أنآ مو حرمه ..!! فالتبقى إذن تحت جنآح والدتك لتحميك !!
:biggrin:( قصتي كتبتها لأني محتاجه للفضفضه فقط لاغير..):biggrin:
كلمة مهينه بحق ..
وليست مهينه وحسب .. وانما هي كلمة قذره ...بحقي
سمعتها هكذآ ( بنتك مو حرمه .. ) على الحافه .. بدون اي معوقات في الكلمات
كذا انقالت قدام ابوي !!
أجل أنا وشو بنظرك ؟؟؟ حيوآنه مثلاً ؟؟؟ أو طفلة لاتفهم !! او مجنونه او وشو بالضبط ؟
ماادري .. كيف التعبير عن هذا الكلمه ..
طلعت من افواه ما استوعبتها الى الآن..
لأني طالبت بحقوقي ..
وجلست عند اهلي .. وعدم الرجوع معه إلا بشروط ..
بتغيير الشقه ... واعطائي كل شهر نفقة لي .. وترك التدخين ..والزآمه بمحافظه على الصلاة
وعدم تأخيرها
ولأني طالبته بأن اسرار البيت ماتوصل لأمه ..
ولأني لم انجب أطفالاً ..ولأني طيبة زيآده عن الآزم .. ولأن كل مره
يزعل ويتركني عند أهلي ويسافر من دون حتى مايتصل او يسأل
وكل مره يزعل لان ماقدر الله اني اكون حامل
وكل مره يتزعل على اتفه الاسباب واحقرها
وأنا كل مره اتوسل له انه مايتركني ببيت اهلي
وكل مره
أرقع وراه .. واحاول اطلع سمعته بشكل زين حتى لو اضطريت للكذب ..
وكل مره اكذب واقول لآ لآ اموري بخييييير ..زي العسل
وكل مره اطلعه بصوره جذآبه ... حتى اطمئنان أهلي
واموري من جنبها
بالأخير يسمعني كلمة الجارحه بحقي
كل هالكلام سمعتها من ابو زوجي وزوجي وامه
(أنتي مو حرمه ... لو أنك حرمه ماطلبتي هالاشياء !! )
(ترا انا ماجيت أخطبك واتزوجك من جد وجديد
.. علشان تطلبين مني شروط ... أنا زوجك وإذا بغيت سحبتك أو علقتك لا زواج ولاطلاق )
( أنتي كنتِ مطلقه من يبيك اصلاً ؟؟ لو ماتزوجتك كنتي بتظلين مطلقه)
(قلت له انت جاي تتزوجني ماحد قالك تجي لحد بيتنآ --أنت جاي بنفسك تخطبني !!
... لعني ولعن اهلي ولعن اليوم اللي جاي يخطبني فيه)
(يجرحني بأني مطلقه من قبل مايتزوجني.. )
( أنتي مقصره بحقي ..)
( أنتي خامله ووسخه ببيتك )(يعني أدق الأشياء طلعت وساخه )
( أدق الأشياء تكون وسخه بنظرتهم )
( أنتي بنت مامعها أطفال تطلبين 500 ريال لك ...لحالك ليه من انتي !!!)!!
( أنتي ترا السبب في أنك خليتيني أدخن .. لأنك ماكنتي تسمعين الكلام .. وكنتي
تجلسين عند اهلك بالايام لجينا من السفر ..)
كل هالكلمات .. طلعت من أشخاص عدة.. مع إتهامي أني سبب في تدخينه
واني السبب في اللي حصل بينآ !!
رجل عديم المسؤوليه !!
كل القرارات وكل مايحصل ببيتي توصل لأمه قبل ماتوصلني ..
أي رجلاً هذا ؟؟
في آخر مره صارحني
بأن جسمي ماعجبه !!
وان لازم انفخ الصدر .. وأني الوع الكبد
( المرأه مايزينها ألا صدرها .. مااقدر اتحمل !! ترآ تلوعين الكبد بهالشكل !!) !!
قالها كذا على الحافه
ماابالغ ورب الكون
لكن كنت وقتها قادره اني اهون على نفسي واقول
لاتتفاعلين ولا تنصدمين
قمة في التخلف ...
قمه في الغباء ...
عجباً ..
الحين كل هالعيوب فيني .. وانت ملك طاهر !!!
الرجل اللي ماله شخصيه .. والشخص مزاجي .. والشخص اللي يدخن
والشخص اللي يأخر الصلآة ..والرجل الي يشوف الحريم المتعريه .. واللي يسمع الاغاني
واللي يقهر زوجته بأن الفنانات حلوات وجميلات
و" يهيج " نفسه لمن يشوفهم
واللي يتهمك بأنك خادمه كمزحه لاتطلع من البيت ولا حتى تغير جو ,,,
ويطلب مني اعطيه من حافز ...
