أنا أحترق ،، قلبي يتقطع يا ناس ياعالـــــــم تعبت

بسم الله الرحمن الرحيم
السلام عليكم

أنا بس حبيت أفضفض لأنه ما عندي من يسمعني للأسف
أنا صار لي فترة طويله ما دخلت هالمنتدى والسبب النفسية زفت والحمد لله على كل حال

بس هالأيام انا مره تعباااااااااااااااانه ومتألمه بالحيل

بنات انا أحس ان معاناتي تزيد مع الأيام ،، يعني مش بس تزيد سنوات التأخر لا
الظروف الصعبه تزيد وانا أتقطع وأتألم من داخلي وما أقدر أتكلم أو أسولف مع أحد

بقول لكم كيف ،، حمولتي مهدمين بيتهم القديم وعمي وعمتي( أبو زوجي وأمه ) جوا جلسوا عندنا لحد ما بيتهم يخلص ،، قريب بيكملون السنه اللي صار يا بنات ان التجمع العائلي صار عندي بشقتي
وان لما وحده من خوات زوجي تحمل أو حريم اخوانه يجون الحريم يباركون لعمتي ببيتي
وان لما أنهار و ودي أبكي واتكلم لاااااااااااااااازم أكون داخل غرفتي

وغير كذا لكل طلعه ودخله وين رايحين ؟؟؟؟ وعمي الله يهداه صاير مثل الرادار على عياله
يطلع الصباح وبس يشوف سيارة واحد منهم مش موجوده يدق عليه وينك ؟؟ ويش تسوي ؟؟

مره برمضان اللي فات طلعنا الصباح موعد للمستشفى تخيلوا اتصل على زوجي يسأله وينك ؟؟؟

خلاص أنا تعبت ما عاد أقدر أتحمل ،، والعيد جاي وبيكون المعايد عندنا
موبس كذا كمان حماتي أخت زوجي بتولد هالشهر وبيكون نفاسها عندنا لأن شقتها بالدور الثالث معانا بنفس البيت وصعب تركب لفوق والناس تجي لها فوق

أنا طول الليل ما وقفت من البكا مرررررررررررره متألمه بس ما ودي أتشكى عند خواتي لأنهم ملوا
وما ودهم يسمعون ذا الحكي

قبل كم يوم سلفتي عامله حفله صغيره لبنتها عشان الفطام والله اني لو قعدت ثانيه وحده زياده كان انهرت قدام الحريم ،، على طول نزلت لغرفتي وانهرت بالبكا والألم يقطع قلبي
ما شاء الله كم وحده دخلت من أهلها حوامل الله يسهل عليهم وأنا ما قدرت

حتى لبيت أهلي كرهت الروحه أمي كلامها يجيب الضغط وما أستبعد اني أنجلط منها
والله العظيم اني ما أبالغ تقعد تسب وتشتم في الناس وخلق الله وكأنهم هم السبب ،، ومن تسمع عن وحده حامل من العايله ما تخلي ولا تبقي وكأنهم سارقينه من عندي وأنا خلااااااااااااااااااااااااص ما أقدر أسمع هالحكي وأزيد هم على همي وهي حالتها صعبة وكتبت موضوع عنها من قبل

انتم حريم مثلي لسه الله ما رزقكم وتحسون فيني أكيد أنا أكتب والدموع بعيني وقلبي كأنه بيطلع من جسمي من القهر والألم

خلااااااااااااااص تعبت من المجاملات والاستقبال والابتسامه المزوره اللي على وجهي
تعبت من الكبت
تعبت وأنا أمثل قدام الناس

ياربي ارحم بحالي وارزقني بضنا يسر قلبي وعوضني عن صبري وتحملي بكل خير
لا وتجيكم وحده من سلفاتي الله يهداها تفكر اني أعرف أسرار العايله كلها لأن تجمعهم عندي
وتسألني فلانه وش فيها حامل ؟؟ وفلانه حامل بعد ؟؟؟
ياربي ما تحسسسسسسسسسسسسسسسسسي حجر اللي قدامك والا بشر
أنا بموت وهي بكل سذاجه ايه فرحانه من قدك ووووووووووووووو
وحاطه في بالها ان حمولتي خلاص بيصادقوني وبصير المقربه عندهم لأنهم في شقتي
هي بنفسها تقول لي أنها مره جات البيت وسمعتني أضحك وأسولف مع خوات زوجي وما قدرت تدخل !
طلعت من البيت خير شر ( طبعا هذا كان أول ما تزوجت )
وألحين بعد 6 سنوات تغير كل شي والله اني صرت أقعد معاهم غصب عني ومن داخلي مجروحه وكلامهم كأنه غصص على قلبي
ودي أقول لها خلاص ارتاحي ألحين ترى صرت ما أحب الجلسه معاهم ولا مع غيرهم
انبسطي انت ،، الله يهداها تغار بشكل مش طبيعي ،، جلساتي مع خوات زوجي طبعا قلّت كثير مو نفس أول
تخيلوا وش تقول لي :: بــ لول كنت انت فري معاهم أما ألحين فلانه ( اللي هي سلفتي الثانيه )
قلت لها عليها بالعافيه ، عاد انا مهمني الا الجلسه والسوالف والضحك ياربي وش ذا العقل
الحمد لله ياربي


أنا أعتصر من الأم ،،،،،،،،،ادعوا لي أرجوكم
أنا دعيت كثير و سويت كل اللي أقدر عليه وكل شهر أتأمل خير وبالنهاية :44:

أسأل الله لي ولـــــــــكم الفرج القريب

أرجوكم ردوا علي أنا محتاجه لحدا يكلمني ويواسيني