أنا أتحداك أنا أتحداك ,,أذا عزمت علي فرقاي

جلسة نسائية .. فيها بعض الوجوه الجديدة والغريبه بالنسبه لي ! مو مهم
بتقولون أجل وش المهم !!
المهم أن أم (فلان) اللي كانت ماخذه دفة الحوار بيدها وأحيانا تودي الدفة لليسار لما تتكلم عن العيال ومشاكلهم وأحيانا تأخذ الدفة يمين لما تتكلم عن أبو العيال (متحدية) أبو العيال وبصراحة شدني موضوعها يمكن لأن فيه تحدي وأنا أحب التحدي( بس ماني ناوية شر )
طلعت متحدية أبو فلان أنه يقدر يعيش بدونها ويعتمد علي الشغالة !!
وعند أي (هوشه) يقولها تري مالك داعي والشغالة مسوية كل شي في البيت وأنتي مالك شغلة غير الجيران والسوق وتوافه الامور ... تقول مليت من هالأسطوانه ووصلت معي أني أخليه يختبر نفسه
تقول والحديث لأم فلان قررت أروح لأهلي شهر وبأخليه وأشوف الشغالة وش بتسوي له مع العيال والبيت !
بصراحة تمنيت الوقت يمر بسرعة ويجي الشهر الجاي عشان أشوف نهاية التحدي !
ياتري وش بيصير ؟
هل ينهزم البطل أبو فلان ويعترف بقيمة أم فلان . أم تخسر ام فلان في الجولة وماعاد تحداه مرة ثانية !!!!
تري القصة حقيقية وبعد شهر أذا عشنا بجيب لكم الخبر اليقين
سؤال صريح
هل يمكن للشغالة ان تسد مكان الأم ؟؟
جوابي أنا
لا لا لا لا وألف لا
الله لايحرم عيالنا ولابيوتنا ولارجالنا منا