كوبونات الراقية تسجيل الدخول

شواطئ حانية

أناس نعرفهم سقطت عن وجوههم أقنعة كانت تزينهم..قصص وحكايات..

الملتقى العام •


بصراحة ....
أنا زعلانة على زميلاتي ايام الدراسة في الكلية
ولا وحدة منهم متواصلة معي الآن رغم اني
مااذكر اني قصرت مع اي وحدة منهم تصدقون
يابنات انه قبل الإختبارات كنت اشرح لهم الأشياء
اللي موفاهمينها واقعد بالساعات ولا احس اني
متممللة بالعكس كنت فرحانة اني اساعد غيري
وكنت اعطيهم ملازمي ومذكراتي ودفتري اللي
اكتب فيه المحاضرات عشان يصورونها وماكنت
اقول لا .....
بس الحين انصدمت فيهم ولاوحدة منهم ذكرتني لو
حتى برسالة...
اكتشفت ان الأسامي مجرد أقنعة ؟؟؟؟
وهذي ابيات كتبتها وأوجهها لهم....

أقنعـــــة
تشوهت كل الملامح وانجلى ركب الغمام
وبعض الوجوه اللي تمر مجرد اقنعـــه
بعض الوجوه اللي شفتها وسط الزحام
تضحك بوجهي وتخفي نواياها المفجعه
بعض الوجوه تحكي لي وتخفي كلام
تلبس ثياب البراءة واحساسك تخدعــه
بعض الوجوه تاخذ من اطباع اللئام
توهمك بالوفا وتعيشك في معمعــة
بعض الوجوه يغتالها النور ويحييها الظلام
تدروك ولو تنــــاديها تقفــي مسـرعــه


اتمنى منكم تشاركوني موضوعي
اللي عندها قصة او مرت بوقف
تكتبه

:26::26:
21
2K

يلزم عليك تسجيل الدخول أولًا لكتابة تعليق.

تسجيل دخول

عروسة حواء
عروسة حواء •
موضوعك مررررررررررررررررة نايس


يا رب الفرج القريب

سبحان الله والحمد الله ولا الله الا الله والله أكبر
فِـــدى
فِـــدى •
عندنا وعندك خير
مسك ودانه
مسك ودانه •
رفع
رماح ردينية
رماح ردينية •
احتسبي الأجر في كل شيء قدمتيه لهم والتمسي لهم العذر حجة الغايب معه جربي تتصلين عليهم كلهم مرة وحدة بس وشوفي بيرجعون يتصلون ويتواصلون ولا يطنشونك؟!
ساعتها بتكون واضحة وضوح الشمس معاني الصداقة عندهم..
بالنسبة لي في عصرنا هذا الصداقة الحقيقية أصابها شُح!ووجودها شبه نادر..
الناس تعاملك بالمثل واصلتيهم واصلوك طنشتيهم طنشوك..ومهما شرحتي ظروفك وأسبابك ومصاعبك ماتلقين أحد يقدِّرك ويعذرك..
الله يعوضك ويرزقك ويرزقني بصحبة صالحة نافعة:44:
أبياتك حلوة ومعبِّرة...حمستني أرد عليها بأبيات:
لااختفى معنى الصداقة قِل على الدنيا السلام
لا رفيق ولا أنيــــس ولا بشــــــر تحكــــي مَعَه
وحدك تكفكــف دمـــوعٍ نازفــــاتٍ في الظـــلام
حتى بابك يبكـــي بصمـــتٍ ولا أحـــــدٍ يقرعــه
صاحبـــي دمعـــــك وحزنـــــــك ذا حـــــــرام
لاانحــدر من أجل ناسٍ ترتدي شــــر أقنعـــــة
وسلامتكم
رماح ردينية
رماح ردينية •
-----------