذانيهم سمعات الجوال
ويمشون مشية همجية ..ماهي مشية قد ماهي جمباز
التفت هناك لقيت بنت ام رابع او خامس ابتدائي..
تمشي مشية غريبة.. هي رقصه يسمونها رقصة الشوارع اللي يرقصونها زنوج امريكا
ترقصها وتفرشخ برجولها ومساقط بين الناس ..<<انا ما الومها لصغر سنها..لكنها حزنتني:(
هنا وجعني قلبي حزنت ..
في هذا الوقت سمعت صوت حرمة تقول (( يا هبة صليتي على الرسول عليه الصلاة والسلام عشر مرات ؟؟))
اسمع صوت بنتها الصغير تقول لا يا ماما ..
قمت انا التفت عليهم الا اشوف البنت (هبة ) يمكن عمرها" 8 سنين"جالسه ,كان بيدها كيس حلاوة تركته على جنب
وقامت تعد باصابيعها الصغيرة النحيلة العشر وتقول
( اللهم صلي وسلم على سيدنا محمد صلى الله عليه وسلم )) وترددها الين خلصتهم عشر
تذكرت الحديث يروى عن رسول الله صلى الله عليه وسلم:
{ من صلّى عليّ حين يصبح عشراً وحين يمسي عشراً أدركته شفاعتي } .
(من صلى عليه واحدة، صلى الله عليه بها عشرا) والحسنة بعشر أمثالها،
تم تعديل اليوتوب من قبل المشرفة
WIDTH=400 HEIGHT=350
ابتسمت ابتسامـــة سبقها قلبي بضحكة :heart:
قلت في قلبي ماشاءلله لا قوة إلا بالله اللهم بارك في هبة وفي أم هبة
قمت قلت لبناتي بنات صلوا على الرسول صلى الله عليه وسلم عشر مرات فقلت لهم الحديث ..
أنا الصراحة اذا شفت مثل كذا مواقف احاول اقرب منهم.. لعل تنزل عليهم رحمة من الله ..فتشملني رحمته معهم
خاصة في مثل هذي الاماكن لايكاد احد يذكر الله فيه
وصراحة صرت اتابع هالأم وبناتها الثنتين
فتحت المحلات والام طلبت من بنتها الكبيرة"أم 11 سنة",تروح للكشك اللي قدامنا وتشتري مويه
الكشك عليه زحمة شوي شباب..
البنت اشوفها تتردد ..وتطالع جهة الكشك وترجع تناظر امها بعيون متوسلة..وتقول لأمها بصوت منخفض
(( ماما ما اقدر استحي ..)) ..و وجهها معفوس ماتبي ترفض طلب امها وبنفس الوقت تستحي تروح ..
الأم تقولها يا بنتي روحي اشتريلي مويه و اوقفي الجهه الثانية
ترجع البنت تناظر الكشك والزحمة .وتناظر امها وترد عليها بنفس الكلمات وبنفس تعابير وجهها ..
الأم استسلمت وقالت خلاص انتظري الين يرحون وجيبي مويه
فتنفست البنت صعداااء ..وابتسمت ابتسامة الراحة وجلست :heart:
أنا هنا تذكرت كلمة قالها شيخي محمد حسين يعقوب رفع الله قدره
قال فيما معناه: اذا بنتك تستحي فنمي حياءها فيها..لا تقتله
كيف؟
قال :مره قابلت احدى الاشخاص وسلمت عليه وكانت بنته صغيرة يجي عمرها 4 او 6 سنين
هذا الشخص كان فرحان بشوفه شيخه واستاذه, فحب ان بنته الصغيره تسلم عليه كمان
فقال لها سلمي على الشيخ ..والبنت ماسكة بثوب ابوها وتتخبى وراه تستحي
والاب يعيد عليها سلمي على الشيخ يابنت
قال الشيخ محمد له..اتركها اتركها...اتركها بحيائها لا تجبرها ..لا تسلب البنت حيائها مهما كان
اذا شفت بنتك تستحي افرح ووستبشر خيرآ..لان هذا الزمن قل الحياء فيه
لاشعوريآ قارنت بين هذي البنت الحيية...مع نقيضها البنت اللي تمشي وتتراقص بين الناس :(
وماكان مني غير إني احمد الله ,واقول اللهم املء قلبي وقلب بناتي حيـــــاء منك ..
وربي بناتي فأنت ربي و ربهم..وأدبني وبناتي وبنات المسلمين بأدب القرآن
وذكرنا بك دائمآ, فلا ننساك ابدآ
آمين
WIDTH=400 HEIGHT=350
احبكم في الله
:26:
والف مبررروووك التميز تستاهلللين