فهو بلا شك
إنسان منحط ولا يستحق انه يتزوج !!!!
أصلاً مفروض مايفكر انه يتزوج ويبلي بنت الناس فيه
*
ليه يتزوج بنت .. ويطلع فيها الف عيب ..
مع ان التدخين 30 بالمئه سبب في عدم الإنجاب ..
حتى لو ماكان يدخن بالبيت او مايدخن قدامك .. نسبياً يأثر على الحيوانات المنويه
حتى لو كان التحليل سليم
*
و50 بالمئه عدم البركه لتأخيره في الصلاة ..وسماعه للحرام ورؤية لحريم ملعونات ..
ويناظر الحريم والتعري
فمئه بالمئه بيشوفني وحده قرويه
لأنه بنظره للحريم ورقص الحريم .. فميه بميه
" راح يكون عند اي رجل الهياج بالشهوه إتجاههم "
فلمن يشوفني اكيد بكون بنظره
شينــــــــــــــــــــــــه وخياس
إن صح التعبير بيشوفني أقبح من تكرونيه!!!
يعني بيشوف وحده جميله وجسمها حلو .. وعندها هالصدر .. وعندها هالجمال الطبيعي
اللي كله عمليات تجميل ونفخ وشفط وملعوب بها حتى طلعت بالشكل المطلوب
وعندها ذاك الوجه الملائكي ماشاءالله .... وعيونها ومكياجها حتى فمها يالله كل شي كامل ماشاءالله ...
وملابس المغريه
بيطالعني انا يالمطوعه على قولته جميله !!!
يعني حتى وانا اتكشخ واتزين ماعجبته !! فراح اعجبه بشكلي الطبيعي !!
*
و20% هي الأم .. الخاله اقصد ..
اذا كانت من النوع المتسلط وهي اللي تتخذ لولدها القرارات ..
وهي اللي تمشيه على كيفها ..
وهي كل شي .. كل شي...ولاتتكلمين فيها .. ولا حتى تتكلمين عن خواته
أنتي بس امدحيها واشكريها لأنها خطبتك يالمطلقه ..
وتأمرني خالتي .. وبالأخير تقول لي بترجعين له غصباً عليك ..
وإلا رجعي لنا المهر والذهب
( قمة في السخريه )
كأنها تطلقني .. كأني متزوجتها أنا !!!
*
يعني بلا شك
لمن تكون البنت خايفه ربها .. وليست اسوء الخلق
بل أني خلقي وتربيتي من افضل مايكون
بل بالعكس لا امدح نفسي
إلا أني جميله بدون أي تغيير خلقة ربي ..
وراضية بخلقته
ولاني ارغب في رضى ربي علي
فحاولت قد مااقدر ابلع كل هاللي صار واتناسى واتغاضى عن هالامور
المشكله انو شايفني بالرؤية الشرعيه
وراضي فيني ..
لكن بعدين قام يتأمر ويعيب فيني ويطالب اني اكون وحده من هذولا اللي ينقال عليهم
جميلات
لمن تطلبين حقك يتهمونك بأنك مقصره بحق شخص حقير وفوق هذآ
يشك فيك !!
وبكل وقاحه يطلب مني تنفيخ الصدر
ولمن اقول إذا صابني مرض سرطآن في الثدي بسبب الاجهزه التافهه .. بتعالجني
يقول بكل حقاره .. لا .. بخليك عند اهلك ...
وثم يتهمون ابوي انو طارد خالتي يوم جات تراضيني على ولدها وانها تصلح بينا..
المشكله أنو أبوي كآن يكلمها من بعيد ويقولها ( خلاص خلاص انتهى الموضوع )
(بقصد ان الامور بترجع مثل أول واني برجع لولدها )
إلا أنها فهمت غلط .. وحسبتها طرده !!!!
مادري هم يطللعون الغلط
او انهم جد فاهمين الدعوه غلط !!
أي نظريه هذي!!
*
وللمره الثانيه اتصلت علي
ماكلمت امي تتفاهم معها ..
لآ .. كلمتني انا شخصياً في الجوآل...
وتهزئني وتسبني وجالسه تتهمني بأشيا ماسويتها يعني
اموري وامور ولدها مالها علاقه فيها
ليه التدخل ؟
وفوق هذا ترفع صوتها علي وتهيني بكلامها
مو مفروض تتكلم مع امي وتتفاهم وياها !!
وبعد اسابيع ولااتصل ولا كلم ..
وبالأخير يرسل لي رساله يحاول يراضني بكلمتين حلوين .. وانه ممكن ينفذ شروطي
وان كل هاللي صار كآن وقتها معصب ومتضايق ..
متضايق !!
أجل لو صارت مشكله كبيـــــــره
وش بيكون حالي ؟؟؟
قرار الرجعه بعد هالاسابيع الطويله
كان قرار صعب بالنسبة لي ... كأربع سنوات تقريباً قضيتها معه
ومن الصعب أني بسهوله وخلال هالاسابيع افكر بالرجوع
لكن اخترت اني اشتري كرامتي والموت لو قدر لي
على الرجوع ...
البعض ينسى ..
وبإمكاني مسامحته وتراجع عن القرار
وبإمكاني اني اتناسى اللي صار .. لكن ستبقى الجروح ندبه مهما طالت الزمان
.. وبتكون فجوه كبيره بيني وبين اهله لو رجعت له
لأني من النوع الي ماينسى من جرحني او اهاني ...
وهنآ قررت الإنفصآل
وبعد هالاسابيع
وبعد كل هذا .. وبعد تسليم الذهب لهم ..
ارسلوا لي اغراضي وحاجاتي وملابسي ..لبيت اهلي
إهانه كبيره بحقي !! ..ليه !!
أنا اقدر اخذ اغراضي .. وألمهم بإيدي ..
مثل مارتبتها ..أشيلها
بكرامتي
لا
هم يشوهون سمعتهم بتصرفاتهم الغير اخلاقيه !!
قررت أتألم بكوني مطلقه للمرة الثانيه ..وان الناس بتتكلم وبتحط العله فيني
وان الاخطاء مني أنا ..
وان الخلل من هالحياة بتكون مني
واني فاشله في حياة الزواج
فضلت هالاشياء تصير
على الرجوع للمذله والإهانه والحقاره ,,,
قررت أني أضع على إسمي وسم ( مطلقه للمرة الثانيه )
على أن اعود
وتكون حياتي جحيم ..
والحمدالله ان طول هالأربع السنوات ماانجبت طفل
وإلا حياة الجنين بتصير جحيم مثلي ..
وأنا راضيه تماماً بهذا النصيب ..
ابوي وامي واختي اقنوعني من اني اتخلص من إنسان سبني وسب اهلي
وجاين لحد باب بيتنآ في الليل متأخر
يقولون لي ( بنتك مو حرمه ) !! وجاي بأغراضي بنفسه !!
موقف صعب لي
لكن
مانسيت أن ربي فوق
وان ماانزل من مصيبه أو أمر صعب إلا له فرج
وان كل هاللي أمر فيه مجرد دروس وتحدي للمصاعب ..
وان هالي يصير لنآ كلها أمور عاديه وممكن نتخطاها بسهوله
..
فالحمدالله على كل حآل ...
مينشن @mynshn
عضوة
يلزم عليك تسجيل الدخول أولًا لكتابة تعليق.
الله يعينك ويفرج همك عادي ياقلبي مطلقه ولا تعيشين مع انسان بهذي الحقاره صحتك وراحتك اهم من كنوز الدنيا كلها وان شاء الله ربي يعوضك بأنسان اخير منه. ...
ياعمري الله يعوضك خييييييير وانتي قويه ماشاء الله في حريم تتحمل الذل والاهانه وكأن الطلاق حرام الله يخلي اهلك لك الحين اشغلي نفسك يا وظيفه يا ادخلي تحفيظ وتعرفي على صحبه صالحه تعينك على الدنيا ولا تفكري كثير والمره الجايه لا ترتبطي الى من ترضون دينه وخلقه مايعيبك شي انتي عفيفه وخلوقه وعارفه قيمة نفسك اخت صديقتي مطلقه ثلاث مرات والله لو شفتيها تحاولي تستعوبي كيف فرطوا فيها اخلاق وجمال سبحان الله تصدقي جاها واحد تنحسد عليه وربي عوضها والكل مستغرب ونسوا ان الله ماينسى احد الحين عليك بالصلاة واستعينو بالصبر والصلاة وربي يعوضك خير
الله يعينك ويفرج همك عادي ياقلبي مطلقه ولا تعيشين مع انسان بهذي الحقاره صحتك وراحتك اهم من كنوز الدنيا كلها وان شاء الله ربي يعوضك بأنسان اخير منه. ...الله يعينك ويفرج همك عادي ياقلبي مطلقه ولا تعيشين مع انسان بهذي الحقاره صحتك وراحتك اهم من كنوز...
الصفحة الأخيرة
مايستاهلك اكيد ولا عرف يقدر الجوهره الثمينه اللي الله رزقه فيها وصارت حلاله