أنا آسفه بس أبا الصراحه .. كل خواتي الي ازواجهم ايعانون من العقم يدخلون

ياعيوني والله العظيم قطعتي قلبي هدي من روعك حبيبتي وكلها بلاوي هاالدنيا قولي لي حبيبتي هاالدنيا من صفة له ..كلنا عندنا مشاكل وهموم مايعلم فيها الا رب العالمين ..أخيتي انا زوجي عقيم وعالجنا وسوينا انابيب 8 مرات وكلها فاشلة والحين انا صابره معاه 6سنوات وام زوجي الله يهديها ماقدرت صبري وفي بداية زواجي وربي شاهد على اللي اقوله كانت تجرحني في كل مكان ومايهمها ومن المواقف الي مانسيتها :
كنت متزوجه لي ست شهور وكنا بعزيمة وجت وحدة وعطت خالتي ولدها وكان نونو صغيررر مررة قالت خالتي ام زوجي يالله عجلي جيبي زيه قلت أنا بدري شوووي قالت قدااااام الحريم صغيرة نونو لا مانتب صغيرة انا أحمر وجهي قدام الجميع اااه وش أحكي لحد مااحكي والله أنتي فتحتي لي باب ..تصدقين ياأختي ام زوجي من شد ماتجرحن صرت ارجع ابكي المهم رحنا وقلنالها أني مافيني شيء قالت لا كذب الدكاترة مايفهمون أكيد فيك الف شيء اكيد البلاء منكي تخيلي..ااااااااه المشكلة اذذا شافت ولدها ماتقول شيء اذا راح بدأت تجرح ..ومرة كنا أخذينها معانا لمكة هي وخواتها ثنتين وحنا جالسين بالحرم جت وحدة تشحدها وعطتها المقسوم قامت الي تشحد تدعي لخالتي قالت لاتدعين لي أدعي لهذي وتأشر علي تراهاماتجيب عياااااااال اه..
ومرة كنا في المدينة وكان معها خواتها في نفس سيارتنا ونزلنا في سوق عند جبل أحد قالت عند خواتها ودي اشتري دواء للحمل لفلانه اللي هي أنا فقط عشان توهم خواتها ان السبب مني أنا..
ومن عرفت أن السبب مو مني من ولدها وهي باتله تزن على راسه من هاالقصص فلان كان السبب منه ويوم تزوج على زوجته خلفت وفلان وعلان اااااااااااه الله يصبرني بس.
حتى الحين صرت اكره اروح لها تصدقين حمواتي ثلاث تزوجو بعدي وحملو وانجبوا ومادريت عنهم كانت تجحد علي الله يسامحها..
أما من ناحية زوجي فماأدري شنو أقولك راح اظلمه إذا قلت أقشر وراح أظلمه كمان إذاقلت ملتزم وحبوب..هو وسط أحيانا كذا وأحيانا علة ومرض علي..
أخيتي احتسبي كل هذا وربي راح يوفقك أما من ناحية دينه فزوجي يشاهد الافلام والمسسلسلات وليس بذو دين فقط يصلي ويصووم يعني يقوم بواجباته الدينيه ويفعل مايحلو له من الاشياء الاخرى ..ولكني صابرة يمكن راح انفجر بس ماادري متى؟؟
اخيتي إذا كان زوجك عقيم ولايطااااااااااق فماأشجعك على البقاء فلتري نفسك وحالك لعل الله يرزقك ..اسفة أن قلت لك هذا الكلام لكن والله راحمتك أنتي ادعي له وانصحية وان فاض الكيل خلي الفراق اخر شيء.
أسفة حبيبتي ان طولت عليك بالحكي لكن أدعو الله جل وعلا بأن يفرج همك ويرزقك من حيث لاتحتسبي واكثري اخيتي من الاستغفار وربنا معاك.

يا عمري والله حاسة فيكي الله يفرج عنك وعنا جميعا كل هم يارب
وانتي استغلي فرصة هالشهر الكريم واشغلي وقتك بالدعاء
الدعااااااااااااااااااااااااااااااء اللي من قللللللللللللللللللللللللللللللللب
لان محد يحس بالنار اللي فينا الا رب العالمين اللي هو ارحم فينا من اباءنا وامهاتنا
روحي صلي التراويح في المسجد وادعي وابكي
اقري القران كل يوم لك وقت محدد ما يشغلك عنه شي وابكي
وصلي في الليل وابكي
وادعي ربك يختار اللي فيه الخيرة لك واستخيري ربنا ان كان في الاستمرار في حياتك خير
يصبرك ويصلح زوجك ويبعد عنك كل حاسد
وان كان مافيها خير والوضع ماراح ينصلح فاطلبي ربي يختار لك الخيرة ويعوضك خير
والله قلبي معاك وعارفة حجم الالم اللي تحسين فيه
لكن بدعيلك وانتي ادعي بعد لاتنسين وطمنينا عليكي

والله والله نفس الوضع بالظبط وزوجي ماهو ميه ميه احيانا عسل واحيانا لايطاق بس ايش الواحد يسوي لاااااااااااااازم يصبر الين يجي الفرج

والله يا حبيبتي مالك غير الدعاء والتزمي اللهم اصلح لي شأني كله ولا تكلني لنفسي طرفه عين واقرئي على زوجك وعاملي بالحسنى واستخيري واصبري فتره وكوني فيها مروقة وبعدها فكري بشو بدك تعملي
وانا عارفه بعد هالشي لو عملتي انتي حتلاقي انك حتنبسطي وتبطلي تفكري بهالفكره
انا ما بقدر حط حالي محلك لانو كل واحد اعلم بحالو واعلم باللي بيقدر يتحملو
لكن نشالله الله يفرجها عليكي من كل النواحي يا رب
واطرقي باب الله بشده
ونحن بندعيلك نشالله

عقيم واقشر بعد ؟؟
ويش يصبرك عليه
استخيري الله في الطلاق منه يمكن تلاقي الخير بعد فرقاه
الله ييسر لك ويفرج همك