السلام عليكم ورحمة الله وبركاته
وأخيرا تحققت أمنيتي وصرت أم زائرة :icon28:
زوجي الله يسعده ترك كل أعماله الصباحيه علشان يحقق لي أمنيتي أني أكون أم زائره .وماقصر
بنتي الوحيده تدرس في روضة رياض نجد .ومن برامجهم أنه كل أم ترغب في زيارة الروضه تتفق مع الأداره على ذالك .
وكلمتهم وأتفقت معاهم وبحثت بالنت عن أفكار وجمعتها كلها في ورقه وكنت مره متحمسه ودي أطبق كل الأفكار .ولكن صادف أنه أيضا كانت وحده من الأمهات كلمتهم بتكون ام زائره لأنه أخر أسبوع كان هذا الاسبوع وقسموا الوقت بيننا أنا من الساعة الثامنه الى العاشره وهي من العاشره .
المهم أني قبلها بيوم وأنا في حاله من الأستعدادت والخوف لأني ربة منزل وماقد تعاملت مع أطفال كثير وبالليل يالله نمت من التفكير وأكلم أختي أدعي لي ربي يوفقني بالمهمه جلست تضحك علي تقول حشىى رايحه أمتحان تقديم وظيفه .
المهم جمعت كل الأفكار من النت وبالأخير مانفذت الا القليل منها .
جهزت البوم الصور حقة بنتي البوم مطبوع مو اللبوم العادي .
ولبست بنتي لبس شخصية (سنو ويت )لأنها تحبها وكنت ناويه أقص عليهم قصة سنو ويت من ضمن برنامجي وخططي .
وجهزت فكرة أخذتها من هنا (عالم حواء) وأشتريت كل لوزمها الا وهي بيتزا خبز التوست .بس خفت أنهم مايحبون الفلفل البارد مثل بنتي ويصير لعب بالنعمه حرام .وألغيت الفكره
وأشتريت لهم ألعاب من تويزر أص .هم ست اولاد وثلاث بنات .
وكان فيه ولدين غايبين وتركنا هدياهم عند المعلمه .
وصلنا للمدرسه الساعه سبعه ونص تقريبا .وأستقبلوني الأطفال عندالباب بكل حب وترحيب وسلموا علي وكأنهم يعرفوني وسلمت عليهم وسويت نفسي حافظه أساميهم من بنتي قلت اوه أكيد أنتي مروه قالت لا :09:
وبعدين جلسنا شوي الا قالت المعلمه يلا الحين وقت الوجبه ورحنا مع بعض لصالة الطعام .
وصورتهم هناك
وبعدها رجعنا للفصل وفرجتهم على الالبوم وصور بنتي وهي صغيره وأنبسطوا كثير عليها وبعض الصور مسويه حركات وضحكوا عليها وأنبسطت عليهم مره وعلى سوالفهم وتعليقاتهم وخاصة عبدالله البنتين كان هديات مره مايتكلمن .
وبعدها قامت المعلمه وخلت بنتي توزع الهدايا عليهم وأول هديه فكت تغليفها وعطتها للولد وأنا كنت أصور الاولد وهم ياخذون الهدايا
وبعدها حان الودع :(قالت المعلمه الحين وقت التدريب للحفله الختاميه بصاله ثانيه وأنا أنقهرت ماشبعت منهم ومشيت معاهم لصالة التدريب وشفتهم وهم يتدربون .وكلمت زوجي وجاء أخذنا .
بس مشاء الله كل الأطفال ومن ضمنهم بنتي يسمعون كلام المعلمه ومايخالفونها وقلت هذي بنتي اللي بالبيت ماتسمع كلامي بسهوله غير أصارخ وأعصب :angry2: والمعلمه يسمعون كلامها بدون ماتصارخ بكل هدواء تتكلم وتامر وهم يسمعون الكلام مشاء الله .
ليتني مدرسة روضه حتى لو مجانا :42:
واليكم الصور .
وأتمنى تقولون رئيكم بصراحة بروضة وفصل بنتي .
