( وبشر الصابرين )
يا أختي يا عزيزتي تفكرين تعبك وصبرك وتحملك هذآ بيروح هدر ..؟
والله ثم والله وهذآني حلفت لك إن ربي بيعوضك خير عن كل اللي شفتيه ...
أول شي بقولك شغله وعن تجربة شخصية , النفسية المتردية سبب أسسسسسسآسي لتأخر الحمل !
قعدت خمس سنين وأنا أتعالج وأتمرخ وأشرب وأبلع بهالوصفات مافادني ولا شي
مافادني إلا شغلتين : سورة البقرة اللي كنت أقرأها بإستمرآر , وتوكلي على الله مع الدعاء في ثلث الليل الأخير
الحين أنا حامل بشهري الثالث الله يثبت حملي ويرزقك باللي تقر عينك فيه يا قآدر يآ كريم ...
والله ياقلبي إني كنت زيك أعيش نفس إحساسك كرهت الطلعات والجمعات والأعياد والمناسبات بس عشان ماشوف فلانه وعلانه داخلين بعيالهم وأنا دآخله فاضيه يد ورآ ويد وقدآم !
كل ماسمعت إن وحده حامل أحس سكين بصدري وتخنقني العبره والله حتى ما أقدر أطلعها !
غير كلام الحريم الكبار ورميهم للكلام وغير الأسئلة اللي تسم البدن ليه ماحملتي وتعالجتي ولا لأ ...
المشكله أنا فيني القولون وينتفخ بطني من القهوة وبعض الأكلات كل مارحت مكان وصارت لي الحاله تبدآ الأسئله هآه نقول مبروك ؟ فيه بيبي في الكرشه ؟
وحده مره تقول سبحان الله أغلب الحريم اللي ماحملوا أول ماتزوجوآ رجالهم عليهم يحملون على طول
وفجأه إلتفتت على أم زوجي وقالت زوجوآ ولدكم يمكن زوجته تحمل ! طبعا كانت تقصدني : )
هذآ غيض من فيض ياما سمعت وياما تألمت وياما بكيت محد درى عني أتصنع القوة قدام كل الناس حتى قدام أمي وأهلي !
توكلي على ربك ياقلبي وعليك بسورة البقرة والدعاء وأهم شي ريحي نفسيتك خلي إذن من طين وإذن من عجين
أهل زوجك مردهم يطلعون لبيتهم وترتاحين وتعبك وخدمتك لهم والله والله غير ربي يعوضك عنها خير
ولا تتحسسين من كل شي ودآيما دآآآآآآآيما طالعي في الناس اللي أقل منك مو اللي أحسن
فيه أمهات بلاهم ربك بعيال عاقين وأمهات مبتلين بأطفال معاقين وغيرك قعد سنوات طووويله مانكتبت له ذريه !
الله يرضي قلبك باللي يسرك عاجلاً غير آجل , وتجين بموضوعك اللي بعد هذآ تبشرينا بأحسن الأخبار
يارب يارب يارب

قلبي حااااااااااااسه فيك
حبيبتي كلمي زوجك يخليهم يروحوا لبيت واحد من عيالهم
وانتي لاتفكري بناس ماعندهم سالفه انا حاسه فيك والله بس حاولي ماتفكري كثير قولي حسبنا الله ونعم الوكيل
لا حول ولاقوة الابالله

اسأل الله العلي العظيم انه يرزقك عاجلا غير آجل ويرزقني يا كريييييييييييييييم

الله يفرررج همك ويرزقك ماتتمنين يآآآآرب العالمين

صبااااااح الخير حبيبتي
اول شي عليك بالاستغفار
ثاني شي عليك بالصدقه بنيه الولد
قراة سوره البقر كل 3 ايام بنيه الحمل
وبعدين اختي الطب تطور
ليش ما تسوي تلقيح صناااااعي
او طفل انابيب
وحده لها 9 سنوات وذاك اليوم معها ولدها مسويتها بالرياض
والحين راجعه تسويها مره ثانيه




انا بعطيك وصفه هي مره سهله وبسيطه وغير مكلفه
انتي جربيها وربي يطرح فيها البركه
روحي للعطار وخذي منه
عشبه المدينه ولها اسم ثاني شجره العوار =+جاونيه بيضاء على شكل حجر خليه يطحنها
في اول يوم من الدوره ووقت الفجر سوي الشاي عادي وبهريه من العشبه اللي قلت لك
وخذي ملعقه صغيره من الجاونيه مده 3 ايام
واذا عندك انسداد اوترسبات بالرحم راح تطلع
واذا احد معطيك عين او نفس تنفع
هي عن النفس الجاونيه
مده 3 ايام ووقفي
لين ينظف الرحم
راح تلاحظي الدم بيزيد ويطلع اسود متحجر بعدين يطلع احمر
بعد 3شهور بتحملي
ن
معن انا جربتها على طول حملت
وجارتي لها سبع سنوات بس قبل كان عندها ولد
وبعد الوصفه حملت