أنا أم بعد حرمان إلى كل وحده يأست وهي تنتظر كلمه ماما وبشوق

السلام عليكم ورحمة الله وبركاته ....كيفكم ياحبايب قلبي بداية أنا صديقه قديمه للمنتدى وبلأخص قسم تأخر الحمل بنات أنا سنوات وأنا أتردد على هذا القسم وأنا أعيش نفس شعوركم حرمان وحده أمل حزن ولاكن عندي مبدأ من حديث الرسول عليه الصلاة والسلام (عسى أن تكرهوا شئ وهو خيرا لكم وعسى أن تحبوا شئً وهو شرا لكم)يعني يابنات أحنا إمكن نتمنى نصير أمهات وشايفين إن أكيد سعادتنا في هذا الشي بس إمكن هذا الشي شر لنا والعكس يعني إحنا كارهين إننا نكون متأخرين في الحمل وإننا نعيش من دون أطفال بس إمكن هذا فيه خير لنا بلأجر إللي ربي يكتبه لنا في صبرنا والله أعلم بالغيب..... والحديث الثاني إن لوأجتمعوا الناس على أن ينفعوك بشئ فلن ينفعوك إلا بماكتبه الله لنا ولو أجتمعوا الناس على أن يضروك بشئ فلن يضروك إلا بما كتبه الله لنا)والله يابنات كنت أقول لنفسي هذا الحديث لمن كنت أسوي تلقيح وماينجح أن لو أجتمعوا كل الأطباء إنهم ينفعوني وربي ماكتب فماراح يفيدوني بحاجه ......ولمن كنت أتزاعل مع زوجي أو أفكر إن الضعف عنده وأنا سليمه والحمد لله وإيش ذنبي بس كنت أفكر برضوا في حديث الرسول أن لو أجتمعوا الناس على أن يضروني بشئ....) المهم يابنات ماعمري شفت مضايقات علشان تأخر حملي أبدا وأنا صراحه مره كان الموضوع عندي عادي وكنت دائما أردد الآيه الكريمه في بالي"يهب من يشاء إنثاً ويهب من يشاء ذكورا ويجعل من يشاء عقيماً"إن في جزء من الناس حيعيشوا وبموتوا وهم ماخلفوا لأن ربي مقسم الذريه بين الناس ونعم بالله وبعدسنوات من زواجي تقريبا كثير من بنات عمي ماخلفوا وأحتضنوا أطفال وصاروا عيالهم يكبروا قدام عينهم وصاروا أهلي وبالذات أختي الكبيره حبيبة قلبي دايما تكلمني في موضوع الإحتضان وأفتكر إن قبل خمس سنوات تقريبا نزلت موضوع بعنوان "إنحرمت 12 سنه وفجأة أنا أم" وبفضل الله وثم أختي كانت دايما تقلي" لايمر فيك العمر لا إنك خلفتي ولا إنك إحتضنتي "الله لايحرمني منها أحتضنت في وقت كانت هي ترضع وأختي الثانيه الله يسعدهم ماقصروا ووقتها لمن بشرت أخواتي إني أحتضنت ماأنا وحده من أخواتي هي شخصيتها كلتمها مره قليل وماتعبر فأ رسلتلي رساله وقالت @وأخيرا كأنه حلم من أحلامي وأتحقق@ عمري ماراح أنسى مشاعرها مع إنها كان عندها بنت وولد سامحوني أسترسلت شويه ودخلت في التفاصيل المهم بعدين جاء ولدي في حياتي وسوينالوا حفله كبيره ومره فرحنا فيه بس كانت فرحة أهلي وأهلو أكثر وكان عمره خمسه شهور والله يابنات عشت معاه الأمومة بكل معانيها معى إني ماععمري حسيت بحرماني من الأمومه لأني ماكانت فيني أمومه ولاأهتم فيهم ولا أحنلهم بس سبحان الله صار هذا الطفل قطعه من قلبي كل كل حياتي أنا وأبوه والله يابنات كل وحده تقرأ كلامي أنصحها لاتفوتي فرصة إنك تصيري أم على نفسك لو زوجك مو مقتنع أقنعيه وأتموا أموركم بالكتمان يعني لاتقولوا لأحد حتى أهليكم علشان هاذي حاجه خاصه فيكم ومتى ماشافوا طفلكم معاكم وحيشوفوا كيف الأمومة والأبوه حتتفجر منكم وكيف حياتكم تتغير الكل حيبارك صدقوني وإذا زوجك كسول أو مو مقتنع إنت أسعي أتقلي وأسألي ودوري إللين تلاقي طفل مناسب .... بنات وللحكايه بقيه الآن يابنات نظر عيني وولد قلبي عمره خمس سنوات الله يحميه الله وأنا أكتب أسترجعت الزكريات أول مره سنن والله دمعة عينه أول مره نطق بكلمه ماما ياعمري عليه وأول خطوه مشيها وألعابه وملابسه هو كل دنيتنا بس ياحبايبي لمن بدأ يكبر ونخرج نتمشى وأشوفه وحيد مره أحزن عليه وأشوف الناس أطفالهم يلعبوا مع بعض ودايما صرت أدعي يارب لاتجعل ولدي وحيد يارب وحتى أحيانا كانت عيني تدمع من كثر ماأحزن عليه وبعدها نويت إن بس أعمل تلقيح وإذا ربي ماأراد أنتظر أحد من أخواتي يحملوا إللي رضعوه علشان راح أحتضن ولد ثاني مو بنت علشان يكونوا سند لبعض وعزوه وأصحاب في المدرسه في الشارع ودايما أدعي إن ربي يخترلي الخير الخلفه الإحتضان ماتفرق وحتى كنت أقول لأختي تصدقي أنا أستحي من رب العالمين آن أقول يارب أبغى أطفال وأزن بس أقول يارب إذا فيها خيره أرزقني وتقولي أختي بالعكس لازم تتزللي وتكسري نفسك لله في الدعاء ومسكت دعاء ياودود ياودود أكيد الكل يعرفه والله يابنات كتبته في أوراق ووزعته في البيت محل ماأكوي قدام المغسله في المطبخ تسريحه غرفة النوم وفي عرفه المعيشه عند التلفزيون ومسكت الإستغفار بنصيحة صديقتي حأذكر لكم قصتها وبيقين يعني طول الوقت قلبي معلق بالله وحتى يبنات حتنقطعوا عن الكلام لوتستغفري بصوت إنت تسمعيه يعني وقلبك حاضر مو بس باللسان وقلبك في مكان ثاني المهم ووقتها سويت لزوجي خلطه من دايه في الرياض أم سلطان عن طريق التلفون جابلي زوجي الرقم من صاحبه أعتطلوا خلطه وحملت حرمتوا علها بعد إذن الله والخلطه"كيلو عسل أصلي مو مغشوش ونص كيلو سمن بري نظيف وكيلو حلبه قصيمي ينظف ويطحن وملعققة عنزروت يدق و يخلط مع بعض ويوضع في علبه ويأخذ ملعقة أكل على الريق وملعقه صغير قبل النوم وفي هاذي الأيام تبشرني وحده من صديقاتي إللي قلتلكم عليها لها 8سنوات متزوجه بحملها سبحان الله قتصتها عجيبه زوجه كان العدد عنده زيرو وهي عندها كسل بالغده وصارو أبدا مايسألوا ولايروحوا ولا يجوا وبس أتأخرت الدوره وراحت الميتشفى تبغى تنزلها ولزمت الدكتوره عليها بالتحليل وهي تقول أبدا ماله داعي المهم طلعت حامل """"مشاء الله تبارك الله"""وبعد شهرين من إستخدام زوجي للخلطه يابنات ماتصدقوا حلت مشيئة الله قال للشئ كن فيكون "ماشاء الله تبارك الله""" ورزقني والحمد لله بولد ثاني وربي رزق ولدي البكر بأخ زي ماتمنيت والله يابنات مافي شي يعجز رب العالمين لافي الأرض ولا في السماء لمن سمعت يابنات خبر حملي من الممرضه *******وآلان عمره 9شهور وأشوف كيف ولدي الكبير يموت على أخو الصغير وياويلنا أنا ولا أبوه نخلي أخو الصغير يبكي ويجننوا لمن يلعبوا مع بعض مشاء الله تبارك الخالق بالله يارب لكل من تقرأ رسلتي وتفرحلي تتعمها بالخلف الصالح وترضي قلبها وترضيها إنك على كل شي قدير